Watch Video: అర్థరాత్రి రోడ్డు ప్రమాదం.. అగ్గికి ఆహుతైన కారు..

అర్థరాత్రి ఉప్పల్ స్టేడియం వద్ద ఓ కారు ప్రమాదానికి గురైంది. సికింద్రాబాద్ నుంచి ఉప్పల్ వస్తుండగా ఈ ఘటన చోటు చేసుకుంది. అతి వేగంగా వచ్చిన కారు రోడ్డు డివైడర్‎ను ఢీ కొట్టింది. దీంతో ఉన్న పళంగా మంటలు వ్యాపించాయి. అయితే ఎలాంటి ప్రాణ నష్టం జరగలేదు. అర్ధరాత్రి మూడు గంటల సమయంలో ఈ కారు ప్రమాదం జరిగినట్లు తెలుస్తోంది. కార్ స్పీడ్ కంట్రోల్ చేయలేక పోవడంతోనే డివైడర్ను తాకి ఆ పక్కన ఉన్న కరెంటు పోల్‎ని బలంగా గుద్దినట్లు ప్రాథమికంగా నిర్థారణ అయింది. దీంతో ఒక్కసారిగా మంటలు చెల్లరేగి కారు పూర్తిగా కాలి బూడిదైంది. తెలంగాణ రిజిస్ట్రేషన్‎తో ఉన్న TS09 7001 కారులో ప్రయాణిస్తున్న ఇద్దరు ప్రమాద జరిగిన వెంటనే బయటకు దూకేయడంతో సురక్షితంగా బయటపడ్డారు. ఈ ఘటనపై కేసు నమోదు చేసుకున్న ఉప్పల్ పోలీసులు ప్రమాదానికి గల కారణాలను పరిశీలిస్తున్నారు. ప్రస్తుతం దర్యాప్తు చేపట్టినట్లు చెబుతున్నారు పోలీసులు. మరిన్ని వివరాలు తెలియాల్సి ఉంది.

మరిన్ని తెలంగాణ వార్తల కోసం ఇక్కడ క్లిక్ చేయండి..