WPL 2026 Points Table: ఫైనల్ రేసులో ఆర్సీబీ.. డబ్ల్యూపీఎల్ ప్లేఆఫ్స్ నుంచి మాజీ ఛాంపియన్ ఔట్..?
Women's Premier League 2026 Standings: మహిళల ప్రీమియర్ లీగ్ (WPL) నాలుగో సీజన్ పతాక స్థాయికి చేరుకుంది. స్మృతి మందాన సారథ్యంలోని రాయల్ ఛాలెంజర్స్ బెంగళూరు (RCB) వరుస విజయాలతో దూసుకుపోతూ ఇప్పటికే ప్లే ఆఫ్స్ బెర్తును ఖరారు చేసుకోగా, మిగిలిన స్థానాల కోసం డిఫెండింగ్ ఛాంపియన్ ముంబై ఇండియన్స్, ఢిల్లీ క్యాపిటల్స్, యూపీ వారియర్స్, గుజరాత్ జెయింట్స్ మధ్య పోరు రసవత్తరంగా మారింది.
WPL 2026 Points Table: డబ్ల్యూపీఎల్ 2026లో రాయల్ ఛాలెంజర్స్ బెంగళూరు జట్టు ఆపలేని శక్తిగా మారింది. ఆడిన ఐదు మ్యాచ్ల్లోనూ విజయం సాధించి 10 పాయింట్లతో టేబుల్ టాప్లో నిలిచింది. సోమవారం గుజరాత్ జెయింట్స్తో జరిగిన మ్యాచ్లో 61 పరుగుల భారీ తేడాతో గెలుపొందడం ద్వారా ప్లే ఆఫ్స్కు అర్హత సాధించిన తొలి జట్టుగా రికార్డు సృష్టించింది. గౌతమి నాయక్ (73) అద్భుత ఇన్నింగ్స్, బౌలర్ల సమిష్టి కృషితో ఆర్సీబీ తిరుగులేని ఫామ్లో ఉంది.
మలుపు తిరిగిన ముంబై – ఢిల్లీ పోరు: మంగళవారం వడోదర వేదికగా జరిగిన మ్యాచ్లో ఢిల్లీ క్యాపిటల్స్ జట్టు ముంబై ఇండియన్స్పై 7 వికెట్ల తేడాతో ఘనవిజయం సాధించింది. జెమిమా రోడ్రిగ్స్ (51*) మెరుపు ఇన్నింగ్స్తో ఢిల్లీ తన ప్లే ఆఫ్ ఆశలను సజీవంగా ఉంచుకుంది. ఈ ఓటమితో ముంబై ఇండియన్స్ రెండో స్థానంలో ఉన్నప్పటికీ, వారి నెట్ రన్ రేట్, తదుపరి మ్యాచ్ల ఫలితాలపై ప్లే ఆఫ్ అవకాశాలు ఆధారపడి ఉన్నాయి.
డబ్ల్యూపీఎల్ 2026 పాయింట్ల పట్టిక:
ప్లే ఆఫ్స్ సమీకరణాలు: ప్రస్తుతం ఆర్సీబీ మినహా మిగిలిన నాలుగు జట్లు చెరో 4 పాయింట్లతో సమానంగా ఉన్నాయి (ముంబై ఒక మ్యాచ్ అదనంగా ఆడింది). దీనివల్ల నెట్ రన్ రేట్ చాలా కీలకం కానుంది.
ముంబై ఇండియన్స్: ప్లే ఆఫ్స్ చేరాలంటే మిగిలిన మ్యాచ్ల్లో ఖచ్చితంగా గెలవాలి.
యూపీ వారియర్స్, గుజరాత్: రాబోయే మ్యాచ్ల్లో భారీ తేడాతో గెలిస్తేనే టాప్ 3లోకి వెళ్లే అవకాశం ఉంటుంది.
ఢిల్లీ క్యాపిటల్స్: ముంబైపై గెలుపుతో ఊపు మీదున్న ఢిల్లీ, అదే జోరును కొనసాగించాల్సి ఉంది.
ఆరెంజ్, పర్పుల్ క్యాప్ రేసు: బ్యాటింగ్ విభాగంలో యూపీ వారియర్స్ ప్లేయర్ ఫీబీ లిచ్ఫీల్డ్ (211 పరుగులు) ఆరెంజ్ క్యాప్ రేసులో ముందుండగా, బౌలింగ్లో ఆర్సీబీకి చెందిన నాడిన్ డి క్లెర్క్ (10 వికెట్లు) పర్పుల్ క్యాప్ దక్కించుకుంది.
మరిన్ని క్రికెట్ వార్తల కోసం ఇక్కడ చూడండి..