సుశాంత్ హెలికాప్టర్ షాట్..సోష‌ల్ మీడియాలో వీడియో వైరల్
బాలీవుడ్ హీరో సుశాంత్ సింగ్ రాజ్పుత్ మ‌ర‌ణం యావ‌త్ పిల్మ్ ఇండ‌స్ట్రీని విషాదంలోకి నెట్టింది. అత‌డి అభిమానులు ఈ విష‌యాన్ని అస‌లు జీర్ణించుకోలేక‌పోతున్నారు.
బాలీవుడ్ హీరో సుశాంత్ సింగ్ రాజ్పుత్ మ‌ర‌ణం యావ‌త్ పిల్మ్ ఇండ‌స్ట్రీని విషాదంలోకి నెట్టింది. అత‌డి అభిమానులు ఈ విష‌యాన్ని అస‌లు జీర్ణించుకోలేక‌పోతున్నారు. ఎంతో గొప్ప కెరీర్ ఉన్న‌న‌టుడు ఇంత అర్థాంత‌రంగా త‌న‌వు చాలించ‌డంతో సినీ ప్ర‌ముఖులు కూడా దిగ్భ్రాంతికి గుర‌య్యారు. ప్రస్తుతం సుశాంత్ మర‌ణానికి సంబంధించి ద‌ర్యాప్తు కొన‌సాగుతోంది. కాగా అత‌డి అభిమానులు రోజూ ఏదో ర‌కంగా సుశాంత్ ని గుర్తు చేసుకుంటూనే ఉన్నారు. అతడికి సంబంధించిన ఫొటోలు, వీడియోలను సోష‌ల్ మీడియాలో పోస్టు చేస్తున్నారు.
సుశాంత్ ని అన్ని భాష‌ల సినీ ప్రేమికులకు దగ్గ‌ర చేసిన చిత్రం ‘ధోని’. టీమ్ఇండియా మాజీ కెప్టెన్ మహేంద్ర సింగ్ ధోని లైఫ్ స్టోరీ ఆధారంగా తెరకెక్కిన ఈ సినిమాలో సుశాంత్ నటన అంద‌ర్నీ మెస్మ‌రైజ్ చేసింది. చివర్లో వ‌ర‌ల్డ్ కప్లో ధోని బాదిన హెలికాప్టర్ షాట్ను యాజిటీజ్ అలాగే కొట్టి ధోని అభిమానులంద‌ర్నీ తన అభిమానులుగా మార్చుకున్నాడు సుశాంత్. అయితే ఆ షాట్ కోసం అతడు చాలా సాధ‌న చేశాడు. ఓ సందర్భంలో ఫ్యాన్స్ అతడిని హెలికాప్టర్ షాట్ ఆడాలంటూ కోరగా.. ఆ షాట్ను మ‌ళ్లీ సేమ్ దించేశాడు. ప్రస్తుతం అందుకు సంబంధించిన వీడియో వైరల్గా మారింది.
