LPG Cylinder: గ్యాస్‌ సిలిండర్‌ కింద ఈ రంధ్రాలు ఎందుకు ఉంటాయో తెలుసా..? ఇందుకు శాస్త్రీయ కారణం ఉంది

Lpg Gas Cylinder

ప్రతి ఒక్కరి ఇంట్లో గ్యాస్‌ సిలిండర్‌ ఉంటుంది. సామాన్యుడు సైతం గ్యాస్‌ సిలిండర్‌ను వాడుతున్నాడు. అయితే సిలిండర్‌ తయారీ విషయంలో కంపెనీలు ఎన్నో జాగ్రత్తలు తీసుకుంటాయి. ప్రమాదం జరుగకుండా ఉండేందుకు భద్రతపరమైన ప్రమాణాలను పాటిస్తూ గ్యాస్‌ సిలిండర్లను తయారు చేస్తుంటాయి. అయితే సిలిండర్లను జాగ్రత్తగా పరిశీలిస్తే దాని అడుగు భాగానా చుట్టూరా కొన్ని రంధ్రాలు ఉండటం మీరు గమనించే ఉంటారు. మరి ఈ రంధ్రాలు ఎందుకు ఉంటాయో మీరెప్పుడైనా గమనించారా..? ఆ రంధ్రాలను చూసినా పెద్దగా పట్టించుకోరు. సిలిండర్‌కు రంధ్రాలు ఉండటం డిజైన్‌ కాదు.. ఈ రంధ్రాల వెనుక శాస్త్రీయ కారణం ఉంది.

నిజానికి సిలిండర్‌ కింది భాగంలో అందించిన ఈ రంధ్రాలు చాలా ఉపయోగకరంగా ఉంటాయి. సిలిండర్‌లోని ఎల్‌పీజీ గ్యాస్‌ ఉష్ణోగ్రతను నియంత్రించడానికి ఈ రంధ్రాలు ఉపయోగడపతాయి. అనేక సార్లు సిలిండర్‌ ఉష్ణోగ్రత పెరుగుతుంది. గాలి ఈ రంధ్రాల గుండా వెళ్తున్నప్పుడు ఇది ఉత్పత్తి చేసిన ఉష్ణోగ్రతను తగ్గించడంలో సహాయపడుతుంది. అలాగే ఈ రంధ్రాలు భూమి వేడి నుంచి సిలిండర్‌కు రక్షణను కూడా అందిస్తాయి. మొత్తం మీద ఈ రంధ్రాలు ప్రమాదాల నుంచి సిలిండర్‌కు రక్షిస్తాయని నిపుణులు చెబుతున్నాయి.

ఇది కాకుండా సిలిండర్‌ దిగువ భాగంలో రంధ్రాలు ఉండటం మరో కారణం ఉంది. ఈ రంధ్రాలు సిలిండర్‌ కింద శుభ్రపర్చడాన్ని కూడా సులభతరం చేస్తుంది. ఎందుకంటే మీరు మీ గదిని నీటితో శుభ్ర పరుస్తున్న సమయంలో నీరు సిలిండర్‌ కింద నీరు వెళ్లి నిలువకుండా నిరోధిస్తాయి.

మరిన్ని టెక్నాలజీ వార్తల కోసం ఇక్కడ క్లిక్ చేయండి