Hyderabad: మెట్రో ప్రయాణికులకు బిగ్ అలర్ట్.. టైమింగ్స్‌లో కీలక మార్పులు.. కొత్త షెడ్యూల్ ఇదే..

Hyderabad Metro Rail Timings Revised

హైదరాబాద్‌లో మెట్రో రాకతో ఎంతో మంది ఉద్యోగులకు ట్రాఫిక్ చిక్కులు తప్పాయి. నగరంలో పెరుగుతున్న ట్రాఫిక్ దృష్ట్యా చాలా మంది మెట్రో ప్రయాణానికే మొగ్గు చూపుతున్నారు. దీంతో మెట్రోలో రద్దీ ఎక్కువగా ఉంటుంది. ఈ నేపథ్యంలో మెట్రో రైలు ప్రయాణ వేళల్లో కీలక మార్పులు జరిగాయి. నవంబర్ 3 నుంచి ఈ కొత్త సమయాలు అమలులోకి రానున్నాయి. మెట్రో రైలు సంస్థ ఈ విషయాన్ని అధికారికంగా ప్రకటించింది. ఇకపై ఉదయం 6:00 గంటల నుంచి 11:00 గంటల వరకు ట్రైన్స్ నడుస్తాయి. అన్ని టెర్మినల్ స్టేషన్ల నుండి ఈ వేళల్లో ప్రయాణ సదుపాయం అందుబాటులో ఉంటుంది.

ఇప్పటివరకు ఇలా:

ప్రస్తుతం సోమవారం నుంచి శుక్రవారం వరకు ఉదయం 6 గంటల నుంచి రాత్రి 11:45 గంటల వరకు మెట్రో సేవలు అందుబాటులో ఉన్నాయి. శనివారం రోజున ఉదయం 6 గంటల నుంచి రాత్రి 11 గంటల వరకు.. ఆదివారం రోజున ఉదయం 7 గంటల నుంచి రాత్రి 11 గంటల వరకు రైళ్లు నడుస్తున్నాయి. తాజా నిర్ణయంతో వీకెండ్స్, వీక్ డేస్ అనే తేడా లేకుండా ప్రయాణికులు ఉదయం 6 గంటల నుంచి రాత్రి 11 గంటల వరకు మెట్రో రైలు సేవలను వినియోగించుకోవచ్చు.

మరిన్ని తెలంగాణ వార్తల కోసం ఇక్కడ క్లిక్ చేయండి..