Watch Video: కాంగ్రెస్ పార్టీకి పొన్నాల బై బై.. దానం నాగేందర్ ఏమన్నారంటే..?

కాంగ్రెస్ పార్టీలో బీసీలకు విలువ లేదంటూ బీఆర్‌ఎస్‌ ఎమ్మెల్యే దానం నాగేందర్ ఫైర్ అయ్యారు. పార్టీలో బీసీలకు న్యాయం జరగడం లేదని ఆరోపిస్తూ కాంగ్రెస్ పార్టీకి మాజీ పీసీసీ చీఫ్ పొన్నాల లక్ష్మయ్య రాజీనామా చేయడంపై దానం నాగేందర్ స్పందించారు. కాంగ్రెస్ పార్టీకి బీసీల ఓట్లు కావాలి గానీ… వారికి సీట్లు మాత్రం ఇవ్వరా? అని ప్రశ్నించారు. కాంగ్రెస్‌ పార్టీలో గతంలో తనకు కూడా అవమానం జరిగిందని.. అందుకే ఆ పార్టీని వీడి బీఆర్ఎస్‌లో చేరినట్లు తెలిపారు.

తెలంగాణ అసెంబ్లీ ఎన్నికల వేళ పార్టీ సీనియర్ నాయకుడు పొన్నాల లక్ష్మయ్య రాజీనామాతో కాంగ్రెస్ పార్టీకి పెద్ద షాక్ తగిలింది. తెలంగాణ అసెంబ్లీకి ఒకే విడతలో నవంబరు 30న పోలింగ్ నిర్వహించి.. డిసెంబరు 3న ఓట్ల లెక్కింపు చేపట్టనున్నారు.