Viral Video: అమ్మ బాబోయ్.. ఈ కోతి ముందు మందుబాబులు బలాదూరే.. వీడియో చూస్తే నవ్వు ఆపుకోలేరు..

Monkey Video: కరేబియన్‌లోని సెయింట్ కిట్స్ ద్వీపంలో నివసిస్తున్న ‘తాగుబోతు’ కోతుల కథలను ఇప్పటి వరకు విన్నాం. ఈ కోతులు అక్కడికి వచ్చే పర్యాటకుల నుండి మద్యం బాటిళ్లను దొంగించి.. వాటిని గటగటా తాగేస్తాయి. అయితే, ఈ తాగుబోతు కోతులు.. విదేశాల్లోనే కాదు, మనదేశంలోనూ ఉన్నాయి. అడవిలో నివసించే ఒక కోతి.. రోజూ మద్యం దుకాణం వద్దకు వచ్చి, మద్యం సేవించి వెళుతోంది. ఈ విచిత్ర కోతికి సంబంధించి వివరాలు ఇలా ఉన్నాయి.

వైన్ షాపు నిర్వాహకులు, స్థానికులు తెలిపిన వివరాల ప్రకారం.. మధ్యప్రదేశ్‌ మాండ్లా జిల్లాలోని బహమని బంజార్ గ్రామంలో ఓ మద్యం దుకాణం ఉంది. కహ్నా నేషనల్ పార్క్ సమీపంలోని అడవిలో నివసిస్తున్న కోతి.. వారం రోజుల క్రితం ఆ మద్యం దుకాణం వద్దకు వచ్చింది. అక్కడ తాగి పడేసిన మద్యం సీసాల్లో మిగిలిన మద్యం చుక్కలను టేస్ట్ చేసింది. అప్పటి నుంచి ఆ కోతి.. వైన్ షాప్‌కు రెగ్యూలర్‌గా వస్తోంది. ఖాళీగా పడి ఉన్న మద్యం సీసాల్లో మిగిలిపోయిన మద్యం చుక్కలను తాగేది. అయితే, ఓ రోజు ఆ కోతి ఏకంగా వైన్‌ షాపులోకే ప్రవేశించింది. షాపులో వైన్ బాటిల్‌ను తీసుకుంది. అయితే, షాప్ నిర్వాహకులు దాన్ని అడ్డుకోగా.. వారిపై దాడి చేసింది. దాంతో చేసేదేమీ లేక.. ఆ కోతి చేష్టలను చూస్తూ నిలుచున్నారు.

మొత్తానికి ఓ మద్యం బాటిల్‌ను తీసుకున్న కోతి.. దానిని తాగేసింది. అలా రోజూ రావడం, మద్యం సేవించడం ఆ కోతికి పరిపాటిగా మారింది. కాగా, రోజూలాగే ఇవాళ కూడా వైన్ షాప్‌కు వచ్చిన కోతి.. ఓ విస్కీ ఫుల్ బాటిల్‌ను తీసుకుంది. అప్పటికే వైన్ షాపు నిర్వాహకులు దానికి ఫ్రెండ్స్ అయిపోయారు. ఇక ఆ కోతి దానంతట అదే విస్కీ బాటిల్ మూత ఓపెన్ చేసి మద్యాన్ని గట గటా తాగేసింది. అయితే, షాప్ నిర్వాహకులు దానికి స్నాక్స్ ఇవ్వగా తీసుకునేందుకు నిరాకరించింది. మద్యం తాగిన తరువాత ఆ కోతి.. అక్కడే ఉన్న గ్లాస్‌లోని వాటర్‌ను తాగింది. అనంతరం అక్కడి నుంచి వెళ్లిపోయింది. కాగా, కోతి మద్యం సేవించడాన్ని వైన్ షాప్‌ కు వచ్చిన పలువురు వీడియో తీశారు. ఆ వీడియోను సోషల్ మీడియాలో షేర్ చేయడంతో అదికాస్తా వైరల్‌గా మారింది. ఈ వీడియోను చూసిన నెటిజన్లు షాక్ అవుతున్నారు.

Also read:

Hyderabad City: హైదరాబాద్‌లో కుప్పకూలిన పురాతన భవనం.. తృటిలో తప్పిన పెను ప్రమాదం..

Mia Khalifa: మియా ఖలీఫాపై దేశాధ్యక్షుడు సంచలన ఆరోపణలు.. స్వచ్ఛందంగానే చేస్తానని బదులిచ్చిన మాజీ పోర్న్‌స్టార్..

Zolgensma: అరుదైన వ్యాధితో చిన్నారి.. ప్రాణాలు నిలవాలంటే రూ. 16 కోట్లు కావాలి.. దాతల చేతుల్లోనే చిన్నారి ప్రాణాలు..