తాతగారి 24 ఏళ్ల నాటి SBI పాస్బుక్లో రూ.1 లక్ష బ్యాలెన్స్.. ఇప్పుడు ఆ డబ్బును క్లెయిమ్ చేయడం ఎలా?
ఇంటిని శుభ్రం చేస్తున్నప్పుడు ఒక వ్యక్తికి తన తాతగారికి చెందిన సుమారు 24 ఏళ్ల నాటి పాత ఎస్బీఐ బ్యాంక్ పాస్బుక్ లభించింది. ఆశ్చర్యకరంగా, ఆ ఖాతాలో రూ.1 లక్షకు పైగా బ్యాలెన్స్ ఉన్నట్లు అందులో నమోదై ఉంది. ఖాతాదారుడు మరణించినందున, ఇన్నేళ్ల తర్వాత ఆ డబ్బును తిరిగి పొందడం సాధ్యమేనా? లేదా ఆ డబ్బు పోయినట్లేనా..? అంటూ సదరు వ్యక్తి సోషల్ మీడియాలో నెటిజన్ల సలహా కోరగా ఈ విషయం వైరల్గా మారింది. బ్యాంకింగ్ నిపుణుల ప్రకారం,..
సాధారణంగా ఇళ్లలో పాత సామాన్లు సర్దుతున్నప్పుడు పనికిరాని కాగితాలు అనుకుని చాలా వాటిని పారేస్తుంటాం. కానీ, కొన్నిసార్లు అవే కాగితాలు మన అదృష్టాన్ని మార్చేయవచ్చు. ఇటీవల సోషల్ మీడియాలో ఇలాంటి ఒక ఆసక్తికరమైన విషయమే చర్చనీయాంశంగా మారింది. ఒక వ్యక్తికి తన దివంగత తాతగారికి చెందిన 20 నుండి 24 ఏళ్ల క్రితం నాటి స్టేట్ బ్యాంక్ ఆఫ్ ఇండియా (SBI) పాస్బుక్ దొరికింది. అందులో రూ.1 లక్షకు పైగా బ్యాలెన్స్ ఉంది. అయితే, ఖాతాదారుడు మరణించి చాలా కాలం కావడం, ఖాతా ఇన్నేళ్లుగా నిష్క్రియంగా ఉండటంతో ఆ డబ్బు తిరిగి వస్తుందా? లేదా? అనే అనుమానం ఆ కుటుంబంలో మొదలైంది. దీనిపై సదరు వ్యక్తి ఆన్లైన్లో నెటిజన్ల సలహా కోరారు.
డబ్బులు పోయినట్లేనా..? నిపుణులు ఏమంటున్నారు?:
బ్యాంకింగ్ రంగ నిపుణుల అభిప్రాయం ప్రకారం, ఒక ఖాతా చాలా కాలం పాటు వాడకంలో లేకపోయినా అందులోని డబ్బులు పూర్తిగా వృథా కావు. ఆర్బీఐ (RBI) నిబంధనల ప్రకారం, 10 సంవత్సరాల కంటే ఎక్కువ కాలం పాటు ఎటువంటి లావాదేవీలు జరగని ఖాతాల్లోని సొమ్మును అన్క్లెయిమ్డ్ డిపాజిట్లు గా పరిగణించి ఆర్బీఐ పరిధిలోని డిపాజిటర్ ఎడ్యుకేషన్ అండ్ అవేర్నెస్ (DEA) ఫండ్కు బదిలీ చేస్తారు. అయినప్పటికీ, చట్టబద్ధమైన వారసులు సరైన ఆధారాలు చూపి ఆ డబ్బును తిరిగి పొందవచ్చు.
పాత ఖాతాలోని డబ్బును క్లెయిమ్ చేసే విధానం:
హోమ్ బ్రాంచ్ను సంప్రదించడం: పాస్బుక్ ఏ బ్యాంక్ శాఖకు చెందినదో ఆ బ్రాంచ్కు వెళ్లి మేనేజర్ను సంప్రదించాలి. ఖాతా నంబర్ ఆధారంగా ప్రస్తుతం ఆ సొమ్ము ఏ స్థితిలో ఉందో వారు తనిఖీ చేస్తారు.
అవసరమైన పత్రాల సమర్పణ: ఖాతాదారుడు (తాతగారు) మరణించినందున ఆయన మరణ ధృవీకరణ పత్రం, ఒరిజినల్ పాస్బుక్, అలాగే క్లెయిమ్ చేస్తున్న వ్యక్తి గుర్తింపు కార్డులను (KYC) సమర్పించాలి.
వారసత్వ ధృవీకరణ పత్రం: ఖాతాకు నామినీ వివరాలు ఉంటే ప్రక్రియ సులువవుతుంది. ఒకవేళ నామినీ లేకపోతే, తామే చట్టబద్ధమైన వారసులమని నిరూపించే సక్సెషన్ సర్టిఫికేట్ లేదా లీగల్ హెయిర్ సర్టిఫికేట్ సమర్పించాల్సి ఉంటుంది.
A guy found a 20-24 year old SBI passbook while cleaning his house.
and what he discovered left his entire family shocked.
When he showed the passbook
to his father,he learned that it belonged to his late grandfather.
His father admitted they had always believed the… pic.twitter.com/VZqk4C3JJQ
— Pooja. (@poojaofficial5) July 15, 2026
క్లెయిమ్ ఫారమ్ పూర్తి చేయడం: బ్యాంక్ అందించే డిసీజ్డ్ క్లెయిమ్ ఫారమ్ను పూర్తిగా నింపి పైన పేర్కొన్న పత్రాలను జతచేసి సమర్పించాలి. బ్యాంక్ పరిశీలన పూర్తయిన తర్వాత వడ్డీతో సహా ఆ సొమ్ము వారసుల ఖాతాకు చేరుతుంది. కాబట్టి మీ ఇంట్లో కూడా ఇలాంటి పాత పాస్బుక్లు ఉంటే వాటిని రద్దీగా భావించి పారేయకండి. వెంటనే సంబంధిత బ్యాంకును సంప్రదించి మీ కుటుంబానికి చెందిన దాచిన పొదుపును సురక్షితంగా తిరిగి పొందండి.
మరిన్ని ట్రెండింగ్ న్యూస్ కోసం క్లిక్ చేయండి..