Viral Video: వామ్మో! ఏంది సామీ నీ ధైర్యం.. 12 అడుగుల కింగ్ కోబ్రాను భలేగా పట్టుకున్నాడుగా..
ఇంటర్నెట్‌లో జంతువులకు సంబంధించి ఎన్నో రకాల వీడియోలు తరచూ వైరల్ అవుతుంటాయి. అందులో ఎక్కువగా..
Updated on: Sep 13, 2022 | 6:01 PM
ఇంటర్నెట్‌లో జంతువులకు సంబంధించి ఎన్నో రకాల వీడియోలు తరచూ వైరల్ అవుతుంటాయి. అందులో ఎక్కువగా పాములకు చెందిన వీడియోలు తెగ చక్కర్లు కొడుతుంటాయి. ఈ మధ్యకాలంలో పాములు తమ ఆవాసాలను వదిలేసి.. జనావాసాల్లోకి వచ్చేస్తున్నాయి. ఆ రకంగానే ఓ భారీ సైజ్ కింగ్ కోబ్రా.. క్వారీలోకి వచ్చి నక్కింది. దాన్ని స్నేక్ క్యాచర్ పట్టుకున్న తీరు చూస్తే మీరు షాక్ కావడం ఖాయం. ఇది పాత వీడియో అయినప్పటికీ.. మరోసారి వైరల్‌గా మారాయి. లేట్ ఎందుకు ఓ లుక్కేసేయండి.
వైరల్ వీడియో ప్రకారం.. ఓ క్వారీలో సుమారు 12 అడుగుల కింగ్ కోబ్రా నక్కి ఉంటే.. అక్కడ పని చేసే కూలీలు దాన్ని చూసి ఒక్కసారిగా దడుసుకుంటారు. వెంటనే సమాచారాన్ని స్నేక్ క్యాచర్ సురేష్‌కి అందించారు. స్పాట్‌కు చేరుకున్న అతడు.. ఆ 12 అడుగుల కింగ్ కోబ్రాను వట్టి చేతులతో చాకచక్యంగా పట్టుకున్నాడు. దాన్ని చాలాసేపు అలాగే పట్టుకుని.. చుట్టూ చేరిన స్థానికులకు చూపిస్తాడు. చివరికి ఓ సంచిలో వేసి బంధిస్తాడు. అనంతరం తీసుకెళ్లి దగ్గరలోని అటవీ ప్రాంతంలో విడిచిపెట్టాడు. ఈ ఘటన కేరళలో చోటు చేసుకుంది. ప్రస్తుతం అందుకు సంబంధించిన వీడియో మరోసారి ఇంటర్నెట్‌లో వైరల్ అవుతోంది. కాగా, ఈ వీడియోను చూసిన నెటిజన్లు వరుసపెట్టి కామెంట్స్‌తో హోరెత్తిస్తున్నారు.
