Viral: ఆరోగ్య సమస్యలతో ఆస్పత్రికి వృద్ధురాలు.. కడుపు స్కాన్ చేసి.. స్టన్ అయిన వైద్యులు
డానియెలా వెరా అనే వృద్ధ మహిళ కొన్ని వారాలుగా ఆరోగ్య సమస్యలతో బాధపడుతూ వైద్యుల దగ్గరకు వెళ్లింది. అయితే, డాక్టర్లు ఇన్‌ఫెక్షన్‌ కారణంగానే కడుపులో నొప్పి వస్తుందని భావించి మెడిసిన్ ఇవ్వగా నొప్పి తగ్గలేదు. దీంతో వైద్యులు 3డీ స్కానింగ్‌ చేసి.. ఆశ్చర్యానికి లోనయ్యారు. వివరాలు ఇలా....
నవ మాసాలు మోసి అమ్మ బిడ్డకు జన్మనిస్తుంది. కానీ, బ్రెజిల్‌కు చెందిన 81 ఏళ్ల ఈ వృద్ధురాలు మాత్రం 56 ఏండ్లు చనిపోయిన పిండాన్ని మోసింది. నమ్మడానికి ఆశ్చర్యం అనిపించింనా ఇది నిజం. ఆమె అంతకముందకు ఏడుగురు పిల్లలకు జన్మనిచ్చింది. అయితే ఆ తర్వాత తన కడుపులో ఇంకో మృతి చెందిన పిండం ఉందనే విషయం తెలియకుండానే ఆమె జీవనం సాగించింది.
యూరినరీ ట్రాక్ట్ ఇన్‌ఫెక్షన్‌కి సంబంధించిన చికిత్స కోసం డానియెలా వెరాను మొదట ఆమె ఇంటికి సమీపంలోని ఒక చిన్న ఆసుపత్రిలో పరీక్షించారు. అనంతరం వైద్యుడు వృద్ధురాలికి పలు పరీక్షలు నిర్వహించగా కడుపులో రాయిలాంటిది ఏదో ఉన్నట్లు గుర్తించి పెద్ద ఆస్పత్రికి రిఫర్ చేశాడు. అక్కడి డాక్టర్లు ఆమెకు టెస్టులు చేసి స్టన్ అయ్యారు. అప్పటికే ఏడుగురు పిల్లల తల్లి ఆమె… చివరిసారిగా 1968లో గర్భవతి అయింది. గత 56 ఏళ్లుగా అది ఆమె కడుపులో మృత శిశువును మోస్తూనే ఉంది. లోపల ఆ శిశువు దేహం రాయిలా మారిపోయింది. కానీ ఆమెకు ఆ విషయం తెలియదు. 3డి స్కాన్ ద్వారా ఈ విషయాన్ని కనుగొన్న డాక్టర్లు శస్త్రచికిత్స చేసి వృద్ధురాలి కడుపులో ఉన్న స్టోన్ బేబీని బయటకు తీశారు. ఆపరేషన్ జరిగిన మరుసటి రోజే వృద్ధురాలు ఐసీయూలో తుదిశ్వాస విడిచింది. వృద్ధురాలి కడుపులోంచి బయటకు తీసిన ఈ అరుదైన ‘స్టోన్ బేబీ’ను పరీక్షల నిమిత్తం ల్యాబ్‌కు పంపారు.
స్టోన్ బేబీ అంటే ఏమిటి?
శరీరం కడుపులోని చనిపోయిన పిండాన్ని బయటకు పంపలేనప్పుడు, దాని చుట్టూ కాల్షియం పూత ఏర్పడటం ప్రారంభమవుతుంది. క్రమంగా ఆ మృత పిండం గట్టిగా అయి.. రాయి మాదిరిగా మారుతుంది. ఈ వైద్య పరిస్థితిని లిథోపెడియన్ లేదా స్టోన్ బేబీ అంటారు.
మరిన్ని ట్రెండింగ్ వార్తల కోసం క్లిక్ చేయండి..