Twitter: హిందూ దేవతలపై అభ్యంతరకర కంటెంట్ తొలగించాల్సిందే.. ట్విట్టర్‌కు ఢిల్లీ హైకోర్టు ఆదేశాలు!
హిందూ దేవతలపై అభ్యంతరకర కంటెంట్‌ను తొలగించాలని ఢిల్లీ హైకోర్టు శుక్రవారం ట్విటర్‌ను ఆదేశించింది. సోషల్ మీడియా సంస్థ ప్రజల మనోభావాలను పట్టించుకోవాలని కోర్టు పేర్కొంది.
Twitter: హిందూ దేవతలపై అభ్యంతరకర కంటెంట్‌ను తొలగించాలని ఢిల్లీ హైకోర్టు శుక్రవారం ట్విటర్‌ను ఆదేశించింది. సోషల్ మీడియా సంస్థ ప్రజల మనోభావాలను పట్టించుకోవాలని కోర్టు పేర్కొంది. అభ్యంతరకర కంటెంట్‌ని తొలగిస్తున్నారా లేదా అని ట్విట్టర్‌కు హాజరైన ప్రతినిధిని కోర్టు ప్రశ్నించింది. ఆదిత్య సింగ్ దేశ్వాల్ అనే వ్యక్తి దాఖలు చేసిన పిటిషన్ ను ప్రధాన న్యాయమూర్తి జస్టిస్‌ డీఎన్‌ పటేల్‌, జస్టిస్‌ జ్యోతిసింగ్‌తో కూడిన ద్విసభ్య ధర్మాసనం విచారించింది. నాస్తిక రిపబ్లిక్ అనే యూజర్ ఐడీ నుండి కాళికా దేవిపై అభ్యంతరకర వ్యాఖ్యలు చేశారు. ఈ పోస్టుపైనే పిటిషనర్ పిటిషన్ దాఖలు చేశారు. ఈ విచారణ సందర్భంగా రాహుల్ గాంధీని ట్విట్టర్ ఉదాహరణగా చూపుతూ, మీరు ఎందుకు పట్టించుకోవడం లేదని కోర్టు ట్విట్టర్‌ను ప్రశ్నించింది. మీరు ఈ రకమైన పోస్ట్‌ను తొలగించాలి. రాహుల్ గాంధీ కేసును ఉదాహరిస్తూ ధర్మాసనం ఆయనపై చర్య తీసుకుంటే, మతపరమైన మనోభావాలను రెచ్చగొట్టే ట్వీట్లపై ఎందుకు చర్యలు తీసుకోరని నిలదీసింది. ట్విటర్ తరఫున హాజరైన సీనియర్‌ న్యాయవాది సిద్ధార్థ్‌ లూథ్రా.. కోర్టు ఆదేశాలకు కట్టుబడి ఉంటామని చెప్పారు. కేసు తదుపరి విచారణ తేదీని నవంబర్ 30కి కోర్టు ఖరారు చేసింది.
ఫిర్యాదుపై ట్విటర్ చర్యలు తీసుకోలేదని పిటిషనర్ తరఫు న్యాయవాది సంజయ్ పొద్దార్ ట్విటర్ అధికార యంత్రాంగానికి ఫిర్యాదు చేసినట్లు తెలిపారు. పోస్ట్ ఇన్ఫర్మేషన్ టెక్నాలజీ చట్టం 2021ని ఉల్లంఘించారని ఆయన చెప్పారు. ట్విట్టర్ తన ఫిర్యాదును తిరస్కరించిందని, కంటెంట్ అభ్యంతరకరం కాదని పిటిషనర్ తెలిపారు. అందువల్ల దానిని తీసివేయరని చెప్పారు.
4 నెలల క్రితం కూడా వివాదం..
దాదాపు 4 నెలల క్రితం, ఇలాంటి కేసులో, ఢిల్లీ పోలీసుల సైబర్ సెల్ ట్విట్టర్‌లో కేసు నమోదు చేసింది. హిందూ దేవతను అవమానించారంటూ ఓ న్యాయవాది ఫిర్యాదు చేశారు. దీని తర్వాత, కంపెనీ ఎండి మనీష్ మహేశ్వరి, ట్విట్టర్ హ్యాండిల్ ఎథిస్ట్ రిపబ్లిక్‌పై కేసు నమోదైంది. ప్రజల మనోభావాలను దెబ్బతీశారని ఆరోపించిన ఎథిస్ట్ రిపబ్లిక్ తన ట్విట్టర్ హ్యాండిల్‌లో కొన్ని టీ-షర్టుల చిత్రాలను పోస్ట్ చేసింది. ఈ టీ-షర్టులలో ఒకదానిలో కాళీ దేవి చిత్రం ఉంది. దీన్ని అభ్యంతరకరంగా భావించి న్యాయవాది ఫిర్యాదు చేశారు. ఇందులో ట్విటర్‌లో ప్రజల మనోభావాలను దెబ్బతీసేలా ఉందని ఆరోపించారు.
ఇవి కూడా చదవండి: Solar Flare: సూర్యునిలో పేలుడు.. సౌర తుపానుగా భూమిపైకి.. కమ్యూనికేషన్లపై కనిపించనున్న ఎఫెక్ట్!
Microsoft: ఆపిల్‌ను వెనక్కి నెట్టేసిన మైక్రోసాఫ్ట్.. ప్రపంచంలోనే అత్యంత విలువైన కంపెనీ!
By Polls 2021: దేశవ్యాప్తంగా 13 రాష్ట్రాల్లో 29 అసెంబ్లీ.. 3 లోక్‌సభ స్థానాలకు ఉప ఎన్నికలు ఈరోజే..