Dizo Watch S: భారత మార్కెట్లోకి డిజో నుంచి కొత్త స్మార్ట్‌ వాచ్‌.. రూ. 2 వేల లోపు అదిరిపోయే ఫీచర్లు..
Dizo Watch S: ప్రస్తుతం మార్కెట్లో రోజుకో కొత్త స్మార్ట్‌ వాచ్‌ (Smart Watch) సందడి చేస్తోంది. స్మార్ట్‌ వాచ్‌లపై వినియోగదారులు కూడా మొగ్గు చూపుతుండడంతో పెద్ద పెద్ద కంపెనీలు సైతం వీటి తయారీలోకి అడుగు పెడుతున్నాయి. ఈ క్రమంలోనే పోటీ పెరగడంతో...
Dizo Watch S: ప్రస్తుతం మార్కెట్లో రోజుకో కొత్త స్మార్ట్‌ వాచ్‌ (Smart Watch) సందడి చేస్తోంది. స్మార్ట్‌ వాచ్‌లపై వినియోగదారులు కూడా మొగ్గు చూపుతుండడంతో పెద్ద పెద్ద కంపెనీలు సైతం వీటి తయారీలోకి అడుగు పెడుతున్నాయి. ఈ క్రమంలోనే పోటీ పెరగడంతో స్మార్ట్‌వాచ్‌ల ధరలు కూడా భారీగా తగ్గాయి. ఇలా తాజాగా ప్రముఖ గ్యాడ్జెట్‌ కంపెనీ డిజో భారత మార్కెట్లోకి కొత్త వాచ్‌ను విడుదల చేసింది. డిజో వాచ్‌ ఎస్‌ (Dizo Watch S) పేరుతో తీసుకొచ్చిన ఈ స్మార్ట్‌ వాచ్‌లో అద్భుతమైన ఫీచర్లను అందించారు.
రౌండ్ డయల్‌ కాకుండా రెక్టాంగులర్‌ డయల్‌తో ఈ స్మార్ట్‌ వాచ్‌ను రూపొందించారు. ఇక వాచ్‌లో ప్రత్యేకంగా రియ‌ల్ టైమ్ హార్ట్ రేట్‌, స్లీప్ మానిట‌రింగ్ స‌పోర్ట్‌తో పాటు 150 వాచ్‌ఫేసెస్‌ను అందించారు. ఈ స్మార్ట్‌ వాచ్‌ ఆండ్రాయిడ్‌, ఐఓఎస్‌ డివైజ్‌లకు సపోర్ట్ చేసుకోవచ్చు. దీంతో పాటు ఇందులో సైక్లింగ్‌, వాకింగ్‌, రన్నింగ్‌, ఫుట్‌బాల్‌, మౌంటెనీరింగ్, యోగతో పాటు 110కి పైగా స్పోర్ట్స్‌ మోడ్స్‌ను సపోర్ట్ చేస్తుంది.
ఈ స్మార్ట్‌ వాచ్‌ ధర రూ. 2,229 కాగా ఆఫర్‌లో భాగంగా రూ. 1,999కే లభిస్తుంది. ఏప్రిల్‌ 26 నుంచి ఫ్లిప్‌కార్ట్‌లో అందుబాటులోకి రానుంది. ఈ వాచ్‌లో 200 ఎంఏహెచ్‌ బ్యాటరీ అందించారు. వాచ్‌ను ఒక్కసారి ఛార్జ్‌ చేస్తే 10 రోజులు పనిచేస్తుంది. స్టాండ్‌బైగా 20 రోజులు నిరంతరాయంగా నడుస్తుంది. ఈ వాచ్‌ను బ్లాక్‌, గోల్డెన్ పింక్‌, సిల్వర్, బ్లూ క‌ల‌ర్స్‌లో అందుబాటులోకి తీసుకొచ్చారు. ఇక ఈ స్మార్ట్‌ వాచ్‌లో 200×320 పిక్సెల్స్‌తో కూడిన 1.57 ఇంచెస్‌ డిస్‌స్లేను ఇచ్చారు.
భారతసైన్యంలో ఇంటిదొంగలు.. వాట్సాప్‌ సందేశాలతో చైనా,పాక్‌కు సమాచారం చేరవేస్తునట్టు గుర్తింపు
Acharya: మెగా అభిమానులకు కనుల పండువ.. అన్న కోసం తమ్ముడు.. ఒకే వేదికపై మెగా హీరోల సందడి..
