Rythu Bharosa: రైతు భరోసా నిధుల విడుదలకు లైన్ క్లియర్.. త్వరలోనే అకౌంట్లోకి..! ఈ సారి అందరికీ..

తెలంగాణలో యాసంగి సీజన్ మొదలైంది. దీంతో పెట్టుబడి సాయం ఎప్పుడెప్పుడు అందుతుందా అని రైతులు ఎదురుచూస్తున్నారు. ప్రతీ ఏటా వానాకాలం, యాసంగి సీజన్లలో ప్రభుత్వం రైతు భరోసాను అందిస్తోంది. ఈ ఏథకం కింద ప్రతీ ఏడాది ఎకరానికి రూ.12 వేలు అందిస్తోండగా.. వీటిని రెండు విడతలుగా జమ చేస్తోంది. తొలి విడత వానాకాలం సీజన్‌లో ఎకరానికి రూ.6 వేల చొప్పున ఇస్తోండగా.. ఆ తర్వాత యాసంగి సీజన్‌లో రెండో విడతను అందిస్తోంది. ప్రస్తుతం యాసంగి సీజన్ మొదలుకావడంతో త్వరలోనే రైతు భరోసా విడుదలకు రేవంత్ సర్కార్ సిద్దమవుతోంది. ఎల్‌నివో క్రమంలో త్వరగానే రిలీజ్ చేయాలని భావిస్తోంది. ఇటీవల జరిగిన కేబినెట్ సమావేశంలో కూడా దీనిపై చర్చ జరిగినట్లు తెలుస్తోంది.

త్వరలోనే రైతు భరోసా నిధులు..!

ఎల్‌నివో ప్రభావం వల్ల వర్షాలు లేకపోవడంతో చాలామంది రైతులు పంట సాగుకు దూరమయ్యారు. పంట సాగు చేసే భూములకు మాత్రమే రైతు భరోసా అందిస్తామని గతంలో ప్రభుత్వం కండీషన్ పెట్టింది. దీంతో యాసంగి సీజన్‌లో పంటలు వేయని రైతుల అకౌంట్లలో రైతు భరోసా జమ కాదనే ప్రచారం జరుగుతోంది. దీంతో రైతుల ఆందోళనలో ఉన్నారు. ఈ క్రమంలో రేవంత్ సర్కార్ కేబినెట్ సమావేశంలో కీలక నిర్ణయం తీసుకున్నట్లు తెలుస్తోంది. ఎల్‌నివో పరిస్థితుల వల్ల పంట సాగు చేపట్టని రైతులకు కూడా యాసంగి సీజన్లో రైతు భరోసా అందించాలని నిర్ణయించారు. కరువు పరిస్థితుల క్రమంలో పంట సాగు చేయని రైతులకు కూడా డబ్బులు జమ చేయనున్నారు. పంట సాగు చేసినా, చేయకపోయినా ప్రతీ లబ్దిదారుడికి నగదు అందించే దిశగా ప్రభుత్వం కసరత్తులు చేస్తోంది. వానాకాలం సీజన్‌లో 1.48 కోట్ల ఎకరాలకు రూ.8,759 కోట్లు అందించారు. దీని వల్ల 70.40 లక్షల మంది రైతులకు లబ్ది పొందారు.

ప్రతీ రైతు అకౌంట్లోకి డబ్బులు..

ఈ సారి కూడా పంట సాగుతో సంబంధ లేకుండా ప్రతీ రైతుకు రైతు భరోసా అందించనున్నారు. దీంతో అర్హులైన ప్రతీ లబ్దిదారుడి ఖాతాలో డబ్బులు పడనున్నాయి. త్వరలోనే దీనికి సంబంధించి ప్రభుత్వం నుంచి ప్రకటన వచ్చే అవకావముంది. గత ప్రభుత్వం రైతుబంధు పథకం ద్వారా ప్రతీ ఏడాది ఎకరానికి రూ.10 వేల చొప్పున అందించింది. కాంగ్రెస్ ప్రభుత్వం అధికారంలోకి వచ్చాక పెట్టుబడి సాయాన్ని రూ.12 వేలకు పెంచింది. దీంతో ప్రతీ ఏడాది ఎకరానికి రూ.12 వేల చొప్పున అందిస్తోంది. అయితే కేవలం పంట సాగు చేస్తున్న భూములకు మాత్రమే రైతు భరోసా అందిస్తామని కొత్త రూల్ తీసుకొచ్చారు. అధికారులు క్షేత్రస్థాయిలో పరిశీలన చేేపట్టి వ్యసాయ భూములను గుర్తించారు. వారికి మాత్రమే పెట్టుబడి సాయం అందించారు.