థార్ లవర్స్కి గుడ్న్యూస్ చెప్పిన మహీంద్రా..! నెక్స్ట్ జనరేషన్ పేటెంట్ రిలీజ్ చేసిన కంపెనీ
భారత ఎస్యూవీ మార్కెట్లో సంచలనాలు సృష్టించేందుకు మహీంద్రా మరోసారి సిద్ధమవుతోంది. కంపెనీ అత్యంత ప్రతిష్టాత్మకంగా రూపొందించిన కొత్త 'విజన్ T' (Vision T) కాన్సెప్ట్కు తాజాగా భారత్లో పేటెంట్ లభించింది. నెక్స్ట్ జనరేషన్ థార్కు ఆధారంగా నిలవనున్న ఈ అద్భుతమైన ఎస్యూవీకి సంబంధించిన ఆసక్తికరమైన వివరాలను తెలుసుకుందాం!
అత్య్యాధునిక NU_IQ ప్లాట్ఫారమ్పై తయారవుతున్న ఈ విజన్ T ఎస్యూవీ, పెట్రోల్, డీజిల్తో పాటు ఎలక్ట్రిక్ వెర్షన్లోనూ మార్కెట్లోకి రానుంది. బాక్సీ డిజైన్, పవర్ఫుల్ ఆఫ్రోడ్ ఫీచర్లు, అత్యాధునిక టెక్నాలజీతో ఇది ఆటోమొబైల్ రంగంలో కొత్త చరిత్ర సృష్టించనుంది. ఈ శక్తివంతమైన వాహనం గురించిన పూర్తి విశేషాలను తెలుసుకుందాం!
కొత్త ప్లాట్ఫారమ్
మహీంద్రా అభివృద్ధి చేసిన ‘NU_IQ’ కొత్త ప్లాట్ఫారమ్ ఆధారంగా ఈ విజన్ T రూపుదిద్దుకుంటోంది. భవిష్యత్తులో రాబోయే అనేక ఎస్యూవీలకు ఇదే బేస్గా మారనుంది. పేటెంట్ చిత్రాలను పరిశీలిస్తే, బాక్సీ బాడీ, మంచి గ్రౌండ్ క్లియరెన్స్, వెనుక భాగంలో స్పేర్ వీల్ వంటి థార్ క్లాసిక్ స్టైల్స్ ఇందులో కొనసాగుతున్నాయి. అయితే ముందు భాగంలో కొత్త స్ప్లిట్ గ్రిల్, స్టైలిష్ LED హెడ్ల్యాంప్స్, ప్రత్యేకమైన DRLs దీన్ని మరింత మోడర్న్గా మారుస్తున్నాయి.
పవర్ఫుల్ ఫీచర్లు
ఇది పూర్తి స్థాయి లైఫ్స్టైల్ ఆఫ్రోడర్గా రానుంది. బలమైన బంపర్లు, టోయింగ్ హుక్స్, వెడల్పైన వీల్ ఆర్చ్లు మరియు ఆల్ టెర్రైన్ టైర్లు దీనికి అదనపు ఆకర్షణగా నిలుస్తాయి. నగరాల్లో సాధారణ ప్రయాణాలతో పాటు, కఠినమైన దారులు మరియు అడ్వెంచర్ ట్రిప్స్ను ఇష్టపడే వారికి ఇది సరైన ఎంపికగా ఉండనుంది. ఆల్ వీల్ డ్రైవ్, లో రేంజ్ ట్రాన్స్ఫర్ కేస్, ఎలక్ట్రానిక్ డిఫరెన్షియల్ వంటి అత్యాధునిక ఆఫ్రోడ్ ఫీచర్లు ఇందులో ఉంటాయి.
మూడు పవర్ట్రెయిన్ ఆప్షన్లు
ఈ ఎస్యూవీని కేవలం ఒకే ఇంజిన్తో కాకుండా, వినియోగదారుల అవసరాలకు తగ్గట్టుగా మూడు రకాల పవర్ట్రెయిన్లలో అందించనున్నారు. పెట్రోల్, డీజిల్ వెర్షన్లతో పాటు పూర్తిస్థాయి ఎలక్ట్రిక్ వెర్షన్ కూడా ఇందులో అందుబాటులోకి రానుంది. అన్ని పనులు సజావుగా సాగితే 2027 చివర్లో లేదా 2028 ప్రారంభంలో ఈ నెక్స్ట్ జనరేషన్ థార్ మార్కెట్లోకి అడుగుపెట్టే అవకాశం ఉంది.
మహీంద్రా విజన్ T కాన్సెప్ట్ కేవలం ఒక డిజైన్ మాత్రమే కాదు, ఇది భారతీయ ఆఫ్రోడ్ మార్కెట్ భవిష్యత్తును మార్చేయబోయే అద్భుతమైన ఆవిష్కరణ. పెట్రోల్, డీజిల్ మరియు ఎలక్ట్రిక్ రూపంలో ఒకే ప్లాట్ఫారమ్పై రానున్న ఈ అంచనాల మోడల్ కోసం కార్ లవర్స్ అత్యంత ఆసక్తిగా ఎదురుచూస్తున్నారు.