Olympics 2021 Opening Ceremony Highlights: విశ్వ క్రీడా మహోత్సవం ప్రారంభం.. భారత అథ్లెట్లకు చప్పట్లతో వెల్‌కం చెప్పిన ప్రధాని మోడీ

జపాన్ చక్రవర్తి నరుహిటో 32 వ ఒలింపిక్ క్రీడలను అధికారికంగా ప్రకటించారు. రాబోయే 16 రోజులపాటు జపాన్‌లో ఈ ఉత్సవం జరగనుంది.

కవాతు తరువాత, ఒలింపిక్స్ థీమ్ ‘ఫాస్ట్ హయ్యర్ స్ట్రాంగర్ టుగెదర్’ ప్రదర్శన జరిగింది. అనంతరం టోక్యో 2020 చిహ్నాన్ని 1824 డ్రోన్లు ఉపయోగించి తయారుచేశారు.

ఒలింపిక్ ప్రారంభోత్సవంలో నిర్వహస్తోన్న పరేడ్ ఆతిథ్య జపాన్‌తో ముగుస్తుంది. ఈ పోటీల్లో జపాన్ నుంచి 552 మంది ఆటగాళ్లు సత్తా చాటనున్నారు.

అమెరికా టోక్యో ఒలింపిక్స్‌లో 613 మంది ఆటగాళ్లతో పాల్గొననుంది. అత్యధిక క్రీడాకారులతో తొలిస్థానంలో నిలిచింది. ఎక్కువ పతకాలు సాధించే లిస్టులో కూడా మొదటి స్థానంలో ఉంటుంది.

కవాతు కోసం టోంగా బృందం స్టేడియంలోకి ఎంటరైంది. అందరి కళ్లు టోంగా ప్లేయర్ పీటా టఫుటోఫువా దుస్తులు మీద పడ్డాయి. ఆ దేశ సంప్రదాయ దుస్తులు ధరించి ఆకట్టుకున్నాడు. ట్వైక్వాండో పోటీలో బరిలోకి దిగనున్నాడు.

Olympics Games 2021 Pita Taufatofua

టోక్యో ఒలింపిక్స్ క్రీడల ప్రారంభోత్సవ ప్రత్యక్ష ప్రసారాన్ని చూసిన మోడీ.. కవాతులో భారత అథ్లెట్లు ప్రవేశించినప్పుడు లేచి నిలబడి చప్పట్లు కొడుతూ వెల్‌కం చెప్పారు. అలాగే సత్తా చాటాలంటూ శుభాకాంక్షలు తెలిపారు. ఈమేరకు ప్రధాని ట్విట్టర్లో ట్వీట్ చేశారు.

Olympics Games 2021 Modi Wishes To Athlets

ఒలింపిక్స్‌లో ఎక్కువ పతకాలు సాధించే లిస్టులో చైనా కూడా ఒకటి. ఇప్పుడే ఆదేశానికి చెందిన ఆటగాళ్లు కవాతులోకి ఎంటరయ్యారు. ఈసారి 406 మంది ఆటగాళ్లతో టోక్యో ఒలింపిక్స్‌లో పాల్గొనబోతోంది. ఇందులో చాలామంది ఆటగాళ్లు పతకాన్ని సాధించే లిస్టులో ఉన్నారు.

ఒలింపిక్ ప్రారంభోత్సవంలో పాల్గొన్న ఆటగాళ్లు కూడా పాల్గొన్నారు. అయితే వీరిలో కొందరికి మాస్కులు లేవు. దీంతో ఒలింపిక్ ప్లేబుక్‌లోని నింబధనలు పాటించకుండా స్టేడియంలోకి ఎంటరయ్యారు.

ఒలింపిక్ ప్రారంభోత్సవ వేడుకల్లో అహ్మద్ సాబెర్ హమ్చోతోపాటు హెండ్ జాజా సిరియా తరపున పతాకధారులుగా వ్యవహరించారు. అయితే, హెడ్ జాజా.. తొలిసారి ఒలింపిక్ క్రీడల్లో పాల్గొంటుంది. 12 ఏళ్ల జాజా టేబుల్ టెన్నిస్‌లో బరిలోకి దిగనుంది. అయితే తొలి ఒలింపిక్ ఆడుతున్న జాజా, పతాకధారిగా అవకాశం దక్కించుకోవడం విశేషం.

Olympics Games 2021 Syriya Athlet Hend Zaza

ఒలింపిక్ స్టేడియంలో నిర్వహించిన కవాతులో శరణార్థుల టీం కూడా పాల్గొంది. రెండవసారి ఒలింపిక్ పోటీల్లో పాల్గొనే అవకాశం దక్కింది. వీరు ఒలింపిక్ జెండాను పట్టుకుని కవాతులో పాల్గొన్నారు. తొలిసారి 2016లో వీరు రియో ఒలింపిక్స్‌లో పాల్గొన్నారు.

వన్ బిలియన్ ప్రజల ఆశలను మోసుకుంటూ త్రివర్ణ పతాకాన్ని చేతపట్టుకుని స్టేడియంలో కవాతు చేశారు భారత ఆటగాళ్లు. ఈమేరకు ఒలింపిక్స్ తన అధికార ట్విట్టర్లో ఓ ఫొటోను పంచుకుంది.

కవాతులో పాల్గొన్న అంగోలా ఆటగాళ్ళు వారి దుస్తులతో అందరి దృష్టిని ఆకర్షించారు. సాంప్రదాయ దుస్తులలో అంగోలా దేశ జెండా ధరించి స్టేడియంలో నడిచారు.

