Credit Score: తక్కువ వడ్డీకి ఎక్కువ లోన్ కావాలంటే క్రెడిట్ స్కోర్ ఎంత ఉండాలి?

మీరు రుణం కోసం దరఖాస్తు చేసినప్పుడు, బ్యాంకు మొదట అడిగేది మీ క్రెడిట్ స్కోర్ గురించే. ఈ స్కోర్ మీ క్రెడిట్ యోగ్యతను చూపిస్తుంది. అంటే రుణాన్ని మీరు తిరిగి చెల్లించే సామర్థ్యాన్ని చూపిస్తుంది. ఇది రుణం విషయంలో ముఖ్యమైన అంశం. క్రెడిట్ స్కోర్ అనేది మూడు అంకెల స్కోర్. వివిధ క్రెడిట్ బ్యూరోలు లేదా క్రెడిట్ ఇన్ఫర్మేషన్ కంపెనీలు తమ సొంత క్రెడిట్ స్కోర్‌లను సిద్ధం చేస్తాయి. వీటిలో CIBIL స్కోర్ కు ఎక్కువ ఆదరణ ఉంది. క్రెడిట్ స్కోర్ 700 నుండి 750 ఉంటే బెటర్. మంచి క్రెడిట్ స్కోర్ మీకు అప్పు పుట్టే అవకాశాలను పెంచుతుంది. వడ్డీ రేటును తగ్గిస్తుంది. అయితే క్రెడిట్‌ స్కోర్‌ తక్కువగా ఉంటే బ్యాంకు రుణాలు రావడం కష్టంగా ఉంటుంది. ఒకవేళ బ్యాంకు రుణం ఇచ్చేందుకు అంగీకరిస్తే తక్కువ లోన్‌ వస్తుంటుంది. అలాగే వడ్డీ ఎక్కువగా ఉంటుంది. మరి తక్కువ వడ్డీకి ఎక్కువ లోన్‌ కావాలంటే ఎలాంటి క్రెడిట్‌ స్కోర్‌ ఉండాలో ఈ వీడియోలో తెలుసుకుందాం..