Breaking News
  • ప్రస్తుత పరిస్థితుల్లో ఆర్టీసీని నడపలేం-సీఎం కేసీఆర్‌. ఆర్టీసీకి ఇప్పటికే రూ.5 వేల కోట్ల అప్పులున్నాయి. తక్షణం చెల్లించాల్సిన అప్పులు, బకాయిలు దాదాపు రూ.2 వేల కోట్లు. ప్రస్తుతం ఆర్టీసీని నడపాలంటే నెలకు రూ.640 కోట్లు కావాలి. ఆర్టీసీకి ఆర్థిక భారం మోసే శక్తి లేదు. ఆర్థిక మాంద్యం కారణంగా ప్రభుత్వం కూడా భరించే పరిస్థితి లేదు. ఆర్టీసీకి ఉన్న ఒకే ఒక మార్గం బస్సు చార్జీలు పెంచడం. చార్జీలు ఎక్కువైతే ప్రజలు బస్సులు ఎక్కని పరిస్థితి వస్తుంది. ఇప్పుడు ఆర్టీసీని యధావిధిగా నడపడం సాధ్యం కాదు. హైకోర్టు తీర్పు తర్వాతే తుది నిర్ణయం తీసుకుంటాం-కేసీఆర్‌
  • హైదరాబాద్‌: నేడు రూట్ల ప్రైవేటీకరణపై హైకోర్టులో విచారణ. హైకోర్టు తీర్పుపై ఆర్టీసీ కార్మికుల్లో ఉత్కంఠ
  • చంద్రయాన్‌-2 ప్రయోగం విఫలమైందనడం సమంజసం కాదు. ఇలాంటి ప్రయోగాల్లో చిన్న సమస్యలు తలెత్తే అవకాశం సాధారణం. అంతమాత్రాన చంద్రయాన్‌-2 విఫలమైందనడం సరికాదు -కేంద్రమంత్రి జితేంద్రసింగ్‌
  • ఎస్‌పీజీ సెక్యూరిటీ ఉపసంహరణపై ప్రియాంకాగాంధీ స్పందన. రాజకీయాల్లో భాగంగానే సెక్యూరిటీ తొలగించారు. ఇకపై ఈ తరహా ఘటనలు జరుగుతూనే ఉంటాయి-ప్రియాంక
  • తాజ్‌మహల్‌ పరిసరాల్లో డ్రోన్లు ఎగరేసిన విదేశీ యాత్రికులు. రష్యాకు చెందిన ఐదుగురిని అదుపులోకి తీసుకున్న పోలీసులు
  • దేశంలో ఆర్థిక మాంద్యాన్ని ఎదుర్కొనేందుకు.. పెట్టుబడుల ఉపసంహరణ సరైన పరిష్కారం కాదు-మమతాబెనర్జీ. ప్రభుత్వరంగ సంస్థల్లో వాటాల విక్రయం తాత్కాలిక ఉపశమనమే. ఇలాంటి చర్యలు ఆర్థిక వ్యవస్థ స్థిరత్వానికి దోహదం చేయవు-మమత
  • సియాచిన్‌పై పాకిస్తాన్‌ వివాదాస్పద వ్యాఖ్యలు. సియాచిన్‌ వివాదాస్పద ప్రాంతం. అలాంటి ప్రాంతంలో భారత్‌ పర్యాటకాన్ని ఎలా ప్రారంభిస్తుంది. భారత్‌ నుంచి ఎలాంటి మంచిని ఆశించడంలేదన్న పాక్‌
  • ఈశాన్య రాష్ట్రాల్లో భూ ప్రకంపనలు. గౌహతి, షిల్లాంగ్‌లో కంపించిన భూమి. భయంతో ఇళ్లల్లోంచి బయటకు పరుగులు తీసిన జనం

కాశ్మీర్ పై అమెరికా అదే పాట.. ఆంక్షలు ఎత్తివేయాల్సిందే !

us urges india to take rapid action in lifting jammu and kashmir curbs snubs pakistan, కాశ్మీర్ పై అమెరికా అదే పాట.. ఆంక్షలు ఎత్తివేయాల్సిందే !

