Yadadri: యాదగిరిగుట్టకు వెళ్తున్నారా.. అయితే మీకే ఈ అలర్ట్.. రాత్రి 8.30 గంటల తర్వాత..!
రెండేళ్ల క్రితం యాదగిరిగుట్ట పునర్నిర్మాణం తర్వాత ఆలయాన్ని సందర్శించే భక్తుల సంఖ్య పెరిగింది. వారాంతాల్లో 10 వేల మంది ఆలయాన్ని సందర్శిస్తుండగా, కేవలం బస్సుల ద్వారానే ఈ సంఖ్య 30 వేలకు చేరుకుంటుంది. యాదగిరిగుట్ట డిపో నుంచి రోజూ 101 బస్సులు బయలుదేరుతుండగా, యాదగిరిగుట్ట కు వచ్చే భక్తులు వందలాది బస్సుల ద్వారా రాకపోకలు కొనసాగిస్తున్నారు.
రెండేళ్ల క్రితం యాదగిరిగుట్ట పునర్నిర్మాణం తర్వాత ఆలయాన్ని సందర్శించే భక్తుల సంఖ్య పెరిగింది. వారాంతాల్లో 10 వేల మంది ఆలయాన్ని సందర్శిస్తుండగా, కేవలం బస్సుల ద్వారానే ఈ సంఖ్య 30 వేలకు చేరుకుంటుంది. యాదగిరిగుట్ట డిపో నుంచి రోజూ 101 బస్సులు బయలుదేరుతుండగా, యాదగిరిగుట్ట కు వచ్చే భక్తులు వందలాది బస్సుల ద్వారా రాకపోకలు కొనసాగిస్తున్నారు. అయితే రాత్రి 8.30 గంటల తర్వాత యాదగిరిగుట్ట నుంచి ఎన్ హెచ్ ప్రధాన రహదారి 65 మీదుగా బస్సులు నడపలేని పరిస్థితి నెలకొంది.
నల్లగొండ, మిర్యాలగూడ, సూర్యాపేట, కోదాడ నుంచి యాదగిరిగుట్టకు ఉదయం 5 గంటల నుంచి రాత్రి 8.30 గంటల వరకు బస్సు సర్వీసులు నడుస్తుండగా, రాత్రి 8.30 తర్వాత భువనగిరి నుంచి సర్వీసులు లేవు. గత పదేళ్లుగా ఇదే సమస్యగా ఉంది. రాత్రి 8.30 గంటల తర్వాత జిల్లాలకు బస్సు సర్వీసులు లేకపోవడంతో ఆలస్యంగా వచ్చే భక్తులు ప్రత్యామ్నాయ రవాణాను వెతుక్కోవాల్సి వస్తోంది. భువనగిరిలో చివరి బస్సుకు ఎక్కువ మంది ప్రయాణికులు లేకపోవడంతో మరో బస్సును నడపడం లేదని అధికారులు చెబుతున్నారని, ప్రతి అరగంటకు బస్సు సర్వీసులు అందిస్తున్నామని, రాత్రి 10 గంటల వరకు బస్సులు నడపాలని ప్రయాణికులు కోరుతున్నారు.
రాత్రి 8.30 గంటల తర్వాత బస్సు సర్వీసులు లేకపోవడంతో నల్లగొండ నుంచి వచ్చే భక్తులు ఆటోలు లేదా ఇతర రవాణా మార్గాలను ఆశ్రయించాల్సి వస్తోంది. అయితే, కొందరు బస్సులో మాత్రమే ప్రయాణిస్తూ హైదరాబాద్ లోని ఎల్బీనగర్ కు వెళ్లి అక్కడి నుంచి నల్లగొండకు బస్సులో వెళ్తుంటారు. పెరిగిన రద్దీని దృష్టిలో ఉంచుకుని రాత్రి 10 గంటల వరకు బస్సు సౌకర్యం కల్పించాలని మహిళలు కోరుతున్నారు. ఈ సందర్భంగా యాదగిరిగుట్ట డిపో మేనేజర్ శ్రీనివాస్ మాట్లాడుతూ ఆలయ పునర్నిర్మాణం తర్వాత ఆలయానికి వచ్చే భక్తుల సంఖ్య గణనీయంగా పెరిగిందన్నారు. మరిన్ని బస్సులు నడిపేలా చర్యలు తీసుకుంటామన్నారు.