YouTube First Video: యూట్యూబ్‌లో అప్‌లోడ్ చేసిన మొట్ట మొదటి వీడియో ఇదే.. దీన్ని ఎప్పుడైనా చూశారా?

Viral Video: యూట్యూబ్‌ ఈ పేరును ప్రత్యేకంగా పరిచయం చేయాల్సిన పనిలేదు. ఆరేళ్ల కుర్రాడి నుంచి 80 ఏళ్ల ముసలివాడి వరకు ప్రతీ ఒక్కరూ యూట్యూబ్‌కు అతుక్కుపోతున్నారు. వంటకాల నుంచి మొదలు బైక్‌ రిపేర్‌ వరకు అన్నింటినీ యూట్యూబ్‌లో చూసి చేసేస్తున్నారు. ఇక యూట్యూబ్‌లో వీడియోలను పోస్ట్‌ చేస్తూ డబ్బులు సంపాదిస్తున్న క్రియేటర్లు ఎంతో మంది ఉన్నారు. ఇంతలా నెటిజన్లు ఆకట్టుకుంటున్న యూట్యూబ్‌ ప్రారంభమై ఇప్పటికి 17 ఏళ్లు గడుస్తోంది. యూబ్యూట్‌ను అధికారికంగా 2005లో అందుబాటులోకి తీసుకొచ్చారు.

యూట్యూబ్‌లో మొదటి వీడియో ఏప్రిల్‌ 24, 2005లో అప్‌లోడ్‌ చేశారు. ప్రస్తుతం కొన్ని వేల కోట్ల వీడియోలతో నిండిపోయిన యూట్యూబ్‌లో మొట్టమొదటిసారి అప్‌లోడ్‌ అయిన వీడియో ఏంటని ఎప్పుడని ఆలోచించారా.? ప్రస్తుతం ఈ వీడియో నెట్టింట వైరల్‌ అవుతోంది. యూట్యూబ్‌ ఇండియా ఈ వీడియోను తమ ఇన్‌స్టాగ్రామ్‌ అకౌంట్‌లో పోస్ట్‌ చేసింది. యూట్యూబ్ సహ వ్యవస్థాపకుడు జావెద్‌ కరీం ఈ వీడియోను యూట్యూబ్‌లో అప్‌లోడ్‌ చేశారు.

ఓ జూ వద్ద చిత్రీకరించిన వీడియోనే యూట్యూబ్‌లో అప్‌లోడ్ అయిన తొలి వీడియోగా చెబుతుంటారు. కాలిఫోర్నియాలోని ఓ జూ వద్ద ఈ వీడియోను చిత్రీకరించారు. ఏప్రిల్‌ 24, 2005లో అప్‌లోడ్ చేసినట్లు చూపిస్తున్న ఈ వీడియోను యూట్యూబ్‌లో ఇప్పటి వరకు 235,316,073 మంది వీక్షించారు. మరి యూట్యూబ్‌లో అప్‌లోడ్‌ అయిన ఆ తొలి వీడియో ఏంటో మీరూ చూసేయండి..

మరిన్ని ట్రెండింగ్ వార్తల కోసం క్లిక్ చేయండి..