Smartphone: స్మార్ట్‌ఫోన్‌ను ఎలా పడితే అలా క్లీన్‌ చేస్తున్నారా..? అయితే ఈ విషయాలను తప్పనిసరిగా తెలుసుకోండి..
How to clean your Smartphone: స్మార్ట్‌ఫోన్‌ను ఉత్తమమైన మార్గంలో శుభ్రం చేయాలనుకుంటే కొన్ని టిప్స్ పాటించడం మంచిదని టెక్నాలజీ నిపుణులు పేర్కొంటున్నారు.
How to clean your Smartphone: ప్రస్తుత కాలంలో స్మార్ట్ఫోన్ జీవితంలో భాగంగా మారింది. స్మార్ట్ఫోన్ లేకుండా ఇప్పుడు ఏ పని కూడా జరగడం లేదు. అయితే.. మీ స్మార్ట్‌ఫోన్‌ను ఉత్తమమైన మార్గంలో శుభ్రం చేయాలనుకుంటే కొన్ని టిప్స్ పాటించడం మంచిదని టెక్నాలజీ నిపుణులు పేర్కొంటున్నారు. స్మార్ట్‌ఫోన్‌ను పాలిష్ చేయడానికి ఉపయోగించే అనేక రకాల సాధనాలను కలిగి ఉంటే మంచిదంటున్నారు. కొంతమంది తప్పుడు పనిముట్ల సాయంతో వాటిని శుభ్రం చేసే పనిని చేస్తుంటారు. అటువంటి పరిస్థితిలో స్మార్ట్ఫోన్ పాడైపోతుంది. మరలా మరమ్మత్తు చేయడానికి వేల రూపాయలు ఖర్చు చేయవలసి ఉంటుంది. ఇలాంటి సమయంలో తప్పనిసరిగా మీతో ఉంచుకోవాల్సిన స్మార్ట్ఫోన్ క్లీనింగ్ టూల్స్ గురించి తెలుసుకోవడం చాలా ముఖ్యం. ఈ విషయాల వల్ల స్మార్ట్ఫోన్ శుభ్రంగా ఉంటుంది.. ఎటువంటి నష్టం వాటిల్లదు. అవేంటో ఇప్పుడు తెలుసుకుందాం..
మైక్రోఫైబర్ వస్త్రం: స్మార్ట్ఫోన్ డిస్ప్లే, దాని బాడీని సురక్షితంగా ప్రకాశవంతం చేయాలనుకుంటే ఇంట్లో పడి ఉన్న ఎటువంటి వస్త్రాలను ఉపయోగించకూడదు. ఎందుకంటే కొంతమంది అదే చేస్తారు. ఇంట్లో ఏదైనా పాత గుడ్డను ఉపయోగిస్తారు. ఆ తర్వాత స్మార్ట్‌ఫోన్‌ను శుభ్రం చేయడం ప్రారంభిస్తారు. కానీ ఇలా చేయడం ద్వారా స్మార్ట్ఫోన్ డిస్ప్లే, బాడీ స్క్రాచ్ కావచ్చు లేదా దాని పెయింట్ పోతుంది. అందుకోసం ఎల్లప్పుడూ మైక్రోఫైబర్ క్లాత్‌ని ఉపయోగించాలి. అది మృదువుగా అలాగే దుమ్ము కణాలను బాగా గ్రహించి సెల్ ఫోన్‌ను మెరిసేలా చేస్తుంది.
ఆల్కహాల్ క్లీనర్: కొంతమంది స్మార్ట్‌ఫోన్‌ను శుభ్రం చేయడానికి వాటర్ బేస్డ్ క్లీనర్‌ని ఉపయోగిస్తారు. కానీ అలా చేయడం వల్ల స్మార్ట్ఫోన్ పాడవుతుంది. వాస్తవానికి, వాటర్ క్లీనర్‌లు మీ స్మార్ట్‌ఫోన్‌లోకి వెళ్లి స్క్రీన్‌ను, ఫోన్‌ను స్తంభింపజేస్తాయి. దీని కారణంగా, డిస్ప్లే, మైక్రోఫోన్, స్మార్ట్ఫోన్ సర్క్యూట్‌ పాడవుతాయి. ఇలాంటి సమయంలో ఆల్కాహాల్‌ క్లీనర్‌ను ఉపయోగించడం మంచిది.
మరిన్ని టెక్నాలజీ వార్తల కోసం ఇక్కడ క్లిక్ చేయండి..