Bike Stunt: పాయే ఇజ్జత్ మొత్తం పాయే.. పెళ్లి కూతురు ముందు ఫోజు కొట్టబోయాడు.. కట్ చేస్తే క్లైమాక్స్ అదిరిపోయింది

Groom Bike Stunt

Viral Video: ఇటీవల వివాహాలకు సంబంధించిన వీడియోలు సోషల్ మీడియాలో బాగా వైరలవుతున్నాయి. వాటిలో కొన్ని చాలా ఫన్నీగా ఉంటాయి. మరి కొన్ని ప్రజలను భావోద్వేగానికి గురిచేస్తాయి. అదే సమయంలో, కొన్ని వీడియోలు కూడా చాలా ఆశ్చర్యకరంగానూ ఉంటాయి. సాధారణంగా పెళ్లిళ్లలో వరుడు మండపానికి ఊరేగింపుగా వెళతాడు. సైకిల్, కారు లేదా గుర్రంపై హుషారుగా వెళ్లడం మనం చూసే ఉంటాం. ఇటీవల కొంతమంది బుల్లెట్లపై కూడా వెళుతున్నారు. వెరైటీగా విన్యాసాలు చేస్తూ మండపానికి చేరుకుంటున్నారు. అయితే ఇలాంటి సమయాల్లో ఎంతో అలాంటి వీడియో ఒకటి ఇప్పుడు సోషల్ మీడియాలో వైరల్ అవుతోంది . ఇది చూసి మీరు కూడా ఆశ్చర్యపోతారు అలాగే పడిపడి నవ్వుతారు కూడా..

ఇంటర్నెట్‌లో బాగా వైరలవుతోన్న ఈ వీడియోలో వరుడు బైక్‌పై స్టంట్స్ చూపిస్తూ తన వధువు వద్దకు వెళ్లడానికి ప్రయత్నిస్తాడు. కానీ దురుదృష్టవశాత్తూ పెళ్లికూతురు ముందే కింద పడిపోతాడు. వారు బుల్లెట్‌పై వస్తోన్న వరుడిని ప్రోత్సహించాలనుకున్నారు. కానీ అతను హై స్పీడ్ బైక్ నడుపుతూ బ్యాలెన్స్ కోల్పోయాడు. దీంతో వధువు, ఆమె కుటుంబ సభ్యుల ముందర పడిపోయాడు. ఇక్కడ వరుడి అదృష్టం కూడా బాగుంది. ఎందుకంటే అతను హెల్మెట్ ధరించకపోయినా పెద్దగా గాయాలు తగల్లేదు.

పెళ్లికి ముందు ఇలాంటివి అవసరమా బ్రో!

కాగా @Shit_vidz అనే IDతో సోషల్ మీడియా ప్లాట్‌ఫారమ్ ట్విట్టర్‌లో ఈ వీడియోను షేర్‌ చేశారు. కేవలం 10 సెకన్ల ఈ వీడియోను ఇప్పటివరకు 5 లక్షలకు పైగా వ్యూస్‌ వచ్చాయి. అలాగే వేలాదిమంది లైకులు, కామెంట్లు పెడుతున్నారు. ‘కొంచెం చూసుకోవాలి కదా భయ్యా.. పెళ్లికి ముందు ఇలాంటి స్టంట్లు అవసరమా’ అంటూ ఫన్నీ రియాక్షన్లు ఇస్తున్నారు.

మరిన్ని ట్రెండింగ్ వార్తల కోసం క్లిక్ చేయండి..