Watch: తవ్వకాలలో బయటపడ్డ హనుమాన్ విగ్రహం.. తన్మయత్వంతో భక్తుల పూజలు..!

హనుమకొండ హంటర్ రోడ్‌లో తవ్వకాల్లో పురాతన కాలంనాటి బాల హనుమాన్ విగ్రహం బయట పడింది. శివాలయం అభివృద్ధి పనులు నిర్వహిస్తున్న చోట హనుమాన్ విగ్రహం బయటపడటంతో స్థానికులు భక్తిపారవశ్యంతో ఉప్పొంగి పోతున్నారు. ఆ విగ్రహాన్ని అక్కడే ప్రతిష్టించి పూజలు నిర్వహిస్తున్నారు. త్వరలోనే బాల హనుమాన్‌కు గుడి కట్టిస్తామంటున్నారు.

మరిన్ని వివరాల్లోకి వెళ్తే.. హంటర్ రోడ్‌లోని అభయాంజనేయ స్వామి కాలనీలోని శివాలయంలో గత కొన్ని రోజులుగా అభివృద్ధి పనులు జరుగుతున్నాయి. ఈ క్రమంలో పక్కనే ఉన్న గుట్టలను తొలగిస్తుండగా రెండు రాళ్ల మధ్యలో బాల ఆంజనేయ స్వామి విగ్రహం ప్రత్యక్షం అయ్యింది.

ఆ నోట ఈ నోట ఈ విగ్రహం మాట కాలనీ అంతా విస్తరించడంతో కాలనీ వాసులు తాండోపతాండలుగా అక్కడికి చేరుకొని పూజాలు చేస్తున్నారు. బాల ఆంజనేయస్వామి ప్రత్యక్షం వెలవడం శుభసూచకం అంటున్న స్థానికులు, అక్కడే గుడికట్టి నిత్యపూజలు జరుపుతామని అంటున్నారు.