Dwayne Bravo: 4 ఏళ్లలో 3సార్లు.. రిటైర్మెంట్ ప్రకటించిన ధోని బెస్ట్ ఫ్రెండ్.. ఇకపై టీ20 ఆడనంటూ..
Dwayne Bravo Retire From CPL: టీ20ల్లో అత్యధిక వికెట్లు తీసిన బౌలర్గా డ్వేన్ బ్రావో నిలిచిన సంగతి తెలిసిందే. ఇప్పటి వరకు టీ20ల్లో 600కుపైగా వికెట్లు తీశాడు. 2023లో ఐపీఎల్ నుంచి రిటైర్మెంట్ తీసుకున్నాడు. ఇప్పుడు అతను కరేబియన్ ప్రీమియర్ లీగ్ నుంచి రిటైర్మెంట్ కూడా ప్రకటించాడు. ఈ లీగ్లో అత్యధిక వికెట్లు తీసిన బౌలర్గా నిలిచాడు.
![Dwayne Bravo: 4 ఏళ్లలో 3సార్లు.. రిటైర్మెంట్ ప్రకటించిన ధోని బెస్ట్ ఫ్రెండ్.. ఇకపై టీ20 ఆడనంటూ..](https://images.tv9telugu.com/wp-content/uploads/2024/09/dwayne-bravo-to-retire-from-cpl.jpg?w=1280)
Dwayne Bravo Retire From CPL: డ్వేన్ బ్రావో టీ20కి రిటైర్మెంట్ ప్రకటించాడు. ఇక నుంచి ప్రొఫెషనల్ టోర్నీలు ఆడనని తెలిపాడు. CPL 2024 సీజన్ తన చివరి ప్రొఫెషనల్ టోర్నమెంట్ అని బ్రావో చెప్పాడు. ఈ సీజన్ తర్వాత అతను ఏ టీ20 టోర్నీలోనూ కనిపించడు. ఈ విషయాన్ని ఆయన సోషల్ మీడియా ద్వారా తెలియజేశాడు. తన రిటైర్మెంట్ గురించి మాట్లాడితే, CPLలో ట్రిన్బాగో నైట్ రైడర్స్ తరపున ఆడిన బ్రావో, CPL 2024 తన చివరి సీజన్ అని రాసుకొచ్చాడు. డ్వేన్ బ్రావో కరేబియన్ అభిమానుల ముందు తన చివరి ప్రొఫెషనల్ టోర్నమెంట్ ఆడాలనుకుంటున్నాడు. CPL ప్రయాణం ట్రిన్బాగో నైట్ రైడర్స్తో ప్రారంభమైంది. అదే జట్టుతో ముగించాలనుకుంటున్నాడు.
5 సీపీఎల్ ట్రోఫీలను గెలిచిన బ్రావో..
బ్రావో 2021లో టీ20 ఇంటర్నేషనల్ నుంచి రిటైరయ్యాడు. యూఏఈలో జరిగిన టీ20 ప్రపంచకప్లో జట్టు పేలవ ప్రదర్శనతో అంతర్జాతీయ టీ20కి వీడ్కోలు పలికాడు. 2023లో ఐపీఎల్ నుంచి కూడా రిటైరయ్యాడు. ఇప్పుడు సీపీఎల్లోనూ తన ప్రయాణానికి విరామం ఇవ్వాలని నిర్ణయించుకున్నాడు. ఈ విధంగా నాలుగేళ్లలో మూడుసార్లు రిటైర్మెంట్ ప్రకటించాడు. డ్వేన్ బ్రావో కరేబియన్ ప్రీమియర్ లీగ్లో అత్యంత విజయవంతమైన ఆటగాడు. ఈ లీగ్లో అత్యధిక వికెట్లు తీసిన ఆటగాడిగా రికార్డు సృష్టించాడు. సీపీఎల్లో 103 మ్యాచ్లు ఆడిన బ్రావో 128 వికెట్లు తీశాడు. ఇది మాత్రమే కాదు, అతను 5 సార్లు CPL ట్రోఫీని కూడా గెలుచుకున్నాడు.
టీ20లో 600కు పైగా వికెట్లు..
డ్వేన్ బ్రావోను టీ20 స్పెషలిస్ట్గా పరిగణిస్తున్నారు. ఈ ఫార్మాట్లో ప్రపంచంలోని దాదాపు ప్రతి లీగ్లో పాల్గొని తన ప్రతిభను నిరూపించుకున్నాడు. టీ20ల్లో 500 వికెట్లు తీసిన తొలి ఆటగాడు. ఈ ఫార్మాట్లో 578 మ్యాచ్లు ఆడిన బ్రావో.. బౌలింగ్లోనే కాకుండా బ్యాటింగ్లోనూ అద్భుతంగా రాణించాడు. డెత్ ఓవర్లలో తన అద్భుతమైన బౌలింగ్తో మ్యాచ్లను గెలిపించడంలో బ్రావో ప్రసిద్ధి చెందాడు. చివరి ఓవర్లలో సిక్సర్లు బాది మ్యాచ్ని గెలిపించగల సత్తా కూడా అతనికి ఉంది. బ్రేవో ఇప్పటి వరకు టీ20ల్లో 630 వికెట్లు పడగొట్టాడు. బ్యాటింగ్తో 6970 పరుగులు కూడా చేశాడు.
మరిన్ని క్రీడా వార్తల కోసం ఇక్కడ క్లిక్ చేయండి..