Watch: న్యూస్‌ యాంకర్‌కు లైవ్‌లో అడ్డొచ్చిన ఈగ.. ఏం చేసిందో చూస్తే అవాక్కే..! నెటిజన్ల ప్రశంసలు

News Anchor

లైవ్ న్యూస్‌లో తరచుగా ఏదో ఒక వింత జరుగుతూ ఉంటుంది. కానీ లైవ్ టెలికాస్ట్ కారణంగా దాన్ని మార్చలేరు. ఇలాంటి ఎన్నో వీడియోలు సోషల్ మీడియాలో పాపులర్ అవుతున్నాయి. తాజాగా మరో యాంకర్ లైవ్ షోలో వార్తలను చదువుతుండగా జరిగిన వింత ఘటనకు సంబంధించిన వీడియో నెట్టింట వైరల్‌గా మారింది. ఈ సమయంలో పాపం ఆమె తీవ్రంగా ఇబ్బంది పడింది. అది చూసిన జనాలకే వాంతి వచ్చేలా జరిగింది. ఓ అమెరికన్ న్యూస్ యాంకర్ లైవ్ టీవీలో పొరపాటున ఈగను మింగడంతో ఆ వీడియో వైరల్ అవుతోంది.

వైరల్‌ వీడియోలో ఒక న్యూస్ యాంకర్ లైవ్ టీవీలో పొరపాటున ఈగను మింగినందుకు వైరల్ అవుతోంది. యాంకర్ వెనెస్సా వెల్చ్ గత వారం ఒక వార్త బులిటెన్‌ చదువుతున్నారు. అప్పుడు ఆమె దిగువ కనురెప్పల మీద కూర్చున్న ఒక ఈగ కిందపడి నేరుగా ఆమె నోటిలోకి వెళ్ళింది. లైవ్ లో బ్రేక్ తీసుకోవడానికి కుదరదు కాబట్టి ఏకంగా ఈగను మింగేసింది యాంకర్. ఈ ఘటన మొత్తం కెమెరాలో రికార్డయింది.

వెల్చ్ వేగంగా వార్తలు చదువుతుండగా అకస్మాత్తుగా నోట్లోపడ్డ ఈగను మింగేసింది. ఇదంతా ఆన్‌లైన్‌లోనే జనాల్లోకి వెళ్లిపోయింది. దాంతో ఈ క్లిప్ ఇతర సోషల్ మీడియా ప్లాట్‌ఫామ్‌లలో కూడా వైరల్‌గా మారింది. ఇంటర్నెట్ వినియోగదారులు వ్యాఖ్యలలో యాంకర్ వృత్తి నైపుణ్యాన్ని ప్రశంసించారు. ఒక వినియోగదారు ఇలా వ్రాశాడు, ‘చాలా ప్రొఫెషనల్, ఆమె దేనికీ స్పందించలేదు, అది మరెవరైనా ఉంటే వారు భయపడి ఉండేవారని అన్నారు.

మరిన్ని ట్రెండింగ్ న్యూస్ కోసం క్లిక్ చేయండి…