Viral: మరీ ఇలా ఉన్నారేంట్రా బాబూ.. బేకరీలో వెరైటీ దొంగతనం.. ఏం తీసుకెళ్లారో తెలుస్తే షాకే..!

Viral: దొంగలు.. బంగారం డబ్బులు, విలువైన వస్తువులు దొంగిలించడం గురించి విన్నాం. కానీ ఇక్కడ మాత్రం దొంగలు వెరైటీ చోరీ చేశారు. ఖమ్మం జిల్లా నేలకొండపల్లి మండల కేంద్రంలోని శ్రీ సాయిరాం స్వీట్స్ అండ్ బేకరీ షాపులోకి ప్రవేశించిన దొంగలు.. కేకులు కట్ చేస్తూ సంబరాలు చేసుకున్నారు. అంతేకాదు.. అందులోని ఐస్ క్రీమ్స్, బిస్కెట్స్, చాక్లెట్స్ తస్కరించారు. రాత్రి అంతా బేకరీలో ఎంజాయ్ చేసిన దొంగలు.. ఉదయానికి జారుకున్నారు. అయితే, ఉదయం బేకరీకి వచ్చి చూసుకున్న యజమాని లబోదిబోమన్నారు. షాపులో దాదాపు రూ. 20 వేల పైచిలుకు వస్తువులు పోయినట్లు యజమాని పోలీసులకు ఫిర్యాదు చేశాడు. ఇదంతా ఒక ఎత్తైతే దొంగలు ఆ బేకరీలో ప్రవేశించి కేక్ కట్ చేస్తూ జన్మదిన వేడుకలు జరుపుకున్నట్లుగా ఆనవాళ్లు అందరిని ఆశ్చర్యానికి గురి చేస్తున్నాయి. ఘటనపై కేసు నమోదు చేసుకున్న పోలీసులు దర్యాప్తు చేస్తున్నారు. ఇది ఆకతాయిల పనే అని ప్రాథమిక భావనకు వచ్చారు పోలీసులు.

మరిన్ని తెలంగాణ వార్తల కోసం ఈ లింక్ క్లిక్ చేయండి..