Viral: బ్రేక్ వేయబోతుండగా బస్సు డ్రైవర్‌కు ఊహించని షాక్.. కనిపించిన నాగుపాము.. చివరికి ఏం చేశాడంటే!

ఇటీవల కాలంలో పాములు జనావాసాల్లోకి రావడం సర్వసాధారణం అయింది. ఎక్కడి పడితే అక్కడ కనిపిస్తున్నాయి. జాగ్రత్త పడకపోతే.. కాటు పడ్డట్టే.. ఇదే కోవలో తాజాగా ఓ బస్సు డ్రైవర్ తృటిలో పాము కాటు నుంచి తప్పించుకున్నాడు. ఈ ఘటన కర్ణాటకలో చోటు చేసుకోగా.. ఆ కథేంటంటే..

వివరాల్లోకి వెళ్తే.. చిక్కమగళూరు జిల్లా కొప్పా తాలూకా జయపుర గ్రామంలో ఈ సంఘటన చోటు చేసుకుంది. రోజూలానే ఆ డ్రైవర్ బస్సును స్టార్ట్ చేశాడు. సగం దూరం కూడా వెళ్లింది బస్సు. ఆ తర్వాత ఒక ప్రాంతం దగ్గరలో బ్రేక్ వేద్దామని.. పెడల్‌పై కాలు వేయబోతుండగా.. ఓ నాగుపాము బుసలు కొడుతూ కనిపించింది. దీంతో సదరు డ్రైవర్.. బ్రేక్ వేయకుండా.. ఇంజిన్ ఆఫ్ చేసి.. చాకచక్యంగా బస్సును స్లో చేశాడు.. అనంతరం ప్రయాణీకులందరినీ కిందకు దింపి.. ఆ పామును ఓ కర్ర సాయంతో బయటికి తీశాడు. కాగా, ఈ వార్త ప్రస్తుతం సోషల్ మీడియాలో వైరల్ అవుతోంది.

Snake2.