Viral Video: కారును ఇలా కూడా పార్క్ చేస్తారా.? నవ్వులు పూయిస్తున్న వైరల్ వీడియో.!
కొత్త కారు కొన్నామా.? డ్రైవింగ్ నేర్చుకున్నామా.? అంటే సరిపోదు.. దానిని పార్కింగ్ చేయడం కూడా రావాలి. చిన్న చిన్న ఇరుకు సందుల్లో కారుకు...
Updated on: Jul 19, 2021 | 1:16 PM
కొత్త కారు కొన్నామా.? డ్రైవింగ్ నేర్చుకున్నామా.? అంటే సరిపోదు.. దానిని పార్కింగ్ చేయడం కూడా రావాలి. చిన్న చిన్న ఇరుకు సందుల్లో కారుకు చిన్న గీత కూడా పడకుండా పార్క్ చేస్తే.. అప్పుడు బెస్ట్ డ్రైవర్ అని అంటారు. ఒకవేళ డ్రైవింగ్ నేర్చుకునేటప్పుడు.. పార్కింగ్ నేర్చుకోకపోతే.. అప్పుడు పరిస్థితి ఎలా ఉంటుందో అడ్డం పట్టే విధంగా ఉన్న ఈ వీడియో ప్రస్తుతం సోషల్ మీడియాలో వైరల్గా మారింది.
యూకేలో పని చేస్తోన్న మేల్ నర్స్ అండ్రాయ్ డాల్క్ తన ఫ్లాట్ బాల్కానీలో కూర్చుని సేద తీరుతుండగా.. తన కిటికీలో నుంచి ఓ పార్కింగ్ స్థలంలో కారును పార్క్ చేయడానికి ఓ వ్యక్తి ముప్పుతిప్పలు పడటం అతడి కంటపడింది. దీనితో మొబైల్లో అదంతా రికార్డు చేశాడు. అక్కడ కారును పెట్టే స్థలం కావలసినంత ఉన్నా కూడా.. ఆ డ్రైవర్ ఇబ్బందులు పడటం డాల్క్కు ఆశ్చర్యం కలిగించింది. ఈ ఘటన జూన్ 29న జరిగిందని తెలుస్తోంది.
ముందుకెళ్లడం.. మళ్లీ రివర్స్ చేయడం.. ఇలా ఎనిమిది నిమిషాల పాటు కష్టపడిన ఆ డ్రైవర్ చివరికి తొమ్మిదో నిమిషంలో విజయవంతంగా తన కారును పార్క్ చేయగలిగాడు. దానికి సంబంధించిన వీడియోను డాల్క్ సోషల్ మీడియాలో పోస్ట్ చేయగా.. నెటిజన్లు ఫన్నీ కామెంట్స్తో హోరెత్తిస్తున్నారు. ‘అతడికి కారు పార్క్ చేయడం కొత్తేమో’ అని కొందరు కామెంట్ చేయగా.. ‘అసలు ఆ డ్రైవర్కు లైసెన్స్ ఎలా ఇచ్చారు’ అంటూ మరికొందరు ప్రశ్నించారు. ఏది ఏమైనా ఆ డ్రైవర్ కష్టాన్ని చూసి నెటిజన్లు తెగ నవ్వుకుంటున్నారు.
Also Read:
ఒళ్లు గగుర్పొడిచే వీడియో.. చెట్టుపై 11 అడుగుల భారీ పాము.. షాకైన స్థానికులు..
కొంచెం థ్రిల్.. మరికొంచెం ఆత్రుత.. ఈ ఫోటోలో పాము దాగుంది.. దాన్ని కనిపెట్టండి చూద్దాం.!
ఖాతాదారులకు ఆర్బీఐ ఊహించని షాక్.. ఏటీఎం ట్రాన్సాక్షన్స్పై బాదుడే బాదుడు.!
