గ్యాస్ సిలిండర్ నుండి పాన్ కార్డ్ వరకు డిసెంబరులో జరిగే మార్పులు ఇవే

ప్రతి నెల ప్రారంభంలో గ్యాస్ సిలిండర్ ధర నుండి ఆధార్ కార్డ్, పాన్ కార్డ్, బ్యాంకు లావాదేవీలు వరకు ప్రతిదానిలో మార్పులు జరుగుతూ ఉంటాయి. రరెండు రోజుల్లో 2025 నవంబర్‌ నెల ముగియబోతోంది. ఈ క్రమంలో డిసెంబర్‌లో గ్యాస్ సిలిండర్ ధర, ఇంటిగ్రేటెడ్ పెన్షన్ పథకంలో పెను మార్పులు జరగబోతున్నాయని సమాచారం. చమురు కంపెనీలు ప్రతి నెలా ధరలను సవరిస్తూ ఉంటాయి. దీని కారణంగా గ్యాస్ సిలిండర్ల ధరలో పెరుగుదల లేదా తగ్గుదల ఉండొచ్చు. కమర్షియల్‌ గ్యాస్‌ సిలిండర్‌పై నవంబర్ 1న రూ.6.50కి తగ్గించగా, గృహవినియోగ గ్యాస్ సిలిండర్ ధర డిసెంబర్ 1న తగ్గే అవకాశం ఉన్నట్టు తెలుస్తోంది. ప్రభుత్వ ఉద్యోగులు ఏకీకృత పెన్షన్ పథకాన్ని ఎంచుకోవడానికి చివరి తేదీ నవంబర్ 30. జాతీయ పెన్షన్ పథకం (NPS) కింద ఉద్యోగులకు UPS ఒక ఎంపికగా అందిస్తారు. దీనిని ఎంచుకునే అవకాశం పరిమిత కాలానికి మాత్రమే ఇస్తారు. కాబట్టి ఉద్యోగులు ఆ ఎంపికను నవంబర్ 30లోపు పూర్తి చేయాలి. ప్రతి సంవత్సరం పెన్షనర్లు తమ జీవిత ధృవీకరణ పత్రాన్ని సమర్పించడం తప్పనిసరి. దీనిని పెన్షనర్లు నవంబరు 30వ తేదీలోపు సమర్పించాలి. ఆదాయపు పన్ను శాఖ ప్రజలు తమ పాన్ కార్డును ఆధార్ నంబర్‌తో లింక్ చేసుకోవాలని నిరంతరం చెబుతూనే ఉంటుంది. ఇక డిసెంబర్ 31 నాటికి పాన్ కార్డును ఆధార్ కార్డుతో లింక్ చేయకపోతే పాన్ కార్డు డియాక్టివేట్ అవుతుందని కేంద్ర ప్రత్యక్ష పన్నుల బోర్డు తెలిపింది. అలాగే ఆధార్ కార్డులో మార్పులను UIDAI పరిశీలిస్తోంది. కార్డులో ఫోటో, QR కోడ్ మాత్రమే ఉండాలి, మిగిలిన సమాచారం ఆన్‌లైన్‌లో అందుబాటులో ఉండాలి అనే నిబంధనను ఇందులో చేర్చవచ్చని విశ్లేషకులు అభిప్రాయపడుతున్నారు.

మరిన్ని వీడియోల కోసం ఇక్కడ క్లిక్ చేయండి

Also Watch:

భక్తులతో కిక్కిరిసిన శబరిమల..12 రోజుల్లో 10 లక్షలమంది..

రూ. 10 కోట్లకు విల్లా.. హైదరాబాద్‌లో భారీ డిమాండ్‌

నిచ్చెన ఎక్కితేనే బ్యాంకు సేవలు.. డబ్బులు వేయాలన్నా, తీయాలన్నా రిస్క్‌ చేస్తేనే

పెరుగుతున్న డయాబెటిస్‌ కేసులు.. స్కిన్‌ క్రీమ్‌ రూపంలో ఇన్సులిన్‌

Pit Bull: పిట్‌ బుల్స్‌ దాడిలో యువతి మృతి