Hyderabad Trains: ప్రయాణీకులకు అలెర్ట్.. హైదరాబాద్ నుంచి బయలుదేరే ఆ రైలు రద్దు.. వాటి టైమింగ్స్లో మార్పులు
హైదరాబాద్ నుంచి ప్రయాణం చేసే రైల్వే ప్రయాణికులకు అధికారులు కీలక ప్రకటన చేశారు. పలు రైళ్ల సమయాల్లో మార్పులతో పాటు, ఓ రైలును రద్దు చేస్తున్నట్లు అధికారులు తెలిపారు. వీటిలో ప్రధానమైంది హైదరాబాద్ నుంచి ఢిల్లీ వెళ్లే తెలంగాణ ఎక్స్ప్రెస్ రైలును రద్దు చేశారు. వీటితో పాటు పలు రైళ్ల షెడ్యూల్లో మార్పులు చేశారు..
హైదరాబాద్ నుంచి ప్రయాణం చేసే రైల్వే ప్రయాణికులకు అధికారులు కీలక ప్రకటన చేశారు. పలు రైళ్ల సమయాల్లో మార్పులతో పాటు, ఓ రైలును రద్దు చేస్తున్నట్లు అధికారులు తెలిపారు. వీటిలో ప్రధానమైంది హైదరాబాద్ నుంచి ఢిల్లీ వెళ్లే తెలంగాణ ఎక్స్ప్రెస్ రైలును రద్దు చేశారు. వీటితో పాటు పలు రైళ్ల షెడ్యూల్లో మార్పులు చేశారు..
* హైదరాబాద్ న్యూఢిల్లీల మధ్య నడిచే ట్రైన్ నెంబర్ 12723 తెలంగాణ ఎక్స్ప్రెస్ రైలును రద్దు చేస్తున్నట్లు అధికారులు తెలిపారు. జనవరి 19వ తేదీన (శుక్రవారం) ఉదయం 6 గంటలకు హైదరాబాద్ నుంచి బయలు దేరాల్సిన తెలంగాణ ఎక్స్ప్రెస్ రైలును రద్దు చేస్తున్నట్లు అధికారులు ప్రకటించారు. ఈ రైలుకు అనుసంధానంగా నడిచే పేరింగ్ ట్రైన్ ఆలస్యం కారణంగానే తెలంగాణ ఎక్స్ప్రెస్ను రద్దు చేస్తున్నట్లు అధికారులు తెలిపారు.
* హైదరాబాద్ నుంచి తంబరం వెళ్లే చార్మినార్ ఎక్స్ప్రెస్ రైలును రీషెడ్యూల్ చేస్తున్నట్లు అధికారులు తెలిపారు. ట్రెన్ నెంబర్ 12760 హైదరాబాద్ – తంబరం చార్మినార్ ఎక్స్ప్రెస్ రైలు సమయాల్లో మార్పులు చేశారు. జవనరి 18వ తేదీ (గురువారం) హైదరాబాద్ నుంచి 18.00 గంటలకు బయలుదేరాల్సిన రైలు గంట ఆలస్యంగా అంటే 19.00 గంటలకు బయలు దేరనున్నట్లు అధికారులు ప్రకటించారు.
* హైదరాబాద్ నుంచి బిహార్లోని రక్సాల్కు వెళ్లే రైలు ప్రయాణ సమయంలో మార్పు చేస్తున్నట్లు రైల్వే అధికారులు తెలిపారు. ట్రెన్ నెంబర్ 17005 హైదరాబాద్ – రాక్సాల్ ఎక్స్ప్రెస్.. గురువారం 23.10 గంటలకు బయలు దేరాల్సి ఉండగా, శుక్రవారం 01.10 గంటలకు రీషెడ్యూల్ చేస్తున్నట్లు అధికారులు ప్రకటించారు.
మరిన్ని హైదరాబాద్ వార్తల కోసం క్లిక్ చేయండి..