అమెరికా ఎన్నికల్లో డోనాల్డ్ ట్రంప్ విజయం సాధించిన సంగతి తెలిసిందే. దీంతో జనగామ జిల్లాలో ట్రంప్ అభిమానులు సంబరాలు చేసుకున్నారు. ట్రంప్ విగ్రహానికి అభిషేకాలు చేశారు. బచ్చన్నపేట మండలం కొన్నే గ్రామంలో డోనాల్డ్ ట్రంప్ విగ్రహానికి అభిషేకాలు చేసి అభిమానులు సంబరాలు జరుపుకున్నారు. డోనాల్డ్ ట్రంప్ వీరాభిమాని బుస్స కృష్ణ తన ఇంటి ఆవరణలో నిర్మించుకున్న డోనాల్డ్ ట్రంప్ విగ్రహానికి పూలమాలలు వేసి వేడుకలు నిర్వహించారు. ట్రంప్ వీరాభిమాని కృష్ణ అనారోగ్యంతో కొద్ది రోజుల క్రితం అకాల మరణించారు. బుస కృష్ణ ఇంటినిండా తన రక్తంతో రాసుకున్న డోనాల్డ్ ట్రంప్ నామస్మరణం కూడా ఉంది. డోనాల్డ్ ట్రంప్ ఆరోగ్యం బాగుండాలి, మంచి పరిపాలన చేయాలని గతంలో కృష్ణ రక్తాభిషేకం, క్షీరాభిషేకం, జలాభిషేకం చేసి సంగతి తెలిసిందే. తాజాగా స్థానికులు ఆ విగ్రహం వద్దకు స్థానికులు వెళ్లి సంబరాలు జరుపుకున్నారు.