WTC Final: లండన్లో డబ్ల్యూటీసీ ఫైనల్.. మ్యాచ్ షెడ్యూల్ నుంచి ప్రత్యక్ష ప్రసారం వరకు.. పూర్తి వివరాలు మీకోసం..
World Test Championship FINAL: ప్రపంచ టెస్ట్ ఛాంపియన్షిప్ 2023 ఫైనల్లో భారత్ తన స్థానాన్ని నిర్ధారించుకుంది. ఈ మ్యాచ్ ఎప్పుడు, ఎక్కడ జరుగుతుందో, ఎలా చూడాలో ఇప్పుడు చూద్దాం..
WTC Final 2023: ప్రపంచ టెస్ట్ ఛాంపియన్షిప్లో భారత క్రికెట్ జట్టు వరుసగా రెండోసారి ఫైనల్కు చేరుకుంది. 2021-23 ప్రపంచ టెస్ట్ ఛాంపియన్షిప్ ఫైనల్లో, ఇంగ్లాండ్లోని ఓవల్లో ఆస్ట్రేలియాతో భారత్ పోటీపడుతుంది. ఈ ఏడాది జరిగిన డబ్ల్యూటీసీ ఫైనల్స్లో ఆస్ట్రేలియా మొదటి స్థానంలో నిలవగా, భారత్తో పాటు శ్రీలంక కూడా రెండో స్థానం కోసం రేసులో పోటీపడ్డాయి.
న్యూజిలాండ్ టూర్లో ఆడిన తొలి టెస్టు మ్యాచ్లో శ్రీలంక గెలవాల్సి ఉంది. కానీ అది కుదరలేదు. ఎంతో ఉత్కంఠభరితంగా సాగిన టెస్టు మ్యాచ్లో ఐదో రోజు చివరి బంతికి న్యూజిలాండ్ రెండు వికెట్ల తేడాతో శ్రీలంకను ఓడించింది. శ్రీలంక ఓటమి నుంచి లాభపడిన భారత్ ప్రపంచ టెస్టు ఛాంపియన్షిప్లో ఫైనల్కు చేరుకుంది. ఈ టెస్ట్ ఛాంపియన్షిప్లో ఫైనల్ మ్యాచ్ ఎప్పుడు, ఎక్కడ జరుగుతుందో, ఎలా చూడాలో ఇప్పుడు తెలుసుకుందాం.
ప్రపంచ టెస్ట్ ఛాంపియన్షిప్ 2023 ఫైనల్ మ్యాచ్ వివరాలు..
- ఇంగ్లండ్లోని లండన్లోని కెన్నింగ్టన్ ఓవల్లో భారత్ వర్సెస్ ఆస్ట్రేలియా వరల్డ్ టెస్ట్ ఛాంపియన్షిప్ చివరి మ్యాచ్ జరగనుంది.
- ఐసీసీ వరల్డ్ టెస్ట్ ఛాంపియన్షిప్లో భారత్-ఆస్ట్రేలియా మధ్య చివరి మ్యాచ్ జూన్ 7 నుంచి ప్రారంభమై జూన్ 11 వరకు కొనసాగుతుంది. అదే సమయంలో వాతావరణాన్ని దృష్టిలో ఉంచుకుని, రిజర్వ్ డే కూడా నిర్ణయించారు. ఇది జూన్ 12 ఉంటుంది.
- భారత్-ఆస్ట్రేలియా మధ్య జరగనున్న ఐసీసీ వరల్డ్ టెస్ట్ ఛాంపియన్షిప్ ఫైనల్ మ్యాచ్ భారత కాలమానం ప్రకారం జూన్ 7న మధ్యాహ్నం 3 గంటలకు ప్రారంభం కానుంది. అయితే, మ్యాచ్ జరిగే ఖచ్చితమైన సమయం ఇంకా ధృవీకరించలేదు.
- ICC వరల్డ్ టెస్ట్ ఛాంపియన్షిప్ 2023 ఫైనల్ మ్యాచ్ భారత్లో స్టార్ స్పోర్ట్స్ నెట్వర్క్లో ప్రసారం కానుంది. మరోవైపు, ఆన్లైన్ స్ట్రీమింగ్ గురించి మాట్లాడితే, డిస్నీ ప్లస్ హాట్స్టార్ యాప్, వెబ్సైట్ రెండింటిలోనూ ఈ మ్యాచ్ని చూడొచ్చు.
మరిన్ని క్రీడా వార్తల కోసం ఇక్కడ క్లిక్ చేయండి..