వివో X300 అల్ట్రా ధరెంతో తెలుసా? ఐఫోన్స్ కంటే మరింత ఎక్కువ!
వివో X300 అల్ట్రా ప్రీమియం స్మార్ట్ఫోన్ 2026లో విడుదల కానుంది. 16GB RAM, 1TB స్టోరేజ్, EUR 2,000 ధరతో ఇది ఐఫోన్, శాంసంగ్ ఫ్లాగ్షిప్లకు గట్టి పోటీనిస్తుంది. 200MP ప్రధాన కెమెరా, పెరిస్కోప్ లెన్స్తో ఫోటోగ్రఫీ పై దృష్టి సారించింది.
Updated on: Apr 18, 2026 | 10:00 AM
స్మార్ట్ఫోన్ కంపెనీ వివో తన తదుపరి ఫ్లాగ్షిప్ మోడల్ X300 అల్ట్రాతో ప్రీమియం సెగ్మెంట్లో గట్టి పోటీకి సిద్ధమవుతోంది. విశ్వసనీయ లీకుల ప్రకారం 16GB RAM, 1TB స్టోరేజ్తో వచ్చే ఈ ఫోన్ ధర యూరప్లో EUR 2,000 (దాదాపు రూ.2.19 లక్షలు)గా ఉండవచ్చని సమాచారం. ఈ ధరతో ఇది ఐఫోన్ టాప్ మోడల్స్, అలాగే శాంసంగ్ గెలాక్సీ ఫ్లాగ్షిప్లతో నేరుగా పోటీ పడే అవకాశం ఉంది. లాంచ్ టైమ్లైన్ విషయంలో స్పష్టత లేకపోయినా, ఈ పరికరం 2026 ఏప్రిల్ చివరలో లేదా మే ప్రారంభంలో అధికారికంగా విడుదల కావచ్చని మార్కెట్ వర్గాలు అంచనా వేస్తున్నాయి. అయితే కంపెనీ ఇప్పటివరకు ఖచ్చితమైన తేదీని ప్రకటించలేదు.
ఈ ఫోన్లో ప్రధాన ఆకర్షణగా నిలిచేది దాని కెమెరా సెటప్. 200MP ప్రధాన సెన్సార్తో పాటు మరో 200MP పెరిస్కోప్ టెలిఫోటో లెన్స్, 50MP అల్ట్రా-వైడ్, 50MP సెల్ఫీ కెమెరాతో ఇది ఫోటోగ్రఫీపై దృష్టి సారించిన పరికరంగా నిలుస్తోంది. 3.5x ఆప్టికల్ జూమ్తో పాటు 150x డిజిటల్ జూమ్ కూడా అందించబడుతుంది. అదనంగా, ప్రత్యేక ఫోటోగ్రఫీ కిట్ ద్వారా ఫోన్ను DSLR తరహా అనుభూతి కలిగించేలా రూపొందించడం విశేషం. ఈ కిట్తో ధర మరింత పెరిగి రూ. 2.9 లక్షల వరకు చేరే అవకాశం ఉంది.
హార్డ్వేర్ పరంగా కూడా ఈ ఫోన్ శక్తివంతంగా ఉంటుంది. 6.82 అంగుళాల 2K AMOLED డిస్ప్లే, 144Hz రిఫ్రెష్ రేట్, Qualcomm స్నాప్డ్రాగన్ 8 ఎలైట్ జెన్ 5 ప్రాసెసర్, 16GB RAM, 1TB స్టోరేజ్ వంటి స్పెసిఫికేషన్లు ఉన్నాయి. 6,600mAh బ్యాటరీతో పాటు 100W ఫాస్ట్ ఛార్జింగ్, 40W వైర్లెస్ ఛార్జింగ్ సపోర్ట్ కూడా ఇవ్వబడింది. యూరోప్లో ఇప్పటికే ప్రీ-ఆర్డర్లు ప్రారంభమయ్యాయని సమాచారం. కొనుగోలుదారులకు స్క్రీన్ రక్షణ, విస్తృత వారంటీలు వంటి ప్రయోజనాలు అందిస్తున్నాయి. గ్లోబల్ లాంచ్ అనంతరం ఇది భారత మార్కెట్లో కూడా అందుబాటులోకి వచ్చే అవకాశం ఉంది.
మరిన్ని టెక్ వార్తల కోసం ఇక్కడ క్లిక్ చేయండి
