Breaking News
  • టీవీ9 తో DME డా. రమేష్ రెడ్డి. ప్లాస్మా అనేది సంజీవని కాదని ఆల్ ఇండియా ఇన్స్టిట్యూట్ ఆఫ్ మెడికల్ సైన్సెస్ ఇప్పటికే ప్రకటించింది. ప్లాస్మా ట్రీట్ మెంట్ పై ఐసీఎంఆర్ ఇప్పటివరకు ఫైనల్ రిజల్ట్స్ ని అనౌన్స్ చేయలేదు. కొన్ని ప్రోటోకాల్స్ మాత్రమే ఇచ్చారు. గాంధీ లో 14 కేసులకు ప్లాస్మా ట్రీట్మెంట్ ట్రీట్మెంట్ ఇచ్చాము.. మంచి రిజల్ట్ వచ్చింది. ప్లాస్మా అనేది అవుట్స్టాండింగ్ ట్రీట్మెంట్లో include చేయాలా లేదా అనేది ఐ సి ఎం ఆర్ ఇంకా నిర్ధారించలేదు. ప్లాస్మా డోనర్స్ ముందుకు రావడం మంచి పరిణామం.
  • అమ‌రావ‌తి: రాష్ట్రంలో ఇద్ద‌రు ఐఏఎస్ అధికారుల పోస్టింగుల్లో మార్పులు. స‌మ‌గ్ర‌శిక్షా అభ‌యాన్ స్టేట్ ప్రాజెక్ట్ డైరెక్ట‌ర్ బాధ్య‌త‌ల నుంచి చిన‌వీర‌భ‌ద్రుడుని త‌ప్పించిన ప్ర‌భుత్వం. పాఠ‌శాల విద్యాశాఖ డైరెక్ట‌ర్ గా చిన‌వీర‌భ‌ద్రుడు నియామ‌కం,ప్ర‌స్తుతం ఇంచార్జిగా ఉన్న చిన‌వీర‌భ‌ద్రుడు. స‌మ‌గ్ర‌శిక్షా అభ‌యాన్ స్టేట్ ప్రాజెక్ట్ డైరెక్ట‌ర్ గా కె,వెట్రిసెల్వి నియామకం. ఇంగ్లీష్ మీడియం అమ‌లు ప్రాజెక్ట్ స్పెష‌ల్ ఆఫీస‌ర్ గా వెట్రిసెల్వికి పూర్తి అద‌న‌పు బాధ్య‌త‌లు.
  • ఏపీలో నూతన ఇండస్ట్రియల్ పాలసీ కి శ్రీకారం. ఇప్పటికే నూతన ఇండస్ట్రియల్ పాలసీ ని ఖరారు చేసిన సర్కార్ . సోమవారం పాలసీని లాంచ్ చేయనున్న పరిశ్రమల శాఖ మంత్రి మేకపాటి గౌతమ్ రెడ్డి.
  • ఈ ఏడాది సామూహిక నిమజ్జనం ఉండదు. దశల వారీ నిమజ్జనం. ప్రభుత్వానికి సహకరించాలి... కోవిడ్ నిబంధనలు పాటించాలి. ఎత్తు విషయంలో పోటీలకు పోకుండా.. చిన్న మండపాలు ఏర్పాటు చేసుకోవాలి. -- భాగ్యనగర్ గణేష్ ఉత్సవ సమితి.
  • కడపజిల్లాలో విషాదం. కమలాపురం మండలం యార్రగుడిపాడు గ్రామంలో అక్కచెల్లెళ్ల ఆత్మహత్యల్లో కొత్త కోణం. ముందురోజు ప్రొద్దుటూరులో తండ్రి బాబురెడ్డి చెట్టుకు ఉరేసుకుని ఆత్మహత్య. చనిపోయేముందు సెల్ఫీ వీడియో రికార్డ్ చేసిన బాబు రెడ్డి. తన చావుకు అల్లుడు సురేష్ రెడ్డి కారణమని సెల్ఫీ వీడియోలో చెప్పిన బాబు రెడ్డి. అల్లుడు పై చర్యలు తీసుకోవాలని కోరుతూ..తనకి న్యాయమూర్తి న్యాయం చేయాలని కోరుతూ సెల్ఫీ వీడియో. తన తండ్రి చావుకు కారణం తన భర్తేనని తెలిసి రైలుకింద పది కుమార్తె స్వేతా రెడ్డి ఆత్మహత్య. అక్క చనిపోయిందని చెల్లెలు ఇంజినీరింగ్ విద్యార్థిని సాయి ఆత్మహత్య. ఒకే కుటుంబంలో ముగ్గురు ఆత్మహత్య.
  • మొదలైన హీరో రానా దగ్గుబాటి మిహీక ల వివాహం. వేద మంత్రోచ్ఛారణ మధ్య 8.45 నిమిషాలకు వధువు మిహిక మెడలో తాళి కట్టనున్న వరుడు రానా. రామానాయుడు స్టూడియోలో వివాహ వేడుక . కరోనా నేపథ్యంలో కట్టుదిట్టమైన భద్రతా చర్యలు. స్టూడియోలో ప్రవేశించడానికి మై గేట్ యాప్ ద్వారా అనుమతి. వివాహ వేడుకలో 30మంది కి మించని కుటుంబ సభ్యులు మరియు నాగచైతన్య, సమంత.

