Viral Video: ఆర్టీసీ బస్సులో అపర కాళీగా మారిన మహిళ.. దెబ్బకు దెయ్యం వదలించింది..!
పూణెలో గురువారం నాడు బస్సులో ప్రయాణిస్తున్న ఒక మహిళ తనను అనుచితంగా తాకాడని ఆరోపిస్తూ ఓ వ్యక్తిని చెంపదెబ్బలు కొట్టింది. వైరల్ వీడియోలో, యువకుడి కాలర్ పట్టుకుని దాదాపు 25 సార్లు చెంపలు వాయించేసింది. అనంతరం నేరుగా పోలీసు స్టేషన్‌కు లాక్కెళ్లి, పోలీసులకు అప్పగించింది.
Updated on: Dec 19, 2024 | 7:20 PM
మద్యం మత్తులో ఉన్న వ్యక్తిని ఓ మహిళ తీవ్రంగా కొట్టిన వీడియో ఒకటి సోషల్ మీడియాలో వైరల్ అవుతోంది. బస్సు దిగుతుండగా సదరు వ్యక్తి మహిళను అనుచితంగా తాకేందుకు ప్రయత్నించాడు. దీంతో రెచ్చిపోయిన ఆ మహిళ, అతడి కాలర్ పట్టుకుని 25 సార్లు చెంపదెబ్బలు కొట్టింది. మహారాష్ట్రలోని పూణెలో ఈ ఘటన చోటుచేసుకుంది.
వైరల్ అవుతున్న వీడియోలో, మహిళ అతని కాలర్ పట్టుకుని గట్టిగా కొట్టడం, అతను చేసిన పనికి క్షమాపణలు చెప్పాలని కోరింది. ఈ హఠాత్తు పరిణామంతో బస్సులో ఉన్న ఇతర ప్రయాణీకులెవరూ జోక్యం చేసుకోలేదు. మరింత రెచ్చిపోయిన ఆ మహిళ సదరు వ్యక్తిని చెంపదెబ్బలు వాయించేసింది. ఆ మహిళ ఒకటి రెండు సార్లు కాదు 25 సార్లు చెంపదెబ్బ కొట్టినట్లు వీడియోలో స్పష్టంగా కనిపించింది.
వీడియో చూడండి..
Pune Woman Slaps Drunk Man 25 times for Allegedly harrasing Her inside Bus pic.twitter.com/S5kMNynJYf
— Ghar Ke Kalesh (@gharkekalesh) December 19, 2024
స్థానిక మీడియా కథనాల ప్రకారం, కండక్టర్ వచ్చి జోక్యం చేసుకునే వరకు మహిళ ఆగలేదు. దీని తర్వాత, ఆమె సమీపంలోని పోలీసు స్టేషన్‌కు ఆ వ్యక్తిని లాక్కెళ్లింది. ఈ ఘటనకు సంబంధించిన వీడియో వైరల్‌గా మారడంతో, ఆ మహిళ ధైర్యాన్ని నెటిజన్లు ప్రశంసిస్తున్నారు. ఈ వీడియో @gharkekaleshX హ్యాండిల్‌లో షేర్ చేయడంతో ఈ క్లిప్‌ను ఇప్పటివరకు 1.25 లక్షల సార్లు వీక్షించారు. కామెంట్ బాక్స్‌లో స్పందనలు వెల్లువెత్తాయి.
మరిన్ని ట్రెండింగ్ వార్తల కోసం ఇక్కడ క్లిక్ చేయండి..
