Viral: తుపాకీతో దోపిడీకి భారీ స్కెచ్.. ఇంతలో ఊహించని ట్విస్ట్.. ప్యాంట్ జారుతున్నా పరుగు మాత్రం ఆపలా.. ఫన్నీ వీడియో..

Funny Robbery Video

Funny Robbery Video: ప్రస్తుతం దొంగతనాలు, దోపిడీ ఘటనలు ఎక్కువగా జరుగుతున్నట్లు మనం చూస్తూనే ఉన్నాం. దొంగలు లేదా మోసగాళ్ళు దేనికీ భయపడకుండా.. రాత్రుళ్లు మాత్రమే కాదు.. పట్టపగలు కూడా దొంగతనానికి వెనుకాడడం లేదు. బహిరంగంగా నడిరోడ్డుపై జనాల నుంచి నగలు, డబ్బు లాక్కోవడం, ఆయుధాలతో దుకాణాలను దోచుకపోతున్నట్లు ఎన్నో వీడియోలు చూశాం. అయితే, ప్రస్తుతం కత్తులతో కాకుండా తుపాకులతో దొంగతనాలకు వెళ్తున్నారు. తాజాగా ఇటువంటి ఓ సంఘటన సోషల్ మీడియాలో హల్ చల్ చేస్తోంది. ఈ వీడియో చూసి మీరు ఖచ్చితంగా నవ్వుకుంటారు.

ఈ వీడియోలో ఒక దొంగ తుపాకీతో ఓ ఆఫీసులోకి చొరబడ్డాడు. కానీ, ఆ తర్వాత జరిగిన సంఘటనతో ఈ వీడియో నెటిజన్లను బాగో ఎంటర్‌టైన్‌మెంట్ చేస్తోంది. చేతిలో తుపాకీతో రిసెప్షన్ వద్ద నిలబడి ఉన్న అమ్మాయి వద్దకు వెళ్లాడు. తుపాకీతో బెదిరించి, డబ్బులు తీసుకోవాలని ప్లాన్ చేశాడు. కానీ, తను అనుకున్న ప్లాన్‌ని అమలుపరచడంలో మాత్రం విఫలమయ్యాడు. జేబులో తుపాకీని తీసే క్రమంలో అది జారి, అమ్మాయి వెనకాల పడుతుంది. దీంతో కంగారు పడిన దొంగ, తుపాకీని తీసుకునేందుకు విఫలయత్నం చేశాడు. ఇంతలో దొరికితే చావు దెబ్బలే గతి అనుకున్నాడేమో.. అక్కడి నుంచి పరార్ అయ్యాడు. తన ప్రాణాల కోసం పరిగెత్తుతూ.. తప్పించుకునే క్రమంలో అతని ప్యాంటు కూడా కిందకు జారిపోయినట్లు వీడియోలో చూడొచ్చు.

దొంగ చేసిన హడావుడి చూడండి..

దోపిడీకి సంబంధించిన ఈ ఫన్నీ వీడియో @TansuYegen అనే IDతో సోషల్ మీడియా ప్లాట్‌ఫామ్ ట్విట్టర్‌లో షేర్ చేశారు. కేవలం 15 సెకన్ల ఈ వీడియోను ఇప్పటి వరకు 7.4 మిలియన్లు అంటే 74 లక్షల సార్లు వీక్షించగా, 5 వేల మందికి పైగా ఈ వీడియోను లైక్ చేసి కామెంట్లు అందించారు.