Nokia C12: నోకియా నుంచి మరో స్మార్ట్ఫోన్.. రూ. 5,999లకే 6జీబీ ర్యామ్.. పూర్తి వివరాలివే..
యూరోపియన్ మార్కెట్‌లో విడుదలై హిట్ టాక్ పొందిన నోకియా సీ12 స్మార్ట్ఫోన్ ఇప్పుడు భారత్‌కు కూడా వచ్చేసింది. మన దేశంలో మార్చి 17 నుంచి
నోకియా అభిమానులకు శుభవార్త. భారత మార్కెట్‌లోకి నోకియా ఇండియా మరో చీపెస్ట్ స్మార్ట్ఫోన్ లాంఛ్ చేసింది. అవును, ఈ ఏడాది జనవరిలో యూరోపియన్ మార్కెట్‌లో విడుదలై హిట్ టాక్ పొందిన నోకియా సీ12 స్మార్ట్ఫోన్ ఇప్పుడు భారత్‌కు కూడా వచ్చేసింది. మన దేశంలో మార్చి 17 నుంచి కొనుగోలుకు అందుబాటులో ఉండనున్న ఈ ఎంట్రీలెవెల్ స్మార్ట్ఫోన్ కోసం మీరు కేవలం రూ.5,999 చెలిస్తే చాలు. ఆండ్రాయిడ్ 12 గో ఎడిషన్ ఆపరేటింగ్ సిస్టమ్‌తో పనిచేసే ఈ ఫోన్‌లో 6.3 అంగుళాల హెచ్‌డీ+ డిస్‌ప్లే, 2జీబీ అడిషనల్ ర్యామ్, భారీ బ్యాటరీ, 8 మెగాపిక్సల్ రియర్ కెమెరా సెన్సార్, ఆక్టాకోర్ యూనిసోక్ 9863A1 ప్రాసెసర్, 2 జీబీ ర్యామ్, 64 జీబీ ఇంటర్నెల్ స్టోరేజీ వంటి అనేక ప్రత్యేక ఫీచర్లు ఉన్నాయి. అసలు ఈ స్మార్ట్‌ఫోన్‌లో ఇంకా ఏయే ప్రత్యేకతలు, స్పెసిఫికేషన్స్ ఉన్నాయో మనం ఇప్పుడు తెలుసుకుందాం..
నోకియా సీ12 స్పెసిఫికేషన్లు:
మార్చి 17 నుంచి అందుబాటులోకి రానున్న ఈ నోకియా సీ12.. ఆండ్రాయిడ్ 12 తో పనిచేస్తుంది. ఇంకా రెండేళ్ల సెక్యూరిటీ అప్‌డేట్, 6.3 అంగుళాల హెచ్‌డీ ప్లస్ డిస్‌ప్లే, 20:9 యాస్పెక్ట్ రేషియో, వాటర్ డ్రాప్ స్టైల్ కట్‌అవుట్ డిస్‌ప్లే, ఆక్టాకోర్ యూనిసోక్ 9863A 1 ఎస్ఓసీ, 2జీబీ ర్యామ్, 4జీబీ వరకు ర్యామ్ పెంచుకునే అవకాశం, 8 ఎంపీ రియర్ కెమెరా, ఆటోఫోకస్ ఎల్‌ఈడీ ఫ్లాష్, 5 ఎంపీ సెల్ఫీ కెమెరా, 64 జీబీ ఆన్‌బోర్డ్ మెమరీ, ఎస్‌డీ కార్డు ద్వారా 256 జీబీ వరకు పెంచుకునే వెసులుబాటు, ఫేస్ అన్‌లాక్ ఫీచర్ వంటివి ఉన్నాయి.
అలాగే ఈ నోకియా సీ12లో 3,000 ఎంఏహెచ్ బ్యాటరీ ఉంది. ఇది 5వాట్స్ చార్జింగ్‌కు సపోర్ట్ చేస్తుంది. ఇంకా కలర్ విషయానికి వస్తే.. కార్కోల్, డార్క్ సియాన్, లైట్ మింట్ కలర్ ఆప్షన్లలో అందుబాటులో ఉండనుంది. అయితే ఈ ఫోన్ అమెజాన్‌‌లో మాత్రమే అందుబాటులో ఉండనుంది.
మరిన్ని సైన్స్ అండ్ టెక్నాలజీ వార్తల కోసం ఇక్కడ క్లిక్ చేయండి..