K.A.Paul: ఆరోజు సచివాలయం ప్రారంభోత్సవం వద్దు.. గన్ పార్క్ వద్ద కె ఏ పాల్ హల్ చల్

అసెంబ్లీ గన్ పార్క్ వద్ద ప్రజాశాంతి పార్టీ అధ్యక్షుడు కేఏ పాల్ హల్ చల్ చేశారు. అమరవీరుల స్తూపం దగ్గరికి వెళ్లనివ్వరా.. మొన్న సెక్రటరియెట్ వెళ్తే అడ్డుకున్నారంటూ నిరసనకు దిగారు  కేఏ పాల్. తెలంగాణలో ఈ గుండాయిజం ఎంటి..? నన్ను తెలంగాణాలో బ్యాన్ చేద్దామని అనుకుంటున్నారా..? అంబేడ్కర్ సెక్రటేరియట్‌ని కేసీఆర్ పుట్టినరోజు ఓపెన్ చేయడం ఎంటి..? వాస్తు బాగాలేదని సెక్రటేరియట్ కులగొట్టడం ఎంటి? అంటూ ప్రశ్నించారు. నేను వద్దన్నాను, దేవుడు వద్దు అనుకున్నాడు. అందుకే సెక్రటేరియట్ కాలిపోయింది.

నాతో పెట్టుకుంటే అలాగే ఉంటుంది. దేవుడు కూడా కేసీఆర్ కి వ్యతిరేకంగా ఉన్నాడు. దేవుడికి నచ్చకనే సెక్రటరీయెట్ కి వ్యతిరేకంగా నిలబడ్డాడు. అవినీతి ఎంతో కాలం చెల్లదంటూ విమర్శించారు.  కేసీఆర్ ఇప్పటికైనా పశ్చాత్తాపడాలి.. మారాలంటూ సూచించారు. కేసీఆర్ ఈసారి ముఖ్యమంత్రిగానే గెలవలేడు.. ప్రధాని ఏం అవుతాడా అంటూ ఎద్దేవ చేశారు.

అంబేడ్కర్ జయంతి రోజే సెక్రటేరియట్ ప్రారంభించాలని డిమాండ్ చేశారు. పేరు ఒకరిది.. పండుగా ఒకరిదా? అంటూ మండిపడ్డారు. సచివాలయం ప్రారంభంపై హైకోర్టులో పిల్ వేసాను. హైకోర్టు చీఫ్ జస్టిస్ వద్ద నా వాదనలు వినిపించానంటూ విమరించారు.

తెలంగాణ సీఎం కేసీఆర్ పుట్టినరోజు తెలంగాణ నూతన సచివాలయం ప్రారంభంపై హైకోర్టులో కెఏ పాల్ పిల్ దాఖలు చేసిన సంగతి తెలిసిందే. తెలంగాణ నూతన సచివాలయం కేసీఆర్ పుట్టినరోజు ప్రారభించడాన్ని సవాలు చేస్తూ కెఏ పాల్ హైకోర్టులో పిల్ వేశారు. ఏప్రిల్ 14 న అంబేద్కర్ పుట్టినరోజు నాడు నూతన సచివాలయం ప్రారంభించాలని డిమాండ్‌ చేశారు.

నూతన సచివాలయంకు అంబేద్కర్ పేరు పెట్టిన కేసీఆర్ అంబేద్కర్ పుట్టినరోజు నాడు సచివాలయం ప్రారంభించాలని పిల్ దాఖలు చేశారు. ప్రతి వాదులుగా సీఎంఓ, చీఫ్ సెక్రటరీలను చేర్చారు.

మరిన్ని తెలంగాణ వార్తల కోసం