COVID Vaccine: ఐఐటీ-ఢిల్లీ పరిశోధకుల అద్భుత ఆవిష్కరణ.. ‘వైరస్ లాంటి కణాల’ ఆధారిత వ్యాక్సిన్ అభివృద్ధి..
ఐఐటీ-ఢిల్లీ పరిశోధకుల అద్భుత ఆవిష్కరణ అడుగులు పడ్డడాయి. 'వైరస్ లాంటి కణాల' ఆధారిత వ్యాక్సిన్ అభివృద్ధి చేశారు.
ఢిల్లీలోని ఇండియన్ ఇన్స్టిట్యూట్ ఆఫ్ టెక్నాలజీ (ఐఐటి) పరిశోధకులు SARS-CoV-2 వైరస్ లాంటి కణాలను (విఎల్పీ) అభివృద్ధి చేశారు. SARS-CoV-2కి వ్యతిరేకంగా చేసినట్లే ఎలుకలలో ప్రతిఘటనను ప్రారంభించేలా వీఎల్పీ రోగనిరోధక వ్యవస్థను మోసగించిందని వారు చెప్పారు. ఇండియన్ ఇన్స్టిట్యూట్ ఆఫ్ టెక్నాలజీ (ఐఐటీ), ఢిల్లీ పరిశోధకులు కోవిడ్-19కి విరుగుడుగా సంభావ్య టీకా పోటీదారు అయిన SARS-CoV-2 వైరస్ లాంటి కణాలను అభివృద్ధి చేశారు. ఈ మేరకు అధికారులు సమాచారం అందించారు. SARS-CoV-2కి వ్యతిరేకంగా చేసినట్లే ఎలుకలలో ప్రతిస్పందనను ప్రారంభించేలా వీఎల్పీ రోగనిరోధక వ్యవస్థను మోసగించిందని వారు తెలిపారు.
ఐఐటీ ఢిల్లీలోని కుసుమ స్కూల్ ఆఫ్ బయోలాజికల్ సైన్సెస్లోని ప్రధాన పరిశోధకురాలు, ప్రొఫెసర్ మణిదీప బెనర్జీ మాట్లాడుతూ.. “ప్రపంచవ్యాప్తంగా అభివృద్ధి చేయబడిన చాలా వీఎల్పీలో SARS-CoV-2 స్పైక్ ప్రోటీన్ను మాత్రమే ప్రాథమిక యాంటిజెన్గా ఉపయోగించాయి. అయినప్పటికీ, మా వీఎల్పీలు సాధ్యమైనంత వరకు స్థానిక వైరస్ లాంటివి. అంటే అవి SARS-CoV-2 ( S-స్పైక్, N-న్యూక్లియోకాప్సిడ్, M-మెమ్బ్రేన్, E-ఎన్వలప్ ) మొత్తం నాలుగు స్ట్రక్చరల్ ప్రోటీన్లను కలిగి ఉంటాయి.
నిష్క్రియాత్మక వైరస్ ఆధారంగా వ్యాక్సిన్లు సహజంగానే ఈ ప్రయోజనాన్ని కలిగి ఉన్నాయని అన్నారు. అయినప్పటికీ,వీఎల్పీలు సురక్షితమైనవి, ఎందుకంటే అవి జన్యువు లేకపోవడం వల్ల అంటువ్యాధి కావు. THSTI వద్ద నిర్వహించిన జంతు ప్రయోగాలు మా వీఎల్పీలు బహుళ యాంటిజెన్లకు వ్యతిరేకంగా బలమైన అనుకూల రోగనిరోధక ప్రతిస్పందనను ప్రారంభిస్తాయని సూచిస్తున్నాయి. హర్యానాలోని ఫరీదాబాద్లోని ట్రాన్స్లేషనల్ హెల్త్ సైన్స్ అండ్ టెక్నాలజీ ఇన్స్టిట్యూట్ (THSTI) బృందంతో కలిసి పరిశోధకులు దీనిపై పనిచేశారు.
“వైరస్-లైక్ పార్టికల్స్ ఆఫ్ SARS-CoV-2 ఏజ్ వైరస్ సర్రోగేట్స్: మోర్ఫాలజీ, ఇమ్యునోజెనిసిటీ అండ్ ఇంటర్నలైజేషన్ ఇన్ న్యూరోనల్ సెల్స్” అనే పేరుతో అధ్యయనం ఇటీవల “ACS ఇన్ఫెక్షియస్ డిసీజెస్” జర్నల్లో ప్రచురించబడింది. అధికారుల ప్రకారం, కోవిడ్ మహమ్మారి వ్యాప్తి చెందినప్పటి నుండి, పరిశోధకులు SARS-CoV-2 వైరస్ గురించి మంచి అవగాహన పొందడానికి.. దానికి వ్యతిరేకంగా వ్యాక్సిన్లను అభివృద్ధి చేయడానికి ప్రయత్నిస్తున్నారు.
బెనర్జీ మాట్లాడుతూ, “వ్యాక్సిన్లు వైరస్కు వ్యతిరేకంగా చాలా రక్షణను అందిస్తాయి, అయితే టీకాలు వేసిన కొంతమంది ఇప్పటికీ కోవిడ్-19 బారిన పడుతున్నారు. అందువల్ల, అసలైన వైరస్తో ఆదర్శంగా మరింత మెరుగైన టీకాలు, చికిత్సలను అభివృద్ధి చేయాల్సిన అవసరం ఉంది, ఇది చాలా ప్రత్యేకమైన ప్రయోగశాలలలో నియంత్రిత పద్ధతిలో మాత్రమే చేయబడుతుంది.
VLP లను ఉపయోగించడం సురక్షితమైన, సులభమైన వ్యూహమని, అవి మాలిక్యులర్ మిమిక్స్, ఇవి అంటువ్యాధి కాకుండా నిర్దిష్ట వైరస్ లాగా కనిపిస్తాయి.
మరిన్ని హెల్త్ న్యూస్ కోసం