Olympics Games 2021 In Angola Athlets

భారతదేశం తరువాత, ఇండోనేషియా, ఉగాండా, ఉక్రెయిన్, ఉరుగ్వే, గ్రేట్ బ్రిటన్, ఈజిప్ట్, కెనడా, ఖతార్, కజాఖ్స్తాన్, గయానా, ఒమన్, ఆస్ట్రేలియా, కామెరూన్, గాంబియా, కంబోడియా, గినియా, సైప్రస్, క్యూబా దేశాలు కూడా కవాతులో పాల్గొన్నాయి.

భారత ఆటగాళ్లు త్రివర్ణ పతాకాన్ని చేతపట్టుకుని ఒలింపిక్ స్టేడియంలోకి ప్రవేశించారు.

Olympics Games 2021 In Indian Athlets

భారత జట్టు మార్చ్ ఫాస్ట్ ఇప్పుడే మొదలైంది. భారత పురుషుల హాకీ జట్టు కెప్టెన్ మన్‌ప్రీత్ సింగ్ తలపాగా ధరించి, భారత జెండాను చేతపట్టుకున్నాడు. అతని పక్కనే మేరీ కోమ్ కూడా ఉన్నారు. ఈ మార్చ్ ఫాస్ట్‌లో భారతదేశం నుంచి 19 మంది ఆటగాళ్ళు, ఆరుగురు అధికారులు పాల్గొన్నారు.

Olympics Games 2021 In Indian Athlets

పలు ప్రదర్శనల అనంరతం ప్రతీ దేశం నుంచి ఆటగాళ్ల బృందాలు ఒలింపిక్ స్గేడియంలోకి వస్తున్నాయి. మార్చ్ ఫాస్ట్ చేసేందుకు వస్తున్నారు. తొలుత గ్రీస్‌ ఆటగాళ్లు తమ ప్రయాణాన్ని ప్రారంభించారు. అందరూ మాస్క్‌లు ధరించి మార్చ్ ఫాస్ట్‌లో పాల్గొంటున్నారు.

బంగ్లాదేశ్ ఆర్థికవేత్త, నోబెల్ గ్రహీత మహ్మద్ యూనస్‌కు ఒలింపిక్ లారెల్ బహుమతిని ఐఓసీ ప్రదానం చేసింది. యూనస్ క్రీడల కోసం చేసిన కృషికి ఈ అవార్డు బహూకరించింది.

ఒలింపిక్ స్టేడియంలో ప్రత్యేకంగా అలంకరించిన ఒలింపిక్ రింగులను ప్రదర్శించారు. అయితే వీటికో ప్రత్యేకత ఉంది. అందేటంటే.. 1964 లో నాటిన చెట్ల నుంచి వీటిని తయారుచేశారు. ప్రతీ రింగ్ నాలుగు మీటర్ల వ్యాసం కలిగిఉంది.

special olympic rings

కోవిడ్-19తో ప్రాణాలు కోల్పోయిన వారిని ఈ సందర్భంగా స్మరించుకున్నారు. అలాగే 1972లో చనిపోయిన ఇజ్రాయిల్ జట్టును ప్రత్యేకంగా ప్రస్తావించి కొంతసేపు మౌనం పాటించారు.

COVID-19 తో చాలా మంది అథ్లెట్లు ఒంటరిగా శిక్షణ పొందాల్సి వచ్చింది. అది కేవలం శిక్షణ మాత్రమే.. కానీ వారు ఎల్లప్పుడూ వారి ఆశలు, అభిరుచికి మాత్రం ఒంటరివారు కాదంటూ థీమ్‌న్ ప్రదర్శించారు.

Olympics Games 2021 (2)

ఎరుపు రిబ్బన్‌తో నృత్యకారులు అద్భుతమైన ప్రదర్శన చేశారు.

అట్టహాసంగా మొదలైన ఒలింపిక్ వేడుకల్లో… మొదటగా జపాన్ క్రీడాకారులు తమ దేశ పతాకాన్ని చేతపట్టుకుని ఒలింపిక్ స్టేడియంలోకి ఎంటరయ్యారు.

గతేడాది జరగాల్సిన ఒలింపిక్ క్రీడలు కరోనాతో ఈఏడాది టోక్యో వేదికగా జరగనున్న సంగతి తెలిసిందే. ఈమేరకు నేడు నిర్వహించే ప్రారంభ వేడుకలు అట్టహాసంగా మొదలయ్యాయి. జపాన్ రాజధాని టోక్యోలోని ఒలింపిక్ స్టేడియంలో విశ్వ క్రీడలు ప్రారంభమైనట్లు ప్రకటించారు.

ఒలింపిక్ ప్రారంభోత్సవంలో భారత పురుషుల టేబుల్ టెన్నిస్ ప్లేయర్ జి. సత్యన్ కూడా ఎంటరవ్వడానికి సిద్ధంగా ఉన్నాడు. ఈమేరకు సత్యన్ ట్విట్టర్‌లో కొన్ని ఫోటోలను కూడా పంచుకున్నాడు. ఈ ఫొటోలలో పలువురు భారత ఆటగాళ్లు భారత పతాకాలను చేతపట్టుకుని కనిపించారు.

ప్రారంభోత్సవానికి మేరీ కోమ్ సిద్ధంగా ఉంది. ఈమేరకు ఆమె తన ట్విట్టర్లో కొన్ని ఫోటోలను పంచుకుంది. ప్రారంభోత్సవంలో భారత త్రివర్ణాన్ని చేతపట్టుకుని భారత అథ్లెట్లను ముందుకు నడింపిచనున్నారు.