Watch: చల్‌ చయ్య..చయ్య అంటూ రైల్లో డ్యాన్స్‌ ఇరగీసింది..! ఇలాంటివి బ్యాన్‌ చేయాలంటున్న నెటిజన్లు..

Reels On Trains

సోషల్ మీడియాలో అనేక రకాల వీడియోలు వైరల్‌ అవుతుంటాయి. ఇక యువత చేసే రీల్స్ ఇప్పుడు యూట్యూబ్‌లో మరింత ట్రెండ్‌ అవుతున్నాయి. పాపులారిటీ కోసం యువతీ యువకులు చేసే స్టంట్స్‌పై నెటిజన్లు తీవ్రంగా స్పందిస్తున్నారు. మరింత ఎక్కువ పాపులారిటీ పబ్లిసిటీ కోసం యువతీ, యువకులు ఎలాంటి పనులు చేసేందుకు కూడా వెనుకడుగు వేయటం లేదు. ఇతరులకు అసౌకర్యం కలిగించే అనేక వీడియోలు కూడా మనం సోషల్ మీడియాలో చూస్తుంటాం..అలాంటిదే ఈ వీడియో కూడా. కదులుతున్న రైలులో ఒక అమ్మాయి డ్యాన్స్ చేస్తున్న మరో వీడియో వైరల్ అవుతోంది. రైల్లో యువతి చేసిన డ్యాన్స్ నెటిజన్లు బాగా ఆకట్టుకుంటోంది. కానీ, సోషల్ మీడియా ట్రెండ్‌ కోసం రైళ్లలో పెరుగుతున్న ఇలాంటి సంఘటనలపై నెటిజన్లు ఆందోళన, ఆవేదన వ్యక్తం చేస్తున్నారు.

కదులుతున్న రైలులో ఒక అమ్మాయి డ్యాన్స్ చేస్తున్న వీడియో వైరల్ అవుతోంది. ఈ వీడియోను ‘taara_celeb’ అనే వినియోగదారు తమ ఇన్‌స్టాగ్రామ్ హ్యాండిల్‌లో షేర్ చేశారు. “ట్రైన్ మి సఫర్ ఔర్ యే పాట” అనే శీర్షికతో ఉన్న వీడియో సూపర్ స్టార్ షారూఖ్ ఖాన్.. చయ్య చయ్య సాంగ్‌. ఆ పాటకు యువతి తన డ్యాన్స్‌తో ప్రతాపం చూపించింది. కానీ, ప్రయాణికులు, నెటిజన్లకు కోపం వచ్చింది మాత్రం ఇదంతా రైల్లో చేసినందుకు. ప్రజల ప్రశాంతత, మనోభావాలను దెబ్బతీసేలా, వారికి ఇబ్బందులు కలిగించేలా ఇలా బహిరంగ ప్రదేశాల్లో రీల్స్‌ చేయటం పట్ల పలువురు ఆగ్రహం వ్యక్తం చేస్తున్నారు.

ప్రజా రవాణాలో రీల్స్ తయారీని నిషేధించాలని ప్రభుత్వం నిర్ణయించాలంటూ మరికొందరు నెటిజన్లు సూచిస్తున్నారు. చుట్టు పక్కల ప్రజలు ఇబ్బంది పడతారా..? వారికి అసౌకర్యం కలుగుతుందనే ఆలోచన ఏ మాత్రం లేకుండా వ్యవహరిస్తున్నారంటూ మరికొందరు మండిపడుతున్నారు. మొత్తానికి వీడియో మాత్రం నెట్టింట తెగ చక్కర్లు కొడుతోంది.

మరిన్ని ట్రెండింగ్ న్యూస్ కోసం క్లిక్ చేయండి..