స్మార్ట్ టీవీ కొనాలని ప్లాన్ చేస్తున్నారా? నెట్ఫ్లిక్స్, యూట్యాబ్ సహా మరెన్నో అదిరే ఫీచర్లతో ఫాక్స్స్కై
తక్కువ బడ్జెట్‌లో స్మార్ట్ టీవీ కోసం చూస్తున్న వారికి Foxsky 24 FSELS PRO ఆసక్తికరమైన ఆప్షన్‌గా నిలుస్తోంది. 24 అంగుళాల స్క్రీన్‌తో చిన్న ప్రదేశాలకు సులభంగా సరిపోయే ఈ టీవీలో Android సదుపాయం, ప్రముఖ OTT యాప్స్, HDMI, USB, Wi-Fi వంటి ఫీచర్లు ఉన్నాయి. ధరకు తగ్గ ఫీచర్లతో ఇది ఆకట్టుకుంటోంది.
స్మార్ట్ టీవీ కొనాలంటే వేల రూపాయలు ఖర్చు చేయాల్సిందేననే అభిప్రాయం ఉంది. అయితే Foxsky ఈ ఆలోచనను మార్చేలా 24 FSELS PRO మోడల్‌ను తీసుకొచ్చింది. చిన్న రూమ్, బెడ్‌రూమ్, కిచెన్ లేదా ఆఫీస్ స్పేస్‌కు సరిపోయే ఈ టీవీ తక్కువ ధరలో స్మార్ట్ ఫీచర్లను అందిస్తోంది. చిన్న స్క్రీన్‌లో OTT కంటెంట్ చూడాలనుకునేవారికి ఈ మోడల్ ఉపయోగకరంగా ఉంటుంది. తక్కువ ధర ఉన్నప్పటికీ డిజైన్, Android సదుపాయాలు, కనెక్టివిటీ, సౌండ్ విషయంలో అవసరమైన ఫీచర్లను ఇందులో అందించారు.
24 ఇంచుల డిస్‌ప్లే..
Foxsky 24 FSELS PROలో 24 ఇంచుల అంటే 60 సెమీ HD Ready డిస్‌ప్లే ఉంటుంది. సన్నని బాడీతో ఆధునిక లుక్‌ను కలిగి ఉండే ఈ టీవీ చిన్న గదులకు సులభంగా సరిపోతుంది. సినిమాలు, కార్టూన్లు, వీడియోలు చూడటానికి తగిన విజువల్ అనుభూతిని అందిస్తుంది. ఇది Android ఆపరేటింగ్ సిస్టమ్‌పై పనిచేస్తుంది. Netflix, Amazon Prime Video, Disney+ Hotstar, YouTube వంటి ప్రముఖ OTT యాప్‌లను నేరుగా టీవీలోనే ఉపయోగించుకోవచ్చు. ప్రత్యేకంగా స్మార్ట్‌ఫోన్‌ను కనెక్ట్ చేయాల్సిన అవసరం ఉండదు.
HDMI, USB..
కనెక్టివిటీ కోసం HDMI, USB పోర్టులు ఉన్నాయి. వీటి ద్వారా ల్యాప్‌టాప్, సెట్‌టాప్ బాక్స్, పెన్‌డ్రైవ్, గేమింగ్ కన్సోల్ వంటి పరికరాలను కనెక్ట్ చేసుకోవచ్చు. Wi-Fi సపోర్ట్ కూడా ఉండటంతో ఇంటర్నెట్‌కు సులభంగా కనెక్ట్ చేయవచ్చు. సౌండ్ కోసం సరౌండ్ ఎఫెక్ట్ అందించే స్పీకర్లను అందించారు. సాధారణంగా సినిమాలు, పాటలు వినేందుకు ఇవి సరిపోతాయి. తక్కువ విద్యుత్ వినియోగం కూడా మరో ప్లస్ పాయింట్. ఇన్ని ఫీచర్లతో Foxsky 24 FSELS PRO ధర కేవలం రూ.6,599గా ఉండటం దీని ప్రధాన ఆకర్షణ. చిన్న గదికి తక్కువ బడ్జెట్‌లో స్మార్ట్ టీవీ కావాలనుకునేవారికి ఇది ఆసక్తికరమైన ఆప్షన్‌గా నిలుస్తుంది.