Viral Video: వారెవ్వా.. ఏం ట్యాలెంట్‌ చిచా.. ప్రతిభావంతులకు కొదువే లేదనడానికి ఈ వీడియోనే సాక్ష్యం..
Viral Video: ట్యాలెంట్‌ ఎవడి సొత్తు కాదంటారు. ఎంతో మంది ప్రతిభ ప్రపంచానికి తెలియకుండానే మరుగున పడుతుంటుంది. అయితే ఇది ఒకప్పటి మాట ఎప్పుడైతే సోషల్‌ మీడియా అందుబాటులోకి...
Viral Video: ట్యాలెంట్‌ ఎవడి సొత్తు కాదంటారు. ఎంతో మంది ప్రతిభ ప్రపంచానికి తెలియకుండానే మరుగున పడుతుంటుంది. అయితే ఇది ఒకప్పటి మాట ఎప్పుడైతే సోషల్‌ మీడియా అందుబాటులోకి వచ్చిందో అప్పటి నుంచి ప్రతిభ ప్రపంచానికి ఇట్టే పరిచయం అవుతుంది. స్మార్ట్‌ ఫోన్‌లో వీడియో తీసి ఒక్క పోస్ట్ చేస్తే చాలు దునియా మొత్తం చక్కర్లు కొడుతోంది. ఇలా ఎంతో మంది అసమాన ప్రతిభ ప్రపంచానికి తెలుస్తోంది. ఇక సోషల్‌ మీడియాలో ఆసక్తికరంగా ఉండే వీడియోలను ఎప్పటికప్పుడు పంచుకునే వారిలో ప్రముఖ వ్యాపార వేత్త ఆనంద్ మహీంద్ర మొదటి వరుసలో ఉంటారు.
నిత్యం ఏదో ఒక వీడియోను ట్వీట్ చేసే ఆనంద్.. తాజాగా మరో ఆసక్తికర వీడియోను సోషల్‌ మీడియాలో పంచుకున్నారు. ఈ వీడియోలో ఓ బిల్డింగ్‌ గోడకు అనుకొని ఐరన్‌ రాడ్లతో చేసిన ఓ నిర్మాణం ఉంది. దానికి మొదట్లో చిన్న లాక్‌ లాంటిది ఒకటి ఉంది. అనంతరం ఓ వ్యక్తి ఆ లాక్‌ను ఓపెన్‌ చేయగానే గోడకు అనుకొని ఉన్నట్లున్న ఐరన్‌ రాడ్లు మెట్లలాగా మారిపోయాయి. మెట్లు ఎక్కి, కిందికి దిగి మళ్లీ రాడ్లను గోడకు అనిచ్చి లాక్‌ వేసేశాడు.
ఈ వీడియో ఆ కంట ఈ కంట పడి ఆనంద్ మహీంద్ర దృష్టిని ఆకర్షించింది. వెంటనే ట్వీట్ చేస్తూ.. ‘చూడడానికి సింపుల్‌గా కనిపిస్తున్నా ఎంతో క్రియేటివ్‌గా ఉంది. స్థలాన్ని మిగిలించడమే కాకుండా, గోడపై మంచి డిజైన్‌లా కూడా ఉంది. ఇది చూసిన తర్వాత స్కాండనేవియన్ డిజైనర్లు కూడా ఈర్ష్య పడాల్సిందే’ అని రాసుకొచ్చారు. అయితే ఈ వీడియో ఎక్కడ జరిగిందో తెలియదు కానీ వాట్సాప్‌లో తనకు వచ్చిందని తెలిపారు ఆనంద్ మహీంద్ర. దీంతో ఈ వీడియో కాస్త ప్రస్తుతం వైరల్ అవుతోంది. ఆ మెట్లను తయారు చేసిన వారి ప్రతిభకు నెటిజన్లు ఫిదా అవుతున్నారు.
వైరల్ వీడియో..
మరిన్ని ట్రెండింగ్ ఆర్టికల్స్ కోసం క్లిక్ చేయండి..