సమ్మక్క తమ్ముడి జాతర.. అంకన్నగూడెంలో పూనకాలు

ప్రకృతిని దైవంగా ఆరాధించే గిరిజనుల ఆచార సంప్రదాయాలకు ములుగు జిల్లా అంకన్నగూడెం వేదికైంది. మేడారం సమ్మక్క-సారక్కల జాతర ముగిసిన వెంటనే, అదే స్ఫూర్తితో ఇక్కడ ప్రతి రెండేళ్లకోసారి నిర్వహించే ‘బాల కుమార స్వామి’ జాతర ఆదివాసీ సంస్కృతికి నిలువుటద్దంగా నిలుస్తోంది. బాల కుమార స్వామిని సమ్మక్క తల్లికి స్వయానా తమ్ముడిగా ఇక్కడి గిరిజనులు భావిస్తారు. మేడారం జాతర తిరుగువారం రోజే ఈ ఉత్సవం ప్రారంభం కావడం ఇక్కడి ప్రత్యేకత. గ్రామ సమీపంలోని గుట్టపై ఉన్న స్వామివారిని గిరిజన పూజారులు ఒక ముంత రూపంలోకి ఆవాహన చేసుకొని డప్పు చప్పుళ్ల మధ్య గ్రామానికి తీసుకువస్తారు. ఈ సమయంలో ఊరంతా పూనకాలతో ఊగిపోతుంది. స్వామివారు గుట్టపై నుండి కిందికి దిగే క్రమంలో భక్తులు తమ భక్తిని చాటుకుంటారు. వందలాది మంది తడి బట్టలతో నేలపై పడుకోగా, పూజారులు వారిపై నుండి నడుచుకుంటూ వెళ్తారు. తమ కష్టాలు తీరాలని కోరుకుంటూ ప్రతి ఇంటి నుండి ఒకరు కోడిని లేదా మేకను బలి ఇచ్చి స్వామివారికి రక్తార్పణం చేస్తారు. అనంతరం ఆలయంలో ప్రత్యేక పూజలు నిర్వహించి, మళ్లీ స్వామివారిని గుట్టపైకి సాగనంపడంతో వనప్రవేశం పూర్తవుతుంది. మేడారం జాతరంతటి విశిష్టత కలిగిన ఈ ఉత్సవం మారుమూల అటవీ ప్రాంతంలో గిరిజన విశ్వాసాలకు ప్రతీకగా నిలుస్తోంది.

మరిన్ని వీడియోల కోసం ఇక్కడ క్లిక్ చేయండి

Also Watch:

హైప్ పెంచుతున్న కొత్త ప్రపంచాలు.. హిట్ కోసం ఏ మాత్రం తగ్గని దర్శకులు

నమ్మించి నట్టేట్లో ముంచేస్తున్న హీరోయిన్స్.. ఎందుకు చేస్తున్నారు ఇలా

హద్దు దాటుతున్న ప్రమోషన్స్‌… చిక్కుల్లో పడుతున్న సినిమాలు

Prabhas: గ్లోబల్‌ రేంజ్‌లో డార్లింగ్ క్రేజ్‌.. జపాన్ మ్యాగజైన్ కవర్‌పై ప్రభాస్

Samyuktha: కొత్త ట్రెండ్ ను ఫాలో అవుతున్న సంయుక్త.. చురకత్తి లా దూసుకుపోతున్న ముద్దుగుమ్మ