Vande Bharat Express: గుడ్ న్యూస్.. పట్టాలెక్కనున్న మరో వందేభారత్ ట్రైన్.. ఎక్కడనుంచంటే?
Vande Bharat Express: సెమీ హైస్పీడ్ ట్రైన్ వందేభారత్ ఎక్స్‌ప్రెస్‌ మరికొద్ది రోజుల్లో తెలుగు రాష్ట్రాల మధ్య పరుగులు పెట్టనుంది. ఇప్పటికే దక్షిణ భారతదేశంలో మొదటి ట్రైన్ చెన్నై-మైసూరు..
సెమీ హైస్పీడ్ ట్రైన్ వందేభారత్ ఎక్స్‌ప్రెస్‌ మరికొద్ది రోజుల్లో తెలుగు రాష్ట్రాల మధ్య పరుగులు పెట్టనుంది. ఇప్పటికే దక్షిణ భారతదేశంలో మొదటి ట్రైన్ చెన్నై-మైసూరు వయా బెంగళూరు మీదుగా పట్టాలెక్కగా.. 2023 న్యూఇయర్ నాటికి రెండో ట్రైన్ సికింద్రాబాద్-విజయవాడ మార్గం మధ్య పరుగులు పెట్టే అవకాశం ఉంది. ఇదిలా ఉంటే.. దేశంలోని ఆరో సెమీ-హైస్పీడ్ వందేభారత్ రైలును ప్రధాని నరేంద్ర మోదీ డిసెంబర్ 11న నాగ్‌పూర్‌లో ప్రారంభించనున్నారు. దీనిపై రైల్వేశాఖ ఇప్పటికే కీలక ప్రకటన విడుదల చేసింది. ఈ ట్రైన్ బిలాస్‌పూర్ – నాగ్‌పూర్ మధ్య పరుగులు పెట్టనుంది. ఆదివారం మినహా వీక్‌ డేస్‌లో ఈ వందేభారత్ రైలు నడవనుంది.
“ఈ రైలు బిలాస్‌పూర్ నుంచి ఉదయం 6.45 గంటలకు బయలుదేరి మధ్యాహ్నం 12.15 గంటలకు నాగ్‌పూర్ చేరుకుంటుంది. అదేవిధంగా, నాగ్‌పూర్ నుంచి మధ్యాహ్నం 2 గంటలకు బయలుదేరి రాత్రి 7.35 గంటలకు బిలాస్‌పూర్ చేరుకుంటుంది. ప్రస్తుతం ఉన్న సూపర్‌ఫాస్ట్ రైళ్లు బిలాస్‌పూర్ నుంచి నాగ్‌పూర్ చేరుకోవడానికి దాదాపు ఏడు గంటల సమయం పడుతుండగా, ఈ రైలు దాదాపు ఐదున్నర గంటల్లోనే ఆ దూరాన్ని పూర్తి చేస్తుంది” అని రైల్వే అధికారి ఒకరు తెలిపారు. ఈ ట్రైన్ రాయ్‌పూర్, దుర్గ్, గోండియా స్టేషన్లలో ఆగుతుంది.
మరోవైపు 2023లో సికింద్రాబాద్-విజయవాడ మధ్య మరో వందేభారత్ రైలును ప్రారంభించే అవకాశం ఉంది. ఇప్పటికైతే ట్రాక్ టెస్టింగ్ జరుగుతోంది. ఒకవేళ అన్ని అనుకున్న సమయానికి జరిగి న్యూఇయర్ నాటికి దక్షిణ భారతదేశంలో పరుగులు పెట్టనున్న రెండో సెమీ హైస్పీడ్ రైలు ఇదే అవుతుంది. కాగా, ఈ వందేభారత్ రైలును ఈ ఏడాది అక్టోబర్‌లో ముంబై-అహ్మదాబాద్ మార్గంలో తొలిసారిగా ప్రధాని మోదీ ప్రారంభించారు. వచ్చే ఏడాది ఆగష్టు నాటికి 75 వందేభారత్ రైళ్లను ప్రారంభించాలని కేంద్ర రైల్వే శాఖ లక్ష్యంగా పెట్టుకుంది. వందేభారత్ రైలులోని అన్ని కోచ్‌లలో ఆటోమేటిక్ డోర్లు, GPS-ఆధారిత ఆడియో-విజువల్ ప్యాసింజర్ ఇన్ఫర్మేషన్ సిస్టమ్, వినోద ప్రయోజనాల కోసం ఆన్‌బోర్డ్ హాట్‌స్పాట్ Wi-Fi, సౌకర్యవంతమైన సీట్లు ఉన్నాయి.
మరిన్ని తెలంగాణ న్యూస్ కోసం..