ఇది కదా.. అసలైన పేరెంటింగ్ అంటే.. కూతురికి జీవిత పాఠాలు నేర్పుతున్న తండ్రి

చదువుతో బాటు జీవితపు వాస్తవికతను నేర్పగలిగితే.. రేపటి తరం అద్భుతంగా రాణిస్తుందని నమ్మిన ఓ తండ్రి.. తన కూతురి చేత.. నిమ్మరసం అమ్మించేందుకు ఏర్పాట్లు చేశాడు. దీనివల్ల వ్యాపార సూత్రాలతో బాటు వ్యక్తుల ఆలోచనా ధోరణి, డబ్బు విలువ వంటివి అవగాహన అవుతాయని ఆ తండ్రి భావించాడు. దీనిని చూసిన purvaagx అనే ఇన్‌ఫ్లుయెన్సర్ వీడియో తీసి పోస్ట్ చేయటంతో ఆ చిన్నారి తండ్రి ఆలోచనను పలువురు ప్రశంసిస్తున్నారు. ఆ వీడియోలో ఓ ఏడేళ్ల చిన్నారి నిమ్మరసం అమ్ముతూ ఉంటుంది. ఆ బాలిక పక్కనే ఆమె అమ్మమ్మ, చిన్నారి తండ్రి కూడా ఉన్నారు. తర్వాత ఆ ఇన్‌ఫ్లుయెన్సర్ ఆ బాలిక తండ్రితో మాట్లాడుతూ.. ‘మీరు రిచ్ డాడీ..పూర్ డాడీ’ పుస్తకం చదివారా అని అడుగుతాడు. దానికి ఆయన బదులిస్తూ.. తాను, తన కూతురు కలిసి ఆ పుస్తకాన్ని చదువున్నట్లు జవాబిస్తాడు.ఆ బుక్ చదివిన తర్వాత.. తన కూతురు..లెమన్ వాటర్ అమ్మే స్టాల్ పెడతానని అడిగిందని, అందుకే తాను స్టాల్ ఏర్పాటు చేశానని ఆ తండ్రి చెప్పుకొచ్చాడు. తన కూతురుకి సమాజం పట్ల అవగాహన కల్పించటానికి, డబ్బు విలువ, ఆర్థిక స్వాతంత్ర్యం, మనుషులతో ఎలా మాట్లాడాలి.. వంటి అంశాల మీద అవగాహన కల్పించేందుకే.. నిమ్మరసం అమ్మే కార్యక్రమం ఏర్పాటు చేశానని ఆ బాలిక తండ్రి వివరించాడు. తన కూతురు ఉన్నత చదువులు చదవాలి..మంచి ర్యాంక్ రావాలి అని మాత్రమే గాక కష్టపడటం, కొన్ని విలువలతో జీవించటం వంటివి నేర్పాలనేదే తన కోరిక అని ఆ తండ్రి వివరించాడు. కాగా, ఈ వీడియో ప్రస్తుతం నెటిజన్లను బాగా ఆకట్టుకుంటోంది.

మరిన్ని వీడియోల కోసం ఇక్కడ క్లిక్ చేయండి

Also Watch:

EPFO: ఉద్యోగులకు అదిరిపోయే గుడ్ న్యూస్

Jio Recharge Plan: రిలయన్స్ జియో ఈ ప్లాన్ కూడా నిలిపివేసిందా?

NTR సినిమాపై నారా రోహిత్ కుట్ర.. క్లారిటీ

సినిమాలు మానేసి.. జాతకాలు చెప్పుకుంటున్న హీరోయిన్

ఓవర్ యాక్షన్ ఎఫెక్ట్.. బిగ్‌బాస్‌కు రాకుండా గెంటేసిన జడ్డెస్