ఐక్యరాజ్యసమితి వేదికగా.. పాక్‌ తీరును ఎండగట్టిన భారత్

'Terror Epicentre Creating False J&K Narrative': India Slams Pakistan at UN Human Rights Council, ఐక్యరాజ్యసమితి వేదికగా.. పాక్‌ తీరును ఎండగట్టిన భారత్

ఐక్యరాజ్యసమితి వేదికగా పాకిస్థాన్‌ను చీల్చిచెండాడింది భారత్. అంతర్జాతీయ ఉగ్రవాదానికి మూలకేంద్రంగా ఎవరు నిలుస్తున్నారో యావత్ ప్రపంచానికి తెలుసునని, వాళ్లే ఇప్పుడు జమ్మూకశ్మీర్‌లో మానవ హక్కుల ఉల్లంఘన జరుగుతోందంటూ భారత్‌ నిప్పులుచెరిగింది. జమ్ముకశ్మీర్‌పై తప్పుడు ప్రచారం చేస్తున్నారని పాక్ తీరును ఐక్యరాజ్యసమితి మానవ హక్కుల మండలిలో భారత్ ఎండగట్టింది. యూఎన్‌హెచ్ఆర్‌సీలో భారత్ తరఫున హోం మంత్రిత్వ శాఖ సెక్రటరీ విజయ్ ఠాకూర్ సింగ్ మంగళవారంనాడు ప్రసంగించారు.

మరోసారి పాకిస్థాన్ పాతపాటే పాడుతూ.. జమ్మూకశ్మీర్ అంశం అంతర్జాతీయ అంశమంటూ ఐక్యరాజ్యసమితిలో లేవనెత్తింది. జమ్మూకశ్మీర్‌ అంశం భారత అంతర్గత వ్యవహారం కాదంటూ పాక్ విదేశాంగ శాఖ మంత్రి షా మెహమూద్ ఖురేషి ప్రసంగించారు. అయితే ఆయన చేసిన వ్యాఖ్యలను విజయ్‌ ఠాకూర్ సింగ్ తోసిపుచ్చారు. భారత ప్రభుత్వం తీసుకున్న సార్వభౌమాధికార నిర్ణయాలు పూర్తిగా తమ దేశ అంతర్గత వ్యవహారమని విజయ్ ఠాకూర్ సింగ్ కుండబద్ధలు కొట్టారు. పార్లమెంటులో ఆమోదించిన ఇతర నిర్ణయాల తరహాలోనే కశ్మీర్ విషయంలో పార్లమెంటు తీసుకున్న నిర్ణయం పూర్తిగా భారతదేశ అంతర్గత వ్యవహారమని, వాటిలో ప్రపంచంలోని ఏ దేశం ప్రమేయాన్ని కూడా అంగీకరించే ప్రసక్తే లేదన్నారు.

కశ్మీర్‌లో ప్రగతిశీల విధానాలను పూర్తిగా అమలు చేయనున్నామని ఠాకూర్ సింగ్ తెలిపారు. కశ్మీర్‌లో మానవ హక్కుల ఉల్లంఘనలు జరుగుతున్నాయంటూ పాక్ పూర్తిగా తప్పుడు కథనాలు, కట్టుకథలు ప్రచారం చేస్తోందన్నారు. అంతర్జాతీయ ఉగ్రవాదానికి ఎవరు కేంద్ర స్థానంగా నిలుస్తున్నారో, ఉగ్రవాదులకు ఆశ్రయం, నిధులు అందించడం చేస్తున్నారో ప్రపంచం మొత్తానికి తెలుసునని పరోక్షంగా పాక్‌ తీరును ఎండగట్టారు.

భారత ప్రభుత్వం ఇటీవల తీసుకున్న శానస పరమైన చర్యలతో జమ్మూకశ్మీర్, లడఖ్‌లలో అభివృద్ధి పథకాలు అమల్లోకి వస్తాయన్నారు. లింగ వివక్షకు తెరపడుతుందని, బాలనేరస్థుల హక్కులకు మెరుగైన రక్షణ లభిస్తుందని, విద్య, సమాచార హక్కులకు భరోసా ఉంటుందన్నారు. సామాజిక-ఆర్థిక సమానత్వం, సమన్యాయానికి భారత ప్రభుత్వం కట్టుబడి ఉందని, కట్టుదిట్టమైన, ప్రగతిశీల విధానాలు అమలు చేస్తోందని ఠాకూర్ సింగ్ తెలిపారు.

ఇక ఎన్‌ఆర్‌సీపై మాట్లాడుతూ, ఎన్సార్సీకి చట్టబద్ధత ఉందని, పారదర్శకంగా, వివక్షా లేకుండా చట్టబద్ధమైన ప్రక్రియ ఉంటుందని, సుప్రీంకోర్టు పర్యవేక్షణలోనే ఈ ప్రక్రియ జరుగుతోందని ఠాకూర్ సింగ్ తెలిపారు. ఎలాంటి నిర్ణయాలు తీసుకున్నా, అమలు చేసినా అవి పూర్తిగా భారతీయ చట్టాలు, ప్రజాస్వామ్య సంప్రదాయాలకు అనుగుణంగా ఉంటాయని ఠాకూర్ సింగ్ ప్రసంగంలో తెలిపారు.

Related Tags