వన్‌ప్లస్‌ N6 లైట్‌ స్మార్ట్‌ఫోన్‌లో కొత్త ఫీచర్లు తెలిస్తే ఎవ్వరికైనా పిచ్చెక్కాల్సిందే..! అంతగా ఏం ఉన్నాయంటే

Oneplus N6 Lite

ఎక్కువ బ్యాటరీ బ్యాకప్‌తో పాటు మన్నికైన నిర్మాణం ఉన్న ఫోన్ కోసం చూస్తున్న వారికి కొత్త మోడల్ ఆసక్తికరంగా మారనుంది. 7,000mAh బ్యాటరీ ఉన్నప్పటికీ దీని మందం 8.95 మిల్లీమీటర్లు మాత్రమే. తేమ ఉన్న సమయంలోనూ టచ్ పనిచేసే సాంకేతికత, ఫొటో ఎడిటింగ్ కోసం ఏఐ సాధనాలు ఇందులో అందుబాటులో ఉండనున్నాయి.

7,000mAh బ్యాటరీ..

OnePlus N6 Liteలో 7,000mAh బ్యాటరీ ఉంటుంది. కంపెనీ పరీక్షల ప్రకారం ఒక్కసారి ఛార్జ్ చేస్తే 26.8 గంటల వరకు వీడియో ప్లేబ్యాక్, 29.9 గంటల వరకు Google Maps నావిగేషన్, 49.7 గంటల వరకు వాయిస్ కాల్స్ చేసుకోవచ్చు. సాధారణ వినియోగంలో మూడు రోజుల వరకు బ్యాకప్ లభిస్తుందని సంస్థ చెబుతోంది.

వైర్డ్ రివర్స్ ఛార్జింగ్ సదుపాయంతో ఇతర పరికరాలకు కూడా ఫోన్ ద్వారా విద్యుత్ అందించవచ్చు. 1,600 ఛార్జింగ్ సైకిళ్ల తర్వాత కూడా బ్యాటరీ 80 శాతానికి పైగా సామర్థ్యాన్ని కొనసాగించేలా రూపొందించారు. ఇది సాధారణ వినియోగంలో సుమారు ఆరేళ్లకు సమానమని కంపెనీ తెలిపింది.

120Hz స్క్రీన్..

ఈ ఫోన్‌లో 6.75 అంగుళాల డిస్‌ప్లేను అందించారు. ఇది 120Hz రిఫ్రెష్ రేట్‌కు మద్దతు ఇస్తుంది. స్క్రీన్‌పై నీరు, తేమ లేదా నూనె ఉన్నా టచ్ ఇన్‌పుట్‌ను గుర్తించేలా Aqua Touch సాంకేతికత ఉంటుంది. ఫోన్ బరువు సుమారు 215 గ్రాములు. మన్నిక కోసం MIL-STD-810H మిలిటరీ-గ్రేడ్ ప్రమాణాలకు అనుగుణంగా దీనిని రూపొందించారు. దెబ్బలు, పడిపోవడం వంటి రోజువారీ పరిస్థితులను తట్టుకునేలా పరీక్షించినట్లు సంస్థ వెల్లడించింది. Midnight Hype, Neo Green రంగుల్లో లభించనుంది.

ఏఐ ఫీచర్ల విషయానికి వస్తే AI Eraser, AI Clear Face వంటి సాధనాలు ఉన్నాయి. Google Gemini అనుసంధానంతో సెర్చ్, కంటెంట్ తయారీ, రోజువారీ పనుల్లో సహాయం పొందవచ్చు. 36 నెలల Fluency Certification కూడా ఉంది. ధరను మాత్రం సెప్టెంబర్ 22న వెల్లడించనున్నారు. OnePlus.in, OnePlus Store App, Amazon, OnePlus Experience Storesతో పాటు ఎంపిక చేసిన ఆఫ్‌లైన్ స్టోర్లలో విక్రయాలు జరగనున్నాయి.