Viral Video: రెప్పపాటులో పెంపుడు కుక్క ప్రాణాలను కాపాడిన సూపర్ ఉమెన్.. వీడియో చూస్తే వావ్ అనాల్సిందే..
పెంపుడు కుక్క.. యజమానికి మధ్య ఉండే సాన్నిహిత్యానికి సంబంధించిన వీడియో నెట్టింట (Social Media) వైరల్ అవుతోంది. దీన్ని చూసి అందరూ వావ్ అంటున్నారు.
Woman Saves Dog Video: సోషల్ మీడియాలో నిత్యం ఎన్నో రకాల వీడియోలు వైరల్ అవుతుంటాయి. వాటిలో కొన్ని ఫన్నీగా ఉంటే.. మరికొన్ని ఆశ్చర్యం కలిగిస్తుంటాయి. సాధారణంగా శునకాలు యజమానులను కాపాడేందుకు ఎప్పుడూ వెనకాడవు. అందుకే వీటిని విశ్వాసానికి ప్రతీకగా పేర్కొంటుంటారు. తాజాగా ఓ శునకం ప్రమాదంలో ఉండగా.. దాన్ని ఓ మహిళ రెప్పపాటులో కాపాడింది. దీనికి సంబంధించిన వీడియో ప్రస్తుతం నెట్టింట వైరల్ అవుతుంది. అయితే.. తాము ఇష్టంగా పెంచుకుంటున్న పెంపుడు జంతువుకు ఏదైనా జరిగితే యజమానులు అస్సలు తట్టుకోలేదు. అవసరమైతే వాటిలానే.. యజమానులు కూడా ప్రాణాలను పణంగా పెడతారు. తాజాగా.. పెంపుడు జంతువు.. యజమానికి మధ్య ఉండే సాన్నిహిత్యానికి సంబంధించిన వీడియో నెట్టింట (Social Media) వైరల్ అవుతోంది. దీన్ని చూసి అందరూ వావ్ అంటూ మహిళను మెచ్చుకుంటున్నారు.
LadBible నివేదిక ప్రకారం.. ఈ సంఘటన UKలోని కెంట్లో జరిగింది. కెంట్లోని హాకింగ్లో నివాసం ఉంటున్న రాచెల్ గ్రీన్ తన పార్శిల్ను ఇంటి బయట తీసుకుంటోంది. ఈ క్రమంలో కిటికీ తెరిచి ఉండటంతో తన పెంపుడు దానిలో నుంచి చూస్తుంటుంది. ఈ క్రమంలో అది కిటికీలోంచి జారి కింద పడుతుంది. దాన్ని చూసిన మహిళ.. రెప్పపాటులో అక్కడికి వెళ్లి.. క్యాచ్ పట్టుకుంటుంది.
వైరల్ అవుతున్న వీడియోలో.. పార్శిల్ తీసుకుంటుండగా.. మహిళ తన కుక్కను చూసి.. అరుస్తూ వెనక్కి వెళ్లమంటుంది. కానీ అప్పటికి చాలా ఆలస్యం అయింది.. డాగీ కిటికీలో నుండి దూకింది. దీంతో ఆమె ‘సూపర్ గర్ల్’ లాగా దూసుకెళ్లి పెంపుడు కుక్కను గాలిలోనే క్యాచ్ పట్టుకుంటుంది. అయితే, ఈ దృశ్యం అక్కడున్న సీసీ టీవీ పుటేజీలో రికార్డయింది. అయితే.. ముందుగా ఆ మహిళ గాలిలో కుక్కను ఎలా పట్టుకునిందో వీడియోలో చూడండి..
వైరల్ వీడియో..
ఈ వీడియోను సోషల్ మీడియా ప్లాట్ఫారమ్ ఇన్స్టాగ్రామ్లో లాడ్బిబుల్ అనే యూజర్ షేర్ చేయగా.. లక్షలాది మంది వీక్షించి పలు రకాల కామెంట్లు చేస్తున్నారు. జంతు ప్రేమకు ఈ ఘటన నిదర్శనమంటూ కొందరు పేర్కొంటుండగా.. మరికొందరు సూపర్ ఉమెన్.. రెప్పపాటులో కుక్కను కాపాడింది అంటూ ప్రశంసిస్తున్నారు.
మరిన్ని ట్రెండింగ్ వార్తల కోసం ఇక్కడ క్లిక్ చేయండి.
Sarkaru Vaari Paata: బయటికి కనిపించని పోలీస్ కథ.. సర్కారు వారి పాట కథపై డైరెక్టర్ క్లారిటీ..