Breaking News
  • హైదరాబాద్‌: బేగంపేటలో గుర్తుతెలియని వ్యక్తి అనుమానాస్పద మృతి. ఓ అపార్ట్‌మెంట్‌ సమీపంలో రక్తపు మడుగులో ఉన్న మృతదేహం. పోలీసులకు సమాచారం ఇచ్చిన స్థానికులు.
  • నిర్మల్‌: బైంసాలో కంది రైతుల అరిగోస. ఎలాంటి సమాచారం లేకుండా కొనుగోళ్లను నిలిపివేసిన అధికారులు. ఈరోజు తేదీతో టోకెన్‌ ఇచ్చిన అధికారులు. కొనుగోలు కేంద్రానికి కందులు తీసుకొచ్చిన రైతులు. కొనుగోళ్లు లేకపోవడంతో కందులను తిరిగి తీసుకెళ్తున్న రైతులు.
  • హైదరాబాద్‌: నేరెడ్‌మెట్‌లో దారుణం. మైనర్‌ బాలికపై ఫోటోగ్రాఫర్‌ అఘాయిత్యం ఫోటోకోసం వెళ్లిన మైనర్‌ బాలికపై సలీం అత్యాచారం. అరుచుకుంటూ స్టూడియో బయటికి పరుగులు తీసిన బాలిక. పోలీసులకు ఫిర్యాదు చేసిన బాలిక.
  • నెల్లూరు మున్సిపల్‌ కార్యాలయంలో ఏసీబీ సోదాలు. పలు శాఖలకు సంబంధించిన ఫైళ్లను తనిఖీ చేస్తున్న అధికారులు.
  • భద్రాచలం సబ్‌జైలులో రిమాండ్‌ ఖైదీ ఆత్మహత్యాయత్నం. బాత్‌రూమ్‌ రేకుతో చేయి కోసుకున్న ప్రవీణ్‌కుమార్‌. ఆస్పత్రికి తరలించిన జైలు అధికారులు.
  • డబుల్‌ బెడ్‌రూం ఇళ్ల పేరుతో మోసం చేస్తున్న ముఠా అరెస్ట్‌. యాదాద్రి భువనగిరిజిల్లాః భువనగిరిలో ప్రేమ జంట ఆత్మహత్యాయత్నం. ప్రియుడి మృతి, ప్రియురాలి పరిస్థితి విషమం, ఆస్పత్రికి తరలింపు. ఈ నెల 16న ప్రేమ వివాహం చేసుకున్న స్వామి, ఉమారాణి. వలిగొండ మండలం జంగారెడ్డిపల్లికి చెందినవారిగా గుర్తింపు.

దీదీని చంపితే కోటి.. ఎవరిదా వార్నింగ్.?

West Bengal CM Mamata Benarjee, దీదీని చంపితే కోటి.. ఎవరిదా వార్నింగ్.?

పశ్చిమ బెంగాల్‌లోని పరిస్థితులు నానాటికి ఉద్రిక్తమవుతున్నాయి. ఎన్నికల ముందు తృణమూల్, బీజేపీ కార్యకర్తల మధ్య మొదలైన ఘర్షణలు ఇప్పటీకీ కొనసాగుతూనే ఉన్నాయి. ఈ క్రమంలో తాజాగా ఓ లెటర్ బెంగాల్‌లో కలకలం సృష్టిస్తోంది. సీఎం మమతా బెనర్జీ చంపితే కోటి ఇస్తామంటూ రాసిన ఈ లేఖపై తృణమూల్ నేతలు పోలీసులను ఆశ్రయించారు.

అసలు వివరాల్లోకి వెళ్తే ఆరాంబాగ్ ఎంపీ అపురూప పొద్దార్‌కు కొంతమంది గుర్తు తెలియని వ్యక్తులు ఈ లేఖను రాసినట్లు తెలుస్తోంది. దీదీని చంపి తల తెచ్చినా.. సజీవంగా తీసుకొచ్చినా వారికి కోటి రూపాయలు ఇస్తామని ఆఫర్ ఇచ్చారు. అంతటితో ఆగకుండా మమతా బెనర్జీ ఫోటోని మార్ఫింగ్ చేసి.. ఈ లేఖతో పంపారట. కాగా ఈ లేఖ రాజ్‌వీర్ కిల్లా అనే వ్యక్తి పేరుపై రాయగా.. ఎంపీ అపురూప శ్రీరామ్‌పూర్ పోలీసులకు లేఖను అప్పగించి.. నిందితుడిపై కఠిన చర్యలు తీసుకోవాలని ఫిర్యాదు చేశారు.

ఇది ఇలా ఉండగా రాజీవ్ కిల్లా అనే వ్యక్తి పోలీసుల ముందు లొంగిపోయి.. ఎవరో తనపై కుట్రపన్నారని..తనకు ఈ లేఖతో ఎటువంటి సంబంధం లేదని స్పష్టం చేశాడు. అయితే గతంలో దీదీని జైశ్రీరామ్ నినాదాలతో ఇబ్బంది పెట్టిన బీజేపీ కార్యకర్తలే ఇలాంటి బెదిరింపులకు పాల్పడుతున్నారని తృణమూల్ నేతలు ఆరోపించారు. ఇక పోలీసులు మాత్రం కేసు నమోదు చేసి విచారణను వేగవంతం చేశారు.

Related Tags