iPhone 13: ఐఫోన్ 13 ధరలు భారీగా పెరిగే అవకాశం.. విడుదలకు ముందే షాకిస్తున్న ఆపిల్.. ఎందుకో తెలుసా?

iPhone 13: ఐఫోన్ 13 సిరీస్ ధరలు ఊహించిన దాని కంటే ఎక్కువగా ఉండొచ్చనే అభిప్రాయాలు వెల్లడవుతున్నాయి. కొత్త నివేదిక మేరకు చిప్ తయారీ వ్యయాల పెరుగుదలతో ఈ ప్రభావం ఫోన్ల ధరలపై పడే అవకాశం ఉందని తెలుస్తోంది. దీంతో ఆపిల్ ఐఫోన్ 13 శ్రేణిలో ధరలను పెంచాలని ఆపిల్ చూస్తున్నట్లు తెలిసింది. తైవాన్ సెమీకండక్టర్ మాన్యుఫ్యాక్చరింగ్ కంపెనీ (TSMC), ఆపిల్ ఫోన్లకు చిప్‌లను సరఫరా చేస్తోంది. ఈ చిప్ ఉత్పత్తి ఖర్చులను పెంచేందుకు టీఎస్ఎంసీ యోచిస్తున్నట్లు సమాచారం. ఇది ఆపిల్‌తో సహా టీఎస్ఎంసీ కస్టమర్‌లపై ప్రభావం చూపనున్నట్లు తెలుస్తోంది. జనవరి 2022 నుంచి పెరిగిన కొత్త ధరలు అమల్లోకి వస్తాయని కంపెనీ పెర్కొంది. దీంతో తక్కువ ధరల్లో వస్తాయనుకున్న ఆపిల్ ఐఫోన్ 13 సిరీస్‌ ఫోన్లు.. ఈ వార్తతో కొంత నిరాశనే కలగనుంది.

డిజిటైమ్స్ నివేదిక ప్రకారం.. టీఎస్ఎంసీ చిప్ ఉత్పత్తి వ్యయంపై 20 శాతం పెంచనుంది. ఈ పెరుగుదల గురించి టీఎస్ఎంసీ ఇప్పటికే తన వినియోగదారులకు తెలియజేసింది. ఇది జనవరి 2022 నుంచి అమలులోకి తీసుకురావాలని యోచిస్తోంది. ‘అడ్వాన్స్, మెచ్యూర్ ప్రాసెస్ టెక్నాలజీస్’ కోసం ఉత్పత్తి వ్యయం పెంచనున్నట్లు టీఎస్ఎంసీ సంస్థ పెర్కొంది. డిసెంబర్ నుంచి సరఫరా చేసే చిప్‌ల ధరలను కూడా సర్దబాటు చేసే అవకాశం ఉందని సంస్థ వెల్లడించింది. టీఎస్ఎంసీ అతిపెద్ద క్లయింట్లలో ఆపిల్ సంస్థ ఒకటి. టీఎస్ఎంసీ కంపెనీ మొత్తం ఆదాయంలో 20 శాతానికి పైగా చిప్స్‌ నుంచే వస్తున్నట్లు తెలుస్తోంది. టీఎస్ఎంసీ అధునాతన సబ్ -7 ఎన్ఎమ్ ప్రాసెస్ టెక్నాలజీస్ వాడుతుండడంతో ఆపిల్ ఐఫోన్ 13 ధరలలో 3-5 శాతం పెరగనున్నట్లు తెలుస్తోంది.

చిప్ ఉత్పత్తి వ్యయం ప్రభావాన్ని తగ్గించడానికి ఆపిల్ ముందుగానే ఐఫోన్ 13 సిరీస్ ధరను పెంచాలని చూస్తున్నట్లు తెలిసింది. యాపిల్ ఐఫోన్ ధరలను ఎండ్-మార్కెట్ కస్టమర్‌లకు అందించాలని చూస్తోంది. ఇది ఇతర స్మార్ట్‌ఫోన్ బ్రాండ్‌లు కూడా ఇదే బాటలో నడవనున్నట్లు సమాచారం. ఐఫోన్ 13 సిరీస్ సెప్టెంబర్ 17 న విడుదల కానున్నాయి. అలాగే సెప్టెంబర్ 30 న కొత్త ఎయిర్‌పాడ్స్ అండుబాటులోకి వచ్చే అవకాశం ఉంది. ఐఫోన్ 13 మోడల్స్ పాత మోడళ్ల కంటే మెరుగైన బ్యాటరీని అందిస్తాయని సమాచారం. అలాగే ఐఫోన్ 13 శ్రేణి కెమెరాలలో భారీగా మార్పులు ఉండనున్నట్లు తెలుస్తోంది. టాప్-ఎండ్ మోడల్స్ వీడియోలు, పోర్ట్రెయిట్ మోడ్ వీడియోలలో పలు మార్పులు చేస్తున్నట్లు తెలుస్తోంది.

Also Read: Apple iPhone 13: విడుదల కాకముందే అభిమానుల్లో కాక రేపుతున్న ఆపిల్ ఐఫోన్ 13.. దీని స్పెషాలిటీ తెలిస్తే మీరూ ఆ లిస్ట్‌లో చేరిపోతారు!

ఈ 5 కార్లు ఇండియాలోనే టాప్ క్లాస్ ఫీచర్లతో రాబోతున్నాయి..! మీరు కొనాలంటే ఒక్కసారి వీటిపై ఓ లుక్కేయండి..

youtube videos: పది లక్షల వీడియోలను తొలగించిన యూట్యూబ్‌.. వీటిలో దానికి సంబంధించినవే ఎక్కువ.