జమ్మూకాశ్మీర్ లో విధించిన ఆంక్షలను వెంటనే ఎత్తివేయాలని అమెరికా.. భారత ప్రభుత్వాన్ని కోరింది. భారత-పాకిస్తాన్ దేశాల మధ్య ఉద్రిక్తతల నివారణకు మధ్యవర్తిత్వం వహించేందుకు అధ్యక్షుడు ట్రంప్ సిధ్ధంగా ఉన్నారని అమెరికా విదేశాంగ శాఖలో దక్షిణాసియా వ్యవహారాల అధికారి అలీస్ వెల్స్ తెలిపారు. ట్రంప్ ఈ వారంలో భారత, పాక్ ప్రధానులు మోదీ, ఇమ్రాన్ ఖాన్ లతో వేర్వేరుగా సమావేశమైన విషయాన్ని ఆమె గుర్తు చేశారు. జమ్మూ కాశ్మీర్లో విధించిన ఆంక్షల పట్ల తమ దేశం ఆందోళన చెందుతోందని, మొదట ఆ రాష్ట్రంలో ఆంక్షలను ఎత్తివేయాల్సిందేనని అలీస్ కోరారు. కాశ్మీర్ స్వయం ప్రతిపత్తికి ఉద్దేశించిన ఆర్టికల్ 370 ని గత ఆగస్టులో రద్దు చేసిన కేంద్రం.. ఫరూక్ అబ్దుల్లా, మెహబూబా ముఫ్తీ వంటి రాజకీయ నేతలను, ఇంకా పలువురిని అరెస్టు చేయించింది. ఇప్పటికీ వీరు గృహ నిర్బంధంలో కొనసాగుతున్నారు. అలాగే నెల రోజులకు పైగా ఆ రాష్ట్రంలో ఇంటర్నెట్ వంటి వాటిపై ఆంక్షలు ఉన్నాయి. కొన్ని ప్రాంతాల్లో 144 సెక్షన్ అమలు చేస్తున్నారు.

us urges india to take rapid action in lifting jammu and kashmir curbs snubs pakistan, కాశ్మీర్ పై అమెరికా అదే పాట.. ఆంక్షలు ఎత్తివేయాల్సిందే !

ఈ పరిణామాల పట్ల తమ దేశం ఆందోళన చెందుతోందని అలీస్ పేర్కొన్నారు. కాశ్మీర్లోని స్థానిక నాయకులతో భారత ప్రభుత్వం వెంటనే చర్చలు జరపాలని, సాధ్యమైనంత త్వరగా ఎన్నికలు నిర్వహించాలని తాము కోరుతున్నట్టు ఆమె చెప్పారు. ‘ ఆ రాష్ట్రంలో ఉద్రిక్తతలు తగ్గడం ప్రపంచ దేశాలకు ఎంతో ప్రయోజనకరం.. పైగా దీనివల్ల ఉభయ దేశాల మధ్య చర్చలు జరగడానికి ఇది దోహదపడుతుంది కూడా ‘ అని ఆమె వివరించారు. ఈ నేపథ్యంలోనే మధ్యవర్తిత్వం వహించేందుకు ట్రంప్ ముందుకు వచ్చారని అన్నారు. పాకిస్తాన్ ప్రధాని ఇమ్రాన్ ఖాన్ తీరును కూడా ఆమె దుయ్యబట్టారు. కాశ్మీర్ పై ఖాన్ వ్యాఖ్యలు ఉభయ దేశాల మధ్య సౌహార్దతకు దోహదపడవని అన్నారు. రెండు అణ్వస్త్ర దేశాల మధ్య ఉద్రిక్త వాతావరణం మంచిది కాదని చెప్పిన అలీస్.. అసలు చైనా గురించి మీరెందుకు మాట్లాడడం లేదని ఇమ్రాన్ ఖాన్ ను ప్రశ్నించారు. టర్కీ భాష మాట్లాడే లక్షలాది మంది ముస్లిములను చైనా నిర్బంధించిన విషయాన్ని ఆమె గుర్తు చేశారు. పశ్చిమ చైనాలో ఇలా అనేకమంది ముస్లిములు నిర్బంధంలో ఉన్నారని అలీస్ పేర్కొన్నారు.

us urges india to take rapid action in lifting jammu and kashmir curbs snubs pakistan, కాశ్మీర్ పై అమెరికా అదే పాట.. ఆంక్షలు ఎత్తివేయాల్సిందే !