కారు కొనాలనుకుంటున్న వారికి గుడ్న్యూస్.. జస్ట్ రూ.5 వేలు ఉంటే చాలు! హ్యందాయ్ కొత్త కారు బుకింగ్..
హ్యుందాయ్ మోటార్ ఇండియా తన ప్రైమ్ టాక్సీ శ్రేణిని (HB, SD మోడల్స్) ప్రారంభించి వాణిజ్య మొబిలిటీ విభాగంలోకి ప్రవేశించింది. పెట్రోల్, CNG ఆప్షన్లతో వచ్చే ఈ కార్లు తక్కువ నిర్వహణ ఖర్చులు, అధిక మైలేజీని అందిస్తాయి. ఫ్లీట్ ఆపరేటర్లు, టాక్సీ డ్రైవర్ల కోసం రూపొందించబడిన ఈ వాహనాలు అనేక భద్రతా ఫీచర్లతో అందుబాటులో ఉన్నాయి.
హ్యుందాయ్ మోటార్ ఇండియా లిమిటెడ్ మంగళవారం తన ప్రైమ్ టాక్సీ రేంజ్ను ప్రారంభించింది. ఈ కార్లతో వాణిజ్య మొబిలిటీ విభాగంలోకి ప్రవేశించింది. కంపెనీ ప్రైమ్ HB (హ్యాచ్బ్యాక్), ప్రైమ్ SD (సెడాన్) అనే రెండు మోడళ్లను ప్రవేశపెట్టింది. దేశవ్యాప్తంగా ఉన్న హ్యుందాయ్ డీలర్షిప్లలో రూ.5,000లతో ఈ కొత్త మోడల్స్ను బుక్ చేసుకునేందుకు అవకాశం కల్పించింది.
రెండు మోడళ్లు పెట్రోల్, CNG ఎంపికలతో 1.2-లీటర్ కప్పా నాలుగు సిలిండర్ల ఇంజిన్ను ఉపయోగిస్తాయి. ఈ వాహనాలు కంపెనీ-ఫిటెడ్ CNG, స్పీడ్-లిమిటింగ్ ఫంక్షన్తో వస్తాయి. ఈ ఫ్యాక్టరీ-ఫిటెడ్ సిస్టమ్లపై హ్యుందాయ్ మూడు సంవత్సరాల వారంటీని అందిస్తుంది. ప్రైమ్ HB రూ.5,99,900 నుండి ప్రారంభమవుతుంది, ప్రైమ్ SD రూ.6,89,900 నుండి ప్రారంభమవుతుంది. కొత్త శ్రేణి ఫ్లీట్ ఆపరేటర్లు, టాక్సీ వ్యవస్థాపకుల కోసం హ్యుందాయ్ ఈ కొత్త మోడల్స్ తీసుకొచ్చినట్లు చెబుతోంది.
హ్యుందాయ్ మోటార్ ఇండియా లిమిటెడ్ మేనేజింగ్ డైరెక్టర్, CEO తరుణ్ గార్గ్ మాట్లాడుతూ.. ఫ్లీట్ ఆపరేటర్లు, టాక్సీ డ్రైవర్లు గరిష్ట అప్టైమ్, తక్కువ నిర్వహణ ఖర్చులను అందించే వాహనాల కోసం చూస్తున్నారు. హ్యుందాయ్ ప్రైమ్ శ్రేణిని ఈ ప్రాధాన్యతలను దృష్టిలో ఉంచుకుని కచ్చితంగా అభివృద్ధి చేశారని తెలిపారు. రెండు వాహనాలు టాక్సీ, ఫ్లీట్ కార్యకలాపాల కోసం నిర్మించారు. ప్రైమ్ టాక్సీ రేంజ్ అట్లాస్ వైట్, టైఫూన్ సిల్వర్, అబిస్ బ్లాక్లో వస్తున్నాయి. ప్రైమ్ HB CNG మోడ్లో 27.32 కిమీ/కిలోను, ప్రైమ్ SD 28.40 కిమీ/కిలోను అందిస్తుందని హ్యుందాయ్ పేర్కొంది. నిర్వహణ ఖర్చు 100,000 కిమీ వరకు కిలోమీటరుకు 47 పైసలుగా లెక్కించారు.
రెండు మోడళ్లలో ఆరు ఎయిర్బ్యాగులు, వెనుక AC వెంట్లు, నాలుగు పవర్ విండోస్, డ్రైవర్ సీట్ ఎత్తు సర్దుబాటు, స్టీరింగ్-మౌంటెడ్ ఆడియో కంట్రోల్స్, స్పీకర్లు, వెనుక పార్కింగ్ సెన్సార్లు, 3-పాయింట్ సీట్బెల్ట్లు, అత్యవసర స్టాప్ సిగ్నల్, 80 కిమీ/గం వద్ద కంపెనీ అమర్చిన స్పీడ్ లిమిటర్, వెనుక డీఫాగర్, ఎలక్ట్రికల్గా సర్దుబాటు చేయగల ORVMలు, సెంట్రల్ లాకింగ్, ముందు వరుసలో వేగవంతమైన USB టైప్-C ఛార్జర్, ఫుట్వెల్ లైటింగ్ ఉన్నాయి. వెనుక సర్దుబాటు చేయగల హెడ్రెస్ట్లు, కీలెస్ ఎంట్రీ ప్రైమ్ HBలో మాత్రమే అందుబాటులో ఉన్నాయి. వైర్లెస్ ఆండ్రాయిడ్ ఆటో, ఆపిల్ కార్ప్లేతో కూడిన 9-అంగుళాల ఇన్ఫోటైన్మెంట్ సిస్టమ్, వెనుక కెమెరా, మూడు సంవత్సరాల వారంటీ వంటి ఫీచర్లు ఉన్నాయి.
మరిన్ని ఆటోమెబైల్ వార్తల కోసం ఇక్కడ క్లిక్ చేయండి