Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Post Office Scheme: ప్రతి నెలా రూ. 9 వేలు మీ చేతికి.! రిస్క్ లేకుండా గ్యారెంటీ రిటర్న్స్.!

Post Office Scheme: ప్రతి నెలా రూ. 9 వేలు మీ చేతికి.! రిస్క్ లేకుండా గ్యారెంటీ రిటర్న్స్.!

Anil kumar poka

|

Updated on: Dec 16, 2024 | 10:08 AM

మనం కష్టపడి సంపాదించిన సొమ్మును పొదుపు చేయడం చాలా ముఖ్యం. పొదుపు చేయడంతో పాటు.. దానిని ఇన్వెస్ట్‌ చేస్తే ఇంకా ఎక్కువ రిటర్న్స్ అందుకోవచ్చు. రిటైర్మెంట్ తర్వాత ఎలాంటి ఆర్థిక ఇబ్బందులు లేకుండా ఉండొచ్చు. వృద్ధాప్యంలో కూడా ఇబ్బందులు లేకుండా ఉండొచ్చు. ఇలా ఎన్నో పథకాలు ఉన్నాయి. వీటిల్లో గ్యారెంటీ రిటర్న్స్ అందించే.. పోస్టాఫీస్ స్మాల్ సేవింగ్స్ కూడా ఉన్నాయి. ఎలాంటి రిస్క్ ఫ్యాక్టర్ లేకుండానే స్థిరమైన ఆదాయం అందించే పథకమే పోస్టాఫీస్ మంత్‌లీ ఇన్‌కం స్కీమ్.

ఇక్కడ పెట్టుబడికి భద్రత ఉంటుంది. నెలవారీగా స్థిరమైన ఆదాయం పొందొచ్చు. ముఖ్యంగా సీనియర్ సిటిజెన్స్ రిటైర్మెంట్ తర్వాత నెలవారీ ఖర్చుల కోసం గ్యారెంటీ ఇన్‌కం కోసం ఈ పథకం పరిశీలించొచ్చు. ఈ పథకంలో ఒకేసారి పెట్టుబడి పెట్టి.. నిర్దిష్ట వడ్డీ రేటు ఆధారంగా నెలవారీగా నగదు పొందొచ్చు. ఇక్కడ పెట్టుబడులపై మార్కెట్‌తో ఎలాంటి సంబంధం ఉండదు. కాబట్టి రిస్క్ కూడా ఉండదు. ప్రభుత్వం మద్దతు ఉంటుంది కాబట్టి కచ్చితమైన రిటర్న్స్ పొందొచ్చు. స్థిరమైన రిటర్న్స్ అందించే పథకంగా ఇది ప్రజాదరణ పొందింది. పోస్టాఫీస్ మంత్లీ ఇన్‌కం పథకంలో ఎవరైనా వ్యక్తిగతంగా అకౌంట్ తెరవొచ్చు. లేదా జాయింట్‌గా గరిష్టంగా ముగ్గురు కలిసి అకౌంట్ తెరవొచ్చు. పదేళ్లు నిండిన పిల్లలకు గార్డియెన్ పేరుతో అకౌంట్ ఓపెన్ చేయొచ్చు. కనీసం రూ. 1000 పెట్టుబడితో ఈ పథకంలో చేరేందుకు అవకాశం ఉంది. సింగిల్ అకౌంట్లో గరిష్టంగా రూ. 9 లక్షలు, జాయింట్ అకౌంట్ అయితే రూ. 15 లక్షల వరకు ఇన్వెస్ట్ చేయొచ్చు. ప్రస్తుతం ఈ పథకంలో వడ్డీ రేటు 7.40 శాతంగా ఉంది. మెచ్యూరిటీ వరకు ప్రతీ నెలా వడ్డీ పొందొచ్చు. ఈ స్కీమ్ మెచ్యూరిటీ ఐదు సంవత్సరాలు.

ఒకసారి పెట్టుబడి పెడితే ఐదు సంవత్సరాలు ప్రతి నెలా వడ్డీ అందుకోవచ్చు. అంటే మొత్తం 60 నెలల పాటు మీకు చేతికి డబ్బులొస్తాయి. ముందస్తు ఉపసంహరణ చేసుకుంటే వడ్డీ రేటులో కాస్త కోత పడుతుంది. సింగిల్ అకౌంట్ కింద గరిష్ట పెట్టుబడి అయిన రూ. 9 లక్షలు డిపాజిట్ చేస్తే.. ప్రతి నెలా వడ్డీ రూపంలో రూ. 5550 వస్తుంది. అదే జాయింట్ అకౌంట్ తెరిచి రూ. 15 లక్షలు డిపాజిట్ చేసినట్లయితే నెలవారీగా రూ. 9,250 చొప్పున అందుతుంది. మెచ్యూరిటీ సమయంలో మీ పెట్టుబడి మీకు తిరిగి వస్తుందని చెప్పొచ్చు. ఇదే విధంగా రూ. 5 లక్షలు ఒకేసారి ఇన్వెస్ట్ చేస్తే ప్రతి నెలా వడ్డీ రూపంలో రూ. 3083 చొప్పున వస్తుంది. అదే విధంగా రూ. లక్ష జమ చేసినట్లయితే నెలకు రూ. 617 వడ్డీ వస్తుంది.

మరిన్ని వీడియోస్ కోసం:
Videos

Viral: అతను 180 మంది పిల్లలకు తండ్రి.! ఒక్క మహిళ కూడా ప్రేమగా ముద్దివ్వలేదట.!

Copper items: రాగి వస్తువులు ధరించడం వల్ల కలిగే లాభాలు తెలిస్తే బంగారం జోలికి పోరు.!

Leaves: ఉద్యోగులకు బంపర్‌ ఆఫర్‌.. మనసు బాలేదా? సెలవు తీసుకోండి